23
აპრილიდღის ზოგადი ასტროლოგიური პროგნოზი
უფლებადამცველი ბაია პატარაია სოციალურ ქსელში „ტაბულას“ დამფუძნებელ და პოლიტიკოს თამარ ჩერგოლეიშვილზე ვრცელ სტატუსს აქვეყნებს, სადაც არაერთ ბრალდებას უყენებს.
პატარაია წერს, რომ ჩერგოლეიშვილი სააკაშვილის კორუფციული ელიტის ერთ-ერთი ყველაზე თვალსაჩინო სახე იყო. "კეზერას ანუ თავდაცვის სამინისტროს ვერტალიოტებით დააფრენდა საკუთარ დაქალებს და სტუმრებს და იმდენად უგონოა, თავის პირით ტრაბახობდა და ჰყვებოდა ამას ჩემთანაც და ძალიან ბევრთანაც მერე, როცა ჯერ ნაჩხუბარი არ იყო კეზერასთან.“ - წერს პატარაია.
მის პოსტში ვკითხულობთ:
- ჩერგოლეიშვილის ახალი მანტრაა: “ყველა უნდა ჩაირეცხოს, მე უნდა გავირეცხო.”
ხოდა, ყველამ იცოდეს, რომ ჩერგოლეიშვილი იყო სააკაშვილის კორუფციული ელიტის ერთ-ერთი ყველაზე თვალსაჩინო სახე. ვერასდროს გაირეცხება და ოდანავადაც არ ჯობია არც ერთ ოპოზიციურ პარტიას წესიერებით.
ახალგაზრდებს შეიძლება არც ახსოვთ, რა შეზრდილი იყო მაშინდელი “ტაბულა” ნაცებთან. მიშას კრიტიკის გამო ბლოგერებს ყრიდნენ. იძულების წესით სილქნეტს შეტენილი ჰქონდა მისი ჟურნალის დარიგება-გაყიდვა; მომხმარებელი, რომლესაც არ უნდოდა ტაბულა და უნდოდა სილქტვ, ვერ აცალკევებდა ამ ორს; რაც მაშინვე გაუქმდა, როცა მიშამ არჩევნები წააგო. ასევე, სამინისტროები ვალდებული იყვნენ ეყიდათ ძალიან დიდი რაოდენობის ტაბულას ჟურნალი, მიუხედავად იმისა, რომ მათ თანამშრომლებს არ ჰქონდათ ინტერესი. აი, ასე ასაღებდა და უკანალში ტენიდა ყველას ამ თავის ჟურნალს უშიშროების საბჭოს მდივნის ცოლი!
კიდევ უარესი, კეზერას ანუ თავდაცვის სამინისტროს ვერტალიოტებით დააფრენდა საკუთარ დაქალებს და სტუმრებს და იმდენად უგონოა, თავის პირით ტრაბახობდა და ჰყვებოდა ამას ჩემთანაც და ძალიან ბევრთანაც მერე, როცა ჯერ ნაჩხუბარი არ იყო კეზერასთან.
ასევე ბევრი ირწმუნებს, რომ ბიძინასგან აღებული ფულის გამო დაშალა ბოკერიამ ნაციონალური მოძრაობა პირველად. ოღონდ, იდეურ განხეთქილებად გაასაღა ეს თავისსავე პარტიაში, საიდანაც ერთი ადამიანიც კი აღარ დარჩა წამლად. იმის გათვალისწინებით, თუ როგორ იქცევა ეს ოჯახი დღემდე და როგორ ეხმარებიან ირიბად ბიძინას, მე ეგ ამბავიც სარწმუნო მგონია. ეს თუ ასე არ არის, მაშინ მისივე საყვარელ ტერმინს გამოვიყენებ და უბრალოდ “სასარგებლო იდიოტია”.
მეორეჯერ კი იმიტომ დაეშალათ პარტია, რომ საშინელი ავტორიტარები არიან ორივე და არავისთან შეუძლიათ ძალაუფლების გაყოფა. ჩერგო საერთოდ სრული აუტანლობა აქვს ალტერნატიული აზრის.
მოკლედ, ჩერგო ვერავის ჩარეცხავს საკუთარი თავის გარდა!
