მნიშვნელოვანი ინფორმაცია
10
მაისიდღის ზოგადი ასტროლოგიური პროგნოზი
კვირა, მთვარის მეთხუთმეტე დღე დაიწყება 20:34-ზე, მთვარე მორიელშია
კრიტიკული დღეა. არ იჩხუბოთ. ეცადეთ, ეს დღე მშვიდად განვლოთ. არ დაიწყოთ ახალი საქმეები; მოერიდეთ მნიშვნელოვანი გადაწყვეტილებების მიღებას; ფინანსური საკითხების მოგვარება სხვა დღისთვის გადადეთ; ვაჭრობისთვის არახელსაყრელი დღეა, უძრავ ქონებასთან დაკავშირებული საკითხები სხვა დღეს მოაგვარეთ. აკონტროლეთ ემოციები. არასასურველია კამათი, ჩხუბი, საქმეების გარჩევა. არ გირჩევთ სამსახურის, საქმიანობის შეცვლას. სხვა დღისთვის გადადეთ მგზავრობა და მივლინება. კარგია შემოქმედებითი საქმიანობა, საოჯახო საქმეების შესრულება. ცუდი დღეა ქორწინებისა და ნიშნობისათვის. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
“იმედია ეს პოსტი მალე წაიშლება! შეცდომაა ამის დაწერა ახლა...“ - მიხეილ სააკაშვილი კრიტიკის ობიექტი გახდა: რას წერს ექსპრეზიდენტი გუშინდელი აქციის შესახებ
18:49 / 22-12-2024
საქართველოს ყოფილი პრეზიდენტი მიხეილ სააკაშვილი, კრიტიკის ობიექტი გახდა.
მის მიერ, სოციალურ ქსელში დაწერილ პოსტს საზოგადოებისა და სხვა ცნობადი სახეების მხრიდან უკმაყოფილება მოჰყვა.
“შეცდომაა ამდენი ხალხის ჩამოყვანა და გამარჯვების გარეშე უკან გაშვება,“ - წერდა სააკაშვილი “ფეისბუქის“ ოფიციალურ ანგარიშზე.
თუმცა მოგვიანებით სტატუსი ჩაასწორა და განმარტა, რომ სინამდვილეში სხვა რამეს გულისხმობდა:
“შეცდომაა ამდენი ხალხის გამოსვლა და გამარჯვების გარეშე უკან გაშვება.
პ.ს. სამწუხაროდ, ჩემი სიტყვიერი დანაბარების არასწორად დაპოსტვა მოხდა და შესაბამისად ჩემმა ამ პოსტმა გამოიწვია დამსახურებული რეაქცია.
რა თქმა უნდა, ხალხი საკუთარი ნებით გამოდის და აპროტესტებს. ჩემი მიზანი იყო, ხაზი გამესვა შთამბეჭდავი მსვლელობისათვის და ხელშესახები შედეგების დადგომის აუცილებლობისათვის,“ - აღნიშნულია ყოფილი პრეზიდენტის განცხადებაში, რომელიც გუშინ, რუსთაველის გამზირზე გამართულ მასშტაბურ საპროტესტო აქციას ეხება.
აქციაზე შეკრებილებმა პროტესტი ხორუმის ცეკვით გამოხატეს, რამაც საკმაოდ ეფექტური და ამაღელვებელი სანახაობა შექმნა.
როგორ ეხმაურებიან სააკაშვილის პოსტს სოციალურ ქსელში?
აღნიშნული პოსტი უმეტესმა ნაწილმა გაკრიტიკა. ნაწილმა კი დაწერა, რომ რადგან “ფეისბუქის“ ანგარიშს უშუალოდ მიხეილ სააკაშვილი არ აკონტროლებს, შესაძლოა გაურკვევლობას ჰქონდა ადგილი.
“შეცდომაა ამის დაწერა ახლა - ორი შეცდომაა შიგნით - ხალხის ჩამოყვანაზე და გამარჯვება რომ არ იყო გუშინ. ახლა ისეთ ვითარებაში ხარ, რომ შეცდომაზე მითითებაც უხერხულია, მესმის, მაგრამ სიმართლე ესაა, მიშა“, - წერს მიშა მშვილდაძე კომენტარებში.
"ერთიანობა - ნაციონალური მოძრაობის" თავმჯდომარის მოადგილის იგორ ნარმანიას თქმით, “თბილისის ქუჩებში ყოველდღიური მსვლელობები, აქციები, არის სრულად თვითორგანიზებული“.
“რეგიონებში ცალკე მსვლელობები იმართება.
ეს პროცესი სრულიად უმართავი, თვითორგანიზებულია და აუცილებლად დასრულდება გამარჯვებით,“ - წერს იგორ ნარმანია.
“იმედია ეს პოსტი მალე წაიშლება“ - საკუთარი პოზიცია ტელეწამყვანმა ნანუკა ჟორჟოლიანმაც დააფიქსირა.
“კოალიცია ცვლილებებისთვის“ ერთ-ერთი ლიდერი, ნიკა მელია:
“ვინც ამ პროცესს ვერ გრძნობს, ვერ ხვდება რა ხდება, ვერაფერს მატებს, ჯობია გაჩუმდეს და არც არაფერი მოაკლოს.
ეჭვიანობაა ამ პოსტის საფუძველი, დროისა და კონტექსტის ვერ აღქმა. უბრალოდ კარგია, რომ არავის აინტერესებს და ვერც პროცესს დააზიანებს,“ - აღნიშნავს ნიკა მელია.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
