მნიშვნელოვანი ინფორმაცია
12
მაისიდღის ზოგადი ასტროლოგიური პროგნოზი
ორშაბათი, მთვარის მეთექვსმეტე დღე დაიწყება 21:55-ზე, მთვარე მორიელშია
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ.
კარგი დღეა იურიდიული საკითხების მოსაგვარებლად, სასამართლო პროცესების დასაწყებად. კარგი დღეა შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას. არც იშიმშილოთ და არც კუჭი გადატვირთოთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"სავსეა სოცმედია გერმანიაში მცხოვრები ემიგრანტების მიმართ ზიზღით... მაგდებურგის სკოლებში დიდ დაპირისპირებას ვარაუდობენ" - რას ჰყვება მაგდებურგში მცხოვრები ქართველი უმძიმეს ღამეზე
17:29 / 21-12-2024
გუშინ, გერმანიაში საშობაო ბაზრობაზე ტრაგედია მოხდა. BMW-ს ფირმის ავტომანქანა ხალხის მასაში შეიჭრა, შედეგად ხუთი ადამიანი დაიღუპა და 200-მდე დაშავდა. ინციდენტი ქალაქ მაგდებურგში მოხდა, სადაც მძღოლი პოლიციამ ადგილზე დააკავა.
- მომხდართან დაკავშირებით პოლიცია აცხადებს, რომ ეს შესაძლოა განზრახ ქმედება იყოს. ადგილზე მძიმე მდგომარეობაა, ქალაქში ჩავიდნენ გერმანიის კანცლერი ოლაფ შოლცი და შს მინისტრი ნენსი ფეზერი.
შემთხვევის სავარაუდო დამნაშავე, 50 წლის ტალებ ალ-აბდულმოჰსენი, ფსიქიატრია საუდის არაბეთიდან. ის 2006 წლიდან გერმანიაში ცხოვრობდა. მისი სოციალური ქსელი სავსეა გერმანიის პოლიტიკის კრიტიკით. ის AfD (Alternative für Deutschland) გერმანიის პოლიტიკური პარტიის მხარდამჭერია. პარტია 2013 წელს დაარსდა და თავდაპირველად მთავარი აქცენტი ევროკავშირისა და ევროზონის კრიტიკაზე ჰქონდა. თუმცა, წლების განმავლობაში პარტიის იდეოლოგია გადაერთო მიგრაციისა და უსაფრთხოების საკითხებზე.
AfD ცნობილია თავისი მკაცრი იმიგრაციული პოლიტიკით, ისლამის კრიტიკით და ევროპული ინტეგრაციის მიმართ სკეპტიციზმით. პარტია ხშირად აკრიტიკებენ ულტრამემარჯვენე და პოპულისტურ შეხედულებებთან ასოცირების გამო. მისი მხარდამჭერები ძირითადად კონსერვატიული ღირებულებების, გერმანული იდენტობის დაცვის და ევროსკეპტიციზმის გამო მხარს უჭერენ.
AfD გერმანიაში საკანონმდებლო ორგანოში მესამე ყველაზე დიდი ოპოზიციური ძალაა და აქვს წარმომადგენლობა როგორც ბუნდესტაგში (პარლამენტში), ასევე რეგიონულ პარლამენტებში.
- ქეთევან ასათიანი-ჰერმან 13 წელია, რაც გერმანიის ქალაქ მაგდებურგში ცხოვრობს. იმ დღეს ოჯახთან ერთად საშობაო ბაზრობაზე იმყოფებოდა და შემთხვევის ადგილი მომხდარიდან 20 წუთით ადრე დატოვა. სახლში მისულმა ტელევიზიით გაიგო ტრაგედიის შესახებ
- 13 წელია, მაგდებურგში ვცხოვრობ, ქმარ-შვილთან ერთად. აქ ჩავაბარე მაგისტრატურაზე და დამთავრების შემდეგ, ამავე ქალაქში დავრჩით საცხოვრებლად. ყოველი წლის, ნოემბრის ბოლოს, მაგდებურგში იხსნება საშობაო ბაზრობა, რასაც თითქმის მთელი წელი ელოდება ხალხი.
გერმანელებისთვის განსაკუთრებული დატვირთვა აქვს შობის დღესასწაულს და წინასაშობაო მზადებას. “ჯადოსნურ დეკემბერს” ყველა მოუთმენლად ველოდებით ხოლმე. საშობაო ბაზრობა, რომელიც, დაახლოებით, 1 თვის მანძილზე გრძელდება, ყოველთვის სავსეა ხალხით, მით უმეტეს - ბავშვებით. გუშინ ჩვენთან არდადეგები, ბევრისთვის კი - შვებულების პერიოდი დაიწყო. ჩვენც გავედით სასეირნოდ. როგორც კი სახლში მოვედით და ტელევიზორი ჩავრთე, ეს შემზარავი ამბავი შევიტყვე, 20 წუთით ავცდი ამ ტრაგედიას.
