"ქორწილის მეორე დღეს იჩხუბეს და დაშორდნენ, თუმცა..." - ანჯელინა ჯოლის ძმა დაქორწინდა (ფოტოები)

ანჯელინა ჯოლის ძმა, ჯეიმს ჰეივენი დაქორწინდა. მედიის ინფორმაციით, ენჯი ძმის ქორწილს არ დასწრებია. 51 წლის ჰეივენი გასული წლის ზაფხულში დაქორწინდა, თუმცა ინფორმაცია მედიისთვის ახლახან გახდა ცნობილი.

წყაროების მიხედვით, წყვილის ქორწილი კალიფორნიაში, ლაგუნა ბიჩში, გაიმართა და მას მხოლოდ ოჯახის ახლო წევრები დაესწრნენ, რომელთა შორისაც იყო ჰეივენის მამა, 86 წლის ჯონ ვოიტი.

ჰეივენის მეუღლე, რომი მარი იმბელი, ადრე ცნობილი იყო როგორც რომი კლინგერი და მონაწილეობდა რეალით-სერიალში The Real L Word, რომელიც ლესბოსელთა ჯგუფზე მოგვითხრობს და ეთერში 2010-2012 წლებში გადიოდა.

• დღეს რომი პირადი მწვრთნელია და ინსტაგრამზე ხუთი თვის შემდეგ დაადასტურა ჰეივენთან ქორწინება, გააზიარა ფოტოც, რომელშიც წყვილი ცერემონიაზე ერთმანეთს ეხუტება.

"2024 წელს დავქორწინდი ჩემს საუკეთესო მეგობარზე, რომელიც უკვე 23 წელია ჩემი ცხოვრების ნაწილია, ჩვენი ისტორიის დეტალები პირადია და რთულია გასაზიარებლად, მაგრამ ყველაფერს ვწერ ჩემს წიგნში", - წერს ქალი.

რომიმ აღნიშნა, რომ ქორწილის მეორე დღეს ქმართან იჩხუბა. „5 თვის განმავლობაში იყო ბევრი ტირილი, განკურნება და ფიქრი გვჭირდებოდა, რათა ჩვენი პრობლემები გადაგვეჭრა. ახლა ვგეგმავთ ამ განსაკუთრებულ დღის აღნიშვნას ჩემს შვილთან ერთად.“

• რომი ადრე დაქორწინებული იყო მუსიკოს დასტი რეიზე და შეფ ჩარლზ იმბელიზე, რომელთანაც ჰყავს ქალიშვილი, რომელიც 2016 წელს დაიბადა.

ჯეიმს ჰეივენისთვის ეს პირველი ქორწინებაა.ჰეივენი მსახიობი და პროდიუსერია. მას მონაწილეობა აქვს მიღებული ფილმში Gia, ასევე 2001 წლის დრამაში Monster’s Ball და 2004 წლის CSI-ის ერთ ეპიზოდში.

მედია წერს, რომ როგორც ჩანს, წყვილმა ქორწილის ფოტოები აქამდე იმ მიზეზით არ გაასაჯაროვა, რომ მნიშვნელოვანი დღიდან მეორე დღეს, მათ შორის სერიოზული ჩხუბი მოხდა და ისინი დაშორდნენ, თუმცა შემდეგ შერიგდნენ.

"ახლა ვგრძნობ, რომ თავისუფალი ვარ და მზად ვარ, დავუბრუნდე ჩემს ქმარს და ჩვენს სახლს ლოს-ანჯელესში. ყველაფერი, რაც ბოლო რამდენიმე თვეში მოხდა, უფრო დიდი გეგმის ნაწილი იყო და ღმერთს ვენდობი.“ - წერს ქალი.