"მეც ვიყავი მიწვეული, მეც გავაუქმე ჩემი საწყალი 1500 ლარი" - მომღერლების ნაწილი მერიის კონცერტში მონაწილეობაზე უარს ამბობს

დეკემბერში, რუსთაველის გამზირზე მიმდინარე საპროტესტო აქციების გამო, აქციებზე დაშავებულებისა და დაკავებულების გამო, მომღერლების ნაწილმა საახალწლო კონცერტებში მონაწილეობაზე უარი თქვა. ამ დროისთვის უცნობია გაიმართება თუ არა, 31 დეკემბრის გრანდიოზული კონცერტი, რომელსაც ყოველ წელს მერია ატარებს. იმ მომღერლებს შორის, ვინც მერიას კონცერტში მონაწილეობაზე უარი უთხრა, მაია კაჭკაჭიშვილიცაა, ამის შესახებ სოციალურ ქსელში წერს

"იუმორს გავურევ, დღეს მეპატიება. მომღერლებმა ხომ გააუქმეს კონცერტები, ბევრი ხომ ჰქონდათ და მეც ვიყავი მიწვეული 2-ში ბედობას მერიის კონცერტზე. მეც გავაუქმე ჩემი საწყალი 1500 ლარი, აბა, მეტი კონცერტი არ მქონდა და...", - წერს კაჭკაჭიშვილი.

• მომღერლის სტატუსს კოლეგები გამოეხმაურნენ.

"ძალიან მიყვარხარ იცი ხომ?“ - წერს ნინი შერმადინი ამერიკიდან

• "მეც ეგ გავაუქმე, საწყალი 1500 ლარი. როგორ მიყვარხარ არ იცი“ - წერს მომღერალი დავით არჩვაძე.

"ნუცა ბუზალაძეს რომ 18000 გადაუხდი და მაიკო კაჭკაჭიშვილს 1500 რა სირცხვილია“ - ასე გამოეხმაურა კაჭკაჭიშვილის სტატუსს სოციალურ ქსელში, ერთ-ერთი გამომწერი.

"არა მე ახალი წლის კონცერტზე უნდა მემღერა სადაც ბევრი მღერის და ნუცამ მთლიანი კონცერტი ჩაატარა ( თან მე მომღერალი არ ვარ ასე რეპერტუარით)“ - უპასუხა კაჭკაჭიშვილმა.

წაიკითხეთ ასევე:

• ხელისუფლება 528 000 - ზე მეტის დახარჯვას აპირებს, თუმცა საახალწლო კონცერტები გაიმართება თუ არა, უცნობია: მონაწილეობაზე ვინ პროტესტის გამო თქვა უარი, ვინ კიდევ გაურკვევლობაშია
• ნუცა ბუზალაძე, ეკო ფანგანი და სხვები... - რა ხდებოდა ახალციხეში, სადაც საახალწლო კონცერტების სერია გაიხსნა და ვის რამდენს გადაუხდიან (ფოტოები)
• თაკო გაჩეჩილაძე მღეროდა, რა დროსაც მოქალაქე სცენაზე ავიდა და... - რა ხდებოდა ქუთაისში საახალწლო კონცერტზე, რომელიც საპროტესტო აქციის ფონზე გაიმართა? (ვიდეო)