- ბოლო ინფორმაციით, რამდენი ადამიანია დაშავებული?
- ერთი საათის წინ გამოქვეყნდა განახლებული მონაცემები და 200-მდე ადამიანია დაშავებული, 5 - გარდაცვლილი, მათ შორის, ერთი პატარა ბავშვია. გაირკვა, რომ დამნაშავე 2006 წლიდან გერმანიაში მცხოვრები, 50 წლის კაცია, საუდის არაბეთიდან. ის მაგდებურგის ერთ-ერთ მთავარ საავადმყოფოში მუშაობდა, ფსიქიატრიული განყოფილების ექიმად.
უცნაური ის არის, რომ ის ანტიისლამურ კამპანიაში აქტიურად იყო ჩართული და პარტია AfD-ს აქტიური მხარდამჭერია. ამავდროულად, ემიგრანტებს, ძალიან ეხმარებოდა. გარდა იმისა, რომ ასეთი შემზარავი ტრაგედია მოხდა, პოლიტიკურადაც, დიდი დატვირთვა აქვს ამ ფაქტს. ისედაც, ბოლო დროს, გერმანიაში ემიგრანტების მიმართ გაღვივებული ღია აგრესიის ფონზე, ასეთი რამ წინასაარჩევნოდ, პარტია AfD-ს წისქვილზე ასხამს წყალს.
სავსეა, სოციალური მედია გერმანიაში მცხოვრები ემიგრანტების მიმართ ზიზღით. ადრე თუ არაინტეგრირებული, შეუმდგარი ემიგრანტები ჩადიოდნენ დანაშაულს, ახლა, წარმატებულმა ემიგრანტმა ჩაიდინა. თან 2014-ში, ლტოლვილების ნაკადთან ერთად კი არა, ძალიან დიდი ხნის წინა ჩამოსული.
ეს გერმანიაში მცხოვრები ნებისმიერი უცხოელის მიმართ, ზიზღს შეუწყობს ხელს და ეს ტენდენცია, ამ ამბიდან, რამდენიმე საათის გასვლის შემდეგაც კი საგრძნობია, სამწუხაროდ.
- ახლა რა მდგომარეობაა ქალაქში, პანიკა თუ იგრძნობა?
- პანიკა არის, კი. ყველას ეშინია, სახლიდან გასვლის, თუმცა გაფრთხილება ოფიციალურად არ ყოფილა. დღეს ოლაფ შოლცი ჩამოვიდა, რომლის მიმართაც, ასევე გამძაფრდა ზიზღი და დანაშაულის თანამონაწილედ მოიაზრებენ.
- როგორი ქალაქია მაგდებურგი, ადრე თუ ყოფილა მსგავსი შემთხვევა?
- უმშვიდესი ქალაქია და მსგავს რამეს, აქ, არავინ ელოდა. ზუსტად 8 წლის წინ, 19 დეკემბერს, მსგავსი შემთხვევა მოხდა ბერლინში. იქ მეტი ადამიანი გარდაიცვალა და მაშინდელი ბექგრაუნდი, ისლამისტური იყო. ზუსტად 8 წლის შემდეგ, იმავეს განმეორება, ოღონდ ამჯერად კაცისგან, რომელიც გერმანიის ისლამიზირების წინააღმდეგ იბრძოდა, ძალიან უცნაურია და ბევრ კითხვას ბადებს.
ხალხი, ძალიანაა შეშინებული და ჩემი შვილების კლასელების მშობლებიც იმას ფიქრობენ, როგორ მივაწოდოთ ეს ამბავი ბავშვებს ისე, რომ ზიზღი და შიში, უარესად არ გაღვივდეს, მით უმეტეს - ბავშვებში. უამრავი ემიგრანტი ბავშვია მაგდებურგის სკოლებში და დიდ დაპირისპირებას ვარაუდობენ, არამხოლოდ ზრდასრულებთან, არამედ გერმანელ და არაგერმანელ ბავშვებს შორის.
AfD, ორშაბათს, დიდ საპროტესტო აქციას გეგმავს, მიუხედავად იმისა, რომ მათმა მხარდამჭერმა ჩაიდინა ეს. ემიგრანტებისგან გერმანელების “დაცვას”, უფრო აქტიურად აპირებენ. თან, თებერვალში არჩევნებია და ვინც მათ არ უჭერდა მხარს, ამ ამბის მერე, ისინიც მათ მხარეს გადავიდნენ.
წელს მაგდებურგის ინტეგრაციისა და მიგრაციის საბჭოს წევრად ამირჩიეს და ეს ფონი ძალიან გაართულებს საქმიანობაში წარმატებასაც, მიგრანტების ინტეგრაციის ხელშეწყობასთან მიმართებაში
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
