კახიძის “ალილო“ და გაოცებული ტელეწამყვანები - ხატია ბუნიათიშვილმა ფრანგულ გადაცემაში ქართველი კომპოზიტორის შედევრი შეასრულა

საფრანგეთში მოღვაწე ქართველმა პიანისტმა და ვირტუოზმა ვარსკვლავმა ხატია ბუნიათიშვილმა ფრანგულ გადაცემაში კახიძის “შობის გალობა“, იგივე “ალილო“შეასრულა.

ვიდეოს ბუნიათიშვილი სოციალურ ქსელში აქვეყნებს და ფრენკ სინატრას ცნობილი საშობაო ჰიტით ულოცავს მსმენელს შობა- ახალ წელს.

“Have yourself a merry little Christmas“ - წერს ქართველი პიანისტი, რომელმაც “ალილოს“ შემდეგ, სტუდიაში ფრენკ სინატრას უკვდავი ჰიტიც შეასრულა.

• ცოტა ხნის წინ ხატია ბუნიათიშვილმა პარიზში, ხუთი წლის წინ გაჩენილი ხანძრის შემდეგ რესტავრირებული ნოტრ-დამი გახსნა. ის საპატიო სტუმრებს შორის იყო მიწვეული და ისტორიული “პარიზის ღვთისმშობლის ტაძრის“ საზეიმო გახსნის ცერემონიალზე შეკრებულ სტუმრებს ულამაზესი კომპოზიციები შესთავაზა.

“პარიზის ღვთისმშობლის ტაძარი... კიბის დაუსრულებელ საფეხურებს პარიზის ცამდე მივყავართ. პარიზის ცის ქვეშ, მარადიული ქალაქის ხედი, სტუდენტებს, ხელოვანებს, ახალგაზრდა წყვილებს და მეოცნებე თვალებს აერთიანებს.

პარიზის ღვთისმშობლის ტაძარი - ეს არის ესმერალდას თავისუფლება, კვაზიმოდოს სიწმინდე და ადამიანის უფლებები, რომელზეც ვიქტორ ჰიუგო ოცნებობდა. ნოტრ-დამი, რომელმაც შეგვაშინა და დაგვანახა, რომ “მარადიულიც“ შეიძლება განადგურდეს, თუმცა ის ისევ აქ დგას - მოხუცი, თავისუფალი, ლამაზი, უკვდავი,“ - წერდა პიანისტი.

იხილეთ ასევე:

• "ჩვენი მოქალაქეები ისჯებიან თავიანთი არჩევანის გამო, თავიანთი სურვილის გამო, რომ საკუთარი აზრი გამოხატონ" - რას ამბობს ხატია ბუნიათიშვილი CNN-თან ინტერვიუში?
• "ზოგჯერ არ მიწვევდნენ მსოფლიოს საუკეთესო ორკესტრები, თუმცა ვამბობდი: "არა უშავს, მარტო დავუკრავ" - რას ჰყვება ხატია ბუნიათიშვილი ვარსკვლავურ კარიერაზე