“ჭრილობები შეხორცდა - შეხორცდება, გაივლის და ლაღი, გულწრფელი ქართველი ხალხი დაიბრუნებს სამშობლოს!“ - ლევან ხაბეიშვილი
“ერთიანობა-ნაციონალური მოძრაობის“ პოლიტსაბჭოს თავმჯდომარე, ლევან ხაბეიშვილი 2024 წელს აჯამებს.
-
“უმძიმესი წელი გავიარეთ... გადახსნილი თავები, სასტიკად ნაწამები ადამიანები, უკიდურესად, არაადამიანურად მოქმედი ივანიშვილის რუსული რეჟიმი. დევნა და ჩასაფრებები ქუჩებში, სახლებთან, სახლებში, ეზოებსა და ჩიხებში…“ - წერს ხაბეიშვილი სოციალურ ქსელში. მისი თქმით, “უკიდურესად დიდი შეცდომა დაუშვა, როდესაც რუსმა ოლიგარქმა ჩათვალა, რომ ქართველს დააჩოქებს, დაიმორჩილებს, დაიმონებს!“
“ვნახეთ ერთ მუშტად შეკრული ხალხი, საზოგადოება, რომელიც არ უშინდება - ვერ დააჩოქეს, ვერ გატეხეს და შეუდრეკლად, იბრძვის საქართველოს თავისუფლებისთვისა და მომავლისთვის!
სამშობლოს სიყვარულისთვის დააპატიმრეს ათობით ჩვენი თანამოქალაქე - აწამეს, დაასახიჩრეს და შემდეგ პატრიოტიზმი, საქართველოს სიყვარული დასდეს ბრალად!
უკიდურესად ბრძოლისუნარიანია ქართველი - გაუტეხელი, უსამართლობასთან შეურიგებელი, პრინციპული, რომელიც ივანიშვილს ჰგონია, რომ ცხვარია და მშიშარა!
უკიდურესად დიდი შეცდომა დაუშვა, როდესაც რუსმა ოლიგარქმა ჩათვალა, რომ ქართველს დააჩოქებს, დაიმორჩილებს, დაიმონებს! ის შეცდა - შინაარსშიც და აღქმებშიც!
ქართველი ადამიანი არის მგელი!
უმძიმესი პერიოდი გავიარე პირადადაც, რაც ასახული და გამოხატულია ჩემს სახეზე.
უფრო მძიმე და რთულად დასანახია ის განცდები, ემოციები, რომელიც დამეუფლა როდესაც ვფიქრობდი რეჟიმის სისასტიკეზე, ხალხის შიშველ ხელებზე…
ყველა ტკივილი, რომელიც განვიცადე უფრო ამძაფრებდა ფიქრს, რომ წინ კიდევ უფრო სასტიკი რეალობა და დღეები გველოდა.
იმ დილით, უკიდურესად მძიმე მდგომარეობაში მივედი პარლამენტში ერთი "შეპყრობილი" ფიქრით: “იქნებ ისიამოვნონ ამ სახით, იქნებ მოიკლან სისხლის, სისასტიკის წყურვილი, იქნებ დაფიქრდნენ, რომ არ მოექცნენ ქართველებს ასე, იქნებ აღარ გაიმეორონ, იქნებ ვიღაცას ეყოს გონიერება, იქნებ ასეთი ფიზიკურად გამოხატული ჭრილობები იყოს მათთვის საჩუქარი…”სამწუხაროდ, ამის შემდეგ კიდევ უფრო შორს წავიდნენ და ეს ყველამ ვნახეთ დედაქალაქის ქუჩებში!
- თუმცა.... მაგრამ...
დარწმუნებული ვარ, ქართველი ხალხის გამარჯვება არასდროს ყოფილა ისე ახლოს, როგორც ახლა!
დარწმუნებული ვარ, 2025 წელი აბსოლუტური გამარჯვების, სიხარულის და ქვეყანაში სიყვარულის დაბრუნების წელი იქნება! უპირობოდ გაიმარჯვებს ერი, რომელიც დაუღალავად იბრძვის!
გათავისუფლდებიან სამშობლოს სიყვარულისთვის გასამართლებული ადამიანები, მივაღწევთ რეჟიმის დემონტაჟს და ყველანი ერთად ვიფიქრებთ, ვიმუშავებთ საქართველოს წარმატებაზე!
ჭრილობები შეხორცდა - შეხორცდება, გაიარა - გაივლის და ლაღი, გულწრფელი ქართველი ხალხი დაიბრუნებს სამშობლოს!
ღმერთმა დალოცოს საქართველო!
დამდეგს გილოცავთ ძვირფასებო!“ - წერს ლევან ხაბეიშვილი.