თბილისში 16 წლის ბიჭი 14 წლის მოზარდმა დაჭრა - რა დეტალები ხდება ცნობილი?
თბილისში, ზესტაფონის ქუჩაზე, 16 წლის ბიჭის დაჭრეს, დანაშაულის სავარაუდო ჩამდენი 14 წლის მოზარდია. ინფორმაციას "რუსთავი 2" ავრცელებს.
- ტელეკომპანიის ინფორმაციით, 16 წლის ბიჭს თავს რამდენიმე პირი მაშინ დაესხა, როცა ძმასთან ერთად გადაადგილდებოდა. თავდამსხმელებს, ერთი პირის გარდა, სახეზე ნიღაბი ჰქონდათ ჩამოფარებული.
დაჭრილი ახალგაზრდა რეანიმაციულ განყოფილებაში იმყოფება.
დაჭრილის დედა "რუსთავი 2"-ს უყვება, რომ მისი შვილი და ბრალდებული ერთ სკოლაში სწავლობდნენ, მათ შორის დაპირისპირება წარსულშიც მოხდა, ამის შემდეგ ბრალდებული მოზარდი სასწავლებლად სხვა სკოლაში გადავიდა, თუმცა ის 16 წლის ბიჭს რამდენჯერმე ჩაუსაფრდა.
როგორც AMBEBI.GE-ს შსს-ში განუცხადეს, დანაშაულში ბრალდებული პირი პოლიციამ ცხელ კვალზე დააკავა. მომხდართან დაკავშირებით დაწყებულია გამოძიება სსკ-ის 117-ე მუხლით, რაც ჯანმრთელობის განზრახ მძიმე დაზიანებას გულისხმობს.