"ახალი რჩეული მისი ყოფილი ცოლის ასლია" - ირაკლი ფირცხალავას პირადი ცხოვრების გარშემო სკანდალი არ წყდება: რას წერს მედია მომღერლის "ლავ სთორზე"

პირველ ცოლთან დაშორების შემდეგ ირაკლი ფირცხალავა უფრო მშვიდი გახდა და შეზღუდვები აღარ აწუხებს - წერს რუსული მედია და მომღერლის ახალ სიყვარულზე სტატიას აქვეყნებს.

მისი ყოფილი ცოლი, სოფია, ეჭვიანობისგან იტანჯებოდა და ხშირად აწყობდა სკანდალებს, რაც ყვირილსა და ჭურჭლის მსხვრევაში გამოიხატებოდა. ნებისმიერ ქალში ვინც მისი ქმრის გვერდით გამოჩნდებოდა, საფრთხეს ხედავდა. კავკასიელი ირაკლისთვის ასეთი შეზღუდვები აუტანელი აღმოჩნდა, რის გამოც კონფლიქტები ერთიმეორეს მიჰყვებოდა. ახლა კი, ყოფილის ბორკილებისგან გათავისუფლებული ფირცხალავა თავისუფლებით ტკბება. ცოტა ხნის წინ ირაკლიმ ახალი რომანი დაიწყო გოგონასთან, რომელიც მის ყოფილ ცოლს ძალიან ჰგავს.

იდეალური ოჯახი

ირაკლი ფირცხალავა პოპულარობის პიკზე იყო, როდესაც მასთან ქორწინებაზე ბევრი ქალი ოცნებობდა, თუმცა, „უცოლო მამაკაცის“ სტატუსთან დამშვიდობებას არ ჩქარობდა. 2009 წელს კი, ყველას გასაოცრად, მსახიობსა და მოდელ სოფია გრებენშჩიკოვზე დაქორწინდა.

მათი ქორწინება რომანტიკისა და ჰარმონიის სიმბოლოდ ითვლებოდა. ირაკლი არ მალავდა სიყვარულს ცოლისადმი, ხშირად აქვეყნებდა საერთო ფოტოებს და სიამაყით საუბრობდა მასზე ინტერვიუებში. როდესაც სოფია პირველ შვილს ელოდებოდა, მომღერალი მზრუნველ და ყურადღებიან ქმრად იქცა. ყველაფერს აკეთებდა იმისთვის, რომ სოფიას ამ მნიშვნელოვანი პერიოდით სიამოვნება მიეღო.

მოულოდნელი დაშორება

ქორწინებაში ირაკლისა და სოფიას ორი ვაჟი შეეძინათ: ილია 2010 წლის 12 აგვისტოს დაიბადა, ხოლო ალექსანდრე – 2012 წლის 11 ოქტომბერს. ოჯახი გარკვეული დროით ბედნიერი და მშვიდობიანი ჩანდა, თუმცა, შემდეგ ჰარმონია დაირღვა.

როდესაც უფროს შვილს სამი წელი შეუსრულდა, ხოლო უმცროსი ჯერ მხოლოდ წელიწად-ნახევრის იყო, ცოლ-ქმარმა მავრიკის კუნძულიდან დაბრუნების შემდეგ, სადაც ახალი წლის არდადეგები გაატარეს, გადაწყვიტეს, ცალ-ცალკე ეცხოვრათ.

სოფიას ეჭვიანობის ფონზე კონფლიქტები კიდევ უფრო მწვავე ხდებოდა. ქალი ხშირად აწყობდა სკანდალებს, რაც ირაკლის, რომელიც თავისუფლებას განსაკუთრებით აფასებდა, აღიზიანებდა. კაცი შეზღუდვებს ვერ იტანდა, რაც მხოლოდ ამძაფრებდა მათ უთანხმოებებს. მიუხედავად დაძაბული ურთიერთობისა, ფირცხალავა დაშორებას არ ჩქარობდა. ცოლ-ქმრის ცალკე გადასვლის შემდეგ, მომღერალი ერთი თვის განმავლობაში ცდილობდა სოფიას გულის მოგებას.

ყოველდღიურად უგზავნიდა მას რომანტიკულ შეტყობინებებს და თეთრ ტიტებს, იმედით, რომ ცოლს დაიბრუნებდა. თითქოს ურთიერთობა გამოსწორდა, მაგრამ 2014 წელს წყვილმა საბოლოოდ გადაწყვიტა დაშორება. ირაკლი ამ პერიოდს ძალიან მძიმედ განიცდიდა და დღემდე მტკივნეულად აღიქვამს. მისთვის განსაკუთრებით უსიამოვნოა ფრაზა „სიყვარულის შენარჩუნება ბავშვების გამო“.

საყვარელი ვაჟები

დაშორების შემდეგ ირაკლისა და სოფიას ურთიერთობა კვლავ დაძაბული იყო, რაც არაერთხელ გახდა მედიაში განხილვის თემა. თუმცა, დროთა განმავლობაში, წყვილმა საერთო ენის გამონახა შვილების გამო. ირაკლი ხშირად აღნიშნავდა, რომ ბავშვობაში მამის მხარდაჭერის გარეშე გაზრდა, რაც მისთვის ძალიან რთული იყო და არ სურდა, მისი შვილებიც იგივე მდგომარეობაში აღმოჩენილიყვნენ.

დაშორების შემდეგ მომღერალი აქტიურად მონაწილეობდა შვილების ცხოვრებაში. მან საკუთარი ბავშვობის ოცნება აისრულა და უფროსი ვაჟი, ფეხბურთზე მიიყვანა. ორივე ძმას მუსიკისადმი ინტერესიც აქვს, ამიტომ მამამ მათთვის ფორტეპიანოს მასწავლებელი დაიქირავა. ამჟამად, ილია 14 წლისაა, ხოლო ალექსანდრე – 12.

ახალი რჩეული – ყოფილი ცოლის ასლი

ირაკლი ფირცხალავა კვლავ ბედნიერია. სოფია გრებენშჩიკოვასთან 2014 წელს დაშორების შემდეგ, მომღერალმა პირველად საჯაროდ ისაუბრა თავის ახალ რჩეულზე – დიზაინერ კარინა ხომუხაზე, რომელიც წინა ურთიერთობიდან ორ ქალიშვილს ზრდის. წყვილი ერთმანეთს მომღერალმა მაშა ვებერმა გააცნო.

ახლობლებმა აღნიშნეს, რომ კარინასთან ურთიერთობის შემდეგ ირაკლი შეიცვალა. მან უფრო მეტად მეტად დაიწყო საკუთარ თავზე ზრუნვა, უფრო მშვიდი გახდა და ხშირად სტუმრობს კარინასთან ერთად წმინდა ადგილებს.

საინტერესო ფაქტია, რომ კარინა გარეგნობით ირაკლის ყოფილ ცოლს ძალიან ჰგავს: ორივეს აქვს დიდი ცისფერი თვალები, სქელი თმა, გამოხატული ყვრიმალები და სავსე ტუჩები.