მნიშვნელოვანი ინფორმაცია
13
მაისიდღის ზოგადი ასტროლოგიური პროგნოზი
ოთხშაბათი, მთვარის მეთვრამეტე დღე დაიწყება 01:30-ზე, მთვარე მშვილდოსანშია
არ წამოიწყოთ ახალი საქმეები, სასამართლო პროცესები. არ გირჩევთ ვაჭრობას, უძრავ ქონებასთან დაკავშირებული საკითხების მოგვარებას. კარგი დღეა შემოქმედებითი საქმიანობისთვის. ურთიერთობისას აკონტროლეთ ემოციები. კამათი დაუშვებელია. კარგი დღეა მოგზაურობისთვის, ხანგრძლივი მგზავრობისთვის. დაისვენეთ, მაგრამ ნაკლები იძინეთ. მოერიდეთ ქორწინებასა და ჯვრისწერას. გაამდიდრეთ თქვენი რაციონი თხილითა და მცენარეული ზეთით. სიგარეტის რაოდენობა და ალკოჰოლის დოზა შეამცირეთ. ჯანმრთელობის გაუმჯობესების მიზნით კარგ შედეგს მოგიტანთ: სირბილი, ველოსიპედი, სწრაფი სიარული.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"ჯერჯერობით ჩემს კაბინეტში ცხოვრობს... სერიოზული ვოლიერია მისთვის ასაშენებელი, რადგან ძალიან ძლიერი ცხოველია" - რას ამბობს ზურაბ გურიელიძე ბექაურის ნაჩუქარ ბოკვერზე
15:22 / 26-12-2024
"ბოკვერი უკვე ჩვენს ზოოპარკშია," - წერს ორგზის ოლიმპიური ჩემპიონი ლაშა ბექაური. ის თბილისის ზოოპარკის დირექტორთან ზურაბ გურიელიძესთან ერთად გადაღებულ ფოტოს აქვეყნებს. როგორც ირკვევა ბოკვერი, რომელიც სკანდალად ქცეულ ვიდეოში ჩანდა, უკვე თბილისის ზოოპარკშია.
AMBEBI.GE ზოოპარკის დირექტორს ზურა გურიელიძეს ესაუბრა:
- ლაშამ ბოკვერი ზოოპარკში მოიყვანა. თქვენთვის ცნობილი ხომ არ გახდა, რა გზებითაა ბოკვერი ქვეყანაში შემოყვანილი?
- არ უთქვამს. ალბათ მას გარემოს დაცვის სამინისტროსთან ექნება ურთიერთობა, ეს საკითხი ამ სამინისტროს ეხება. ჩემი კომპეტენცია არ არის. გარემოს დაცვის სამინისტრო იყო ჩართული და იმედია, როცა ყველაფერი გაირკვევა, მეტი ინფორმაცია გვექნება. ალბათ გარკვეული პროცედურებია ჩასატარებელი.
- რამდენი თვისაა ბოკვერი?
- დაახლოებით 2 თვის და ცოტა მეტის.
- რამდენ ხანში შეიძლება ის ადამიანისთვის სახიფათო გახდეს?
- ინდივიდუალურია, მაგრამ ჩვენი გამოცდილებით, 4 თვიდან შესაძლებელია დამაზიანებელი იყოს - 4 თვიდან იწყებენ ინტენსიურ თამაშებს. მაგ დროს შეიძლება ბრჭყალებით ადამიანს სერიოზული ზიანი მიაყენოს.
- რას უპირებთ?
- რასაც სხვა ცხოველებს ზოოპარკში, იმავეს - მოვუვლით და გავზრდით. თუმცა ამ ეტაპისთვის მზად არ ვართ - ვოლიერიც არ გვაქვს. დიდ ლომებთან როდესაც ცხოველების ჩასმა ხდება, ეს პროცედურა მაშინაც ფრთხილად უნდა მოხდეს, მაგრამ ამ ასაკში ეს აბსოლუტურად გამორიცხულია. ასე რომ, სასწრაფოდ უნდა გავუკეთოთ ვოლიერი. ჯერჯერობით ჩემს კაბინეტში ცხოვრობს. შესაბამისად უნდა მოვუწყოთ ვოლიერი და დავიწყებთ ამის გამზადებას. სანამ პატარაა, თავიდან დროებითს გავუკეთებთ, დიდი დროც არ გვაქვს. რეალურად საკმაოდ სერიოზული ვოლიერია ასაშენებელი. ძალიან ძლიერი ცხოველია.
- ზოოპარკი ახალი ბინადარი, ლომების რა სახეობას მიეკუთვნება?
- არსებობს ორი სახეობაა - სპარსული და აფრიკული. ეს აფრიკული ლომია. კონკრეტულად რა ქვესახეობაა, ამ ასაკში ცოტა ძნელია პასუხი, მით უფრო, გენეტიკური ანალიზის გარეშე. ჯერჯერობით თავი გამოავლინა როგორც პატარა ლომმა. რაღაცებს ლაპარაკობს თავის ენაზე.
- რას ლაპარაკობს?
- გაოცებულია, ეს სად მოვხდიო...
- ამბად გავიგეთ, რომ ლომის ბოკვერის შემოყვანა 4 თვემდე შეიძლება, მერე კი არა...
- არა, ასე არ არის. CITES-ის (კონვენცია გადაშენების პირას მყოფი სახეობებით და მათ დერივატებით საერთაშორისო ვაჭრობის შესახებ) ნებართვა სჭირდება არა მარტო შემოყვანისას, არამედ იმ შემთხვევაშიც, უბრალოდ ცხოველის ტყავის ნაწილიც რომ შემოიტანო. ასევეა საერთოდ გადაშენების პირას მყოფ ცხოველებზე, ხოლო ის ცხოველები, რომლებიც CITES-ის ნუსხაში არ არიან, სხვა პროცედურებია და გაცილებით უფრო მარტივი. სერტიფიკატიც არ სჭირდებათ. კატისებრები ყველანი CITES-ში არიან.
CITES-ის წევრია ყველა ქვეყანა, მათ შორის, საქართველოც. სერტიფიკატები ამ კონვენციის ორგანოების მიერ გაიცემა. მანამდე საკმაოდ რთული პროცედურებია გასავლელი, რომ ამ მიმართულებით კანონის დარღვევა არ მოხდეს. ბევრგან რატომრაც მოდაშია, გადაშენების პირას მყოფი სახეობების ყოლა... ჩვენთან ამ კუთხით ასეთი კატასტროფული მდგომარეობა არ არის.
წაიკითხეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
გაერთიანებული სამეფოს პრემიერ-მინისტრის, კირ სტარმერის ლონდონის სახლში ხანძარი გაჩნდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