პ.ს. ვიცი, რომ ასეთი პოსტებიც კი უხარია, იმდენად უნდა გააქტუალურება, მაგრამ ერთხელ უნდა შემეხსენებინა ყველასთვის, რომ არ დაგვვიწყებია მისი კორუფციული წარსული.
"ამ უნიჭო, მცოცავ, ცილისმწამებელ ყანის სარეველას, ცილისწამების საქმეს მოვუგებ ყველა სასამართლოში.“ - წერს თამარ ჩერგოლეიშვილი სოციალურ ქსელში. თუმცა უფრო ვრცელ კომენტარის ჩასაწერად, პირადად დავუკავშირდით
- აუცილებლად შევიტან საჩივარს ამ ცილისწამებაზე, მშვენიერი საჩუქარი გამიკეთა. აუცილებლად ვუჩივლებ, არა იმიტომ, რომ ბაია პატარაიას სიტყვა რამეს წარმოადგენს, არამედ იმიტომ რომ ბაია პატარაია წარმოადგენს სამოქალაქო საზოგადოებას და საუბრობს სამოქალაქო საზოგადოების სახელით. რამდენად შეიძლება ენდო, ამას ვაჩვენებ საზოგადოებას. საკმარისია არ დაეთანხმო, გამოწვევა მისცე ან სხვა ბანაკში აღმოჩნდე, უბრალოდ ცილს გწამებს.
- ძალიან მძიმე ბრალდებებია თქვენი მისამართით, თუნდაც ვერტმფრენის თემა...
- სრული სიგიჟე, აბსოლუტური ტყუილი, ყველაფერი რაც მოჰყვა, არის აბსოლუტური ტყუილი, იმიტომ გავრბივარ სიხარულით სასამართლოში.
- მოულოდნელი იყო თქვენთვის ბაიასგან მსგავსი პოსტი?
- არა, არანაირად არ იყო მოულოდნელი, დიდი ხანია დაპირისპირება მაქვს ენჯეო სივრცესთან, იმიტომ რომ მიმაჩნია კორუმპირებულებად, უპასუხისმგებლოებად, გადამგდებებად და ცილისმწამებლებად, აი, ბაიამაც დაადასტურა.
- ბოლო დროს, სოციალურ სივრცეში ბევრი მხარდამჭერები შემოიკრიბეთ. სხვათა შორის ხშირად გეთანხმებიან ხოლმე როგორც ოპოზიციის მხარდამჭერები, ისე ხელისუფლების. ბაიას გარდა გაკრიტიკებენ სხვებიც, ხომ არ უკავშირებთ ამას პოლიტიკურ შურს?
- მე მაგათ ფსიქოანალიზს ვერ დავიწყებ, არც მაინტერესებს მაგათ თავებში ჩახედვა, იქ საინტერესო არაფერი დამხვდება, ამიტომ როცა ვხედავ რამეს მაბრალებს, პასუხს გავცემ და ისევ მე ვისარგებლებ ამ ყველაფრით. მაგრამ თვითონ ამას რატომ აკეთებენ, სიმართლე გითხრათ ფეხებზე მკიდია, ამაზე თავიანთ ფსიქოთერაპევტებს ელაპარაკონ.
- ქართული სასამართლოს იმედი გაქვთ?
- არა, მაგრამ პარალელური პროცესია, სასამართლოში საქმის წარმოებას დრო სჭირდება, ამასობაში ქუჩაში ვდგავართ და რეჟიმს ვარყევთ. სასამართლო რეფორმა დაგეგმილი გვაქვს, იყოს ეს საქმეც რას დაუშლის. გასაგებია, რომ ბიძინას სასამართლოა და არავითარი ნდობა არ მაქვს, მაგრამ თუნდაც სტრასბურგში რომ წავიღო, თუ ჩემი უფლება დაირღვევა სამართლიანი სასამართლოსი, ეს საბანძეთიც მოვლილი უნდა მქონდეს. აქედან გამომდინარე შევიტან საჩივარს, რაც არის პროცედურები იმას დავაკმაყოფილებ, თუ რეჟიმი ვერ შევცვალეთ იქამდე, სტრასბურგში მაინც წავიღო.
