მეტროში, მამაკაცმა მძინარე ქალს ცეცხლი წაუკიდა - საზარელი ტრაგედიის დეტალები: რას აცხადებს ნიუ-იორკის პოლიცია დაკავებულზე
ნიუ-იორკის პოლიციამ დააკავა მამაკაცი, რომელმაც მათი თქმით, ქალაქის მეტროს ვაგონში მყოფ ქალს ცეცხლი წაუკიდა. შედეგად ქალი გარდაიცვალა.
სამართალდამცველებმა 22 დეკემბერს გამართულ ბრიფინგზე საზარელი შემთხვევის დეტალებზე ისაუბრეს.
-
მათი თქმით, ქალი, რომლის ვინაობა არ სახელდება, ბრუკლინში, Coney Island-Stillwell Avenue მეტროსადგურის ერთ-ერთ სტაციონარულად მდგომ ვაგონში, დილის 7:30 საათზე (1230 GMT) გაუნძრევლად იჯდა. უცნობი მამაკაცი მას მშვიდად მიუახლოვდა და სანთებელას გამოყენებით, ტანსაცმელს ცეცხლი წაუკიდა.
ცეცხლი ქალს რამდენიმე წამში მთლიანად მოედო. ნიუ-იორკის პოლიციის დეპარტამენტი თქმით, მანამდე ორ ადამიანს შორის არანაირი ურთიერთქმედება არ ყოფილა, რის გამოც დიდი ალბათობით ისინი ერთმანეთს არ იცნობდნენ.
კვამლი და სუნი იგრძნეს სადგურზე მყოფმა პოლიციელებმა. მათ ხანძარსაწინააღმდეგო საშუალებები გამოიყენეს და სასწრაფო სამედიცინო დახმარება გამოიძახეს, თუმცა ქალი ადგილზე დაიღუპა.
-
ინტერნეტში გავრცელდა საზარელი შემთხვევის ამსახველი ვიდეო, სადაც ჩანს, რომ სავარაუდო დამნაშავე დამწვარი ქალისგან რამდენიმე ნაბიჯის მოშორებით, სკამზე მშვიდად ზის.
თავდაპირველად ოფიცრებმა მასზე ეჭვი ვერ აიღეს, თუმცა გამოძიების შედეგად, მოგვიანებით მისი დაკავება მოხდა.
ეჭვმიტანილის ვინაობა საჯაროდ არ არის ცნობილი. პოლიციის განცხადებით, ისინი ჯერ კიდევ იძიებენ მსხვერპლის ვინაობას და თავდასხმის მიზეზს.
იხილეთ ასევე: