“გრინჩის“ წყევლა - რა ბედი ეწიათ ყველასთვის საყვარელი საშობაო ფილმის მსახიობებს: ადრეული სიკვდილი, ბრძოლა ნარკომანიასთან და ბრალდებები სექსუალურ შევიწროებაზე

“როგორ მოიპარა გრინჩმა შობა“ ის ფილმია, რომლის გარეშეც შობა-ახალი წლის დღეები წარმოუდგენელია და რომელიც ყოველწლიურად მილიონობით მაყურებელს ახარებს.

ეს არის ყველა დროის ერთ-ერთი ყველაზე გამორჩეული სადღესასწაულო კინოსურათი.

• როგორც აღმოჩნდა “გრინჩის“ მსახიობებმა წარმოუდგენლად ტრაგიკული ამბები გადაიტანეს. მათ შორის ჯოშ რაიან ევანსის ტრაგიკული ნაადრევი სიკვდილი, რომელიც პატარა გრინჩის როლს თამაშობდა - ის ფილმის პრემიერიდან ორი წლის შემდეგ გარდაიცვალა.

ტეილორ მომსენმა, რომელიც სინდი ლუს თამაშობს, ერთ-ერთ შოუში დეპრესიასთან და ნარკომანიასთან ბრძოლის შესახებ ისაუბრა. რიგ სკანდალებში გაეხვა მთავარი როლის შემსრულებელი ჯიმ ქერიც. სწორედ ამიტომ, ფილმს “გრინჩის წყევლაც“ შეარქვეს.

• ტეილორ მომსენი

ტეილორ მომსენი, რომელიც ფილმში პატარა გოგონას- სინდი ლუს როლს ასრულებდა, მძიმე დეპრესიასა და ნარკოტიკებზე დამოკიდებულებას ებრძოდა. მოგვიანებით ის პანკ როკ ჯგუფის The Pretty Reckless-ის სოლისტი გახდა.

ტეილორი ახლა 31 წლის არის. მან სინდი ლუს როლი 7 წლის ასაკში შეასრულა. The Grinch-ში შესრულებული როლის შემდეგ, ტეილორმა ითამაშა როლები Hansel and Gretel- სა და Spy Kids 2-ში, თუმცა მისმა სამსახიობო კარიერამ განვითარება ვერ იპოვა.

მოგვიანებით მან მიიღო როლი პოპულარულ სერიალ Gossip Girl-ში, თუმცა შოუ მეოთხე სეზონის გადაღებისას მიატოვა და მუსიკალური კარიერა დაიწყო. ამასთან, სერიალის გადამღებმა ჯგუფმა ტეილორი მკაცრად გააკრიტიკა.

“მისი მდგომარეობა სავალალო იყო, არ ახსოვდა სცენარით გაწერილი ტექსტი. ვფიქრობდით: "რატომ გავხდით ყველა ამ გოგოს მძევლები?" - განაცხადა E!-თან ინტერვიუში სერიალის გუნდის წევრმა, ტიმ განიმ.

2021 წელს გოგონამ ისაუბრა იმის შესახებ, თუ როგორ ებრძოდა ორი მეგობრის გარდაცვალების შემდეგ,"დეპრესიისა და ნარკომანიის აბსოლუტურად ბნელ ჯურღმულს“ 2017 და 2018 წლებში.

ერთ-ერთ გადაცემაში მან თაყვანისმცემლის მხრიდან “სექსუალური შევიწროების შესახებ“ ისაუბრა. მსახიობმა ბოლო ინტერვიუში განაცხადა, რომ კინოინდუსტრიაში დაბრუნებას არ გეგმავს.

• ჯიმ ქერი

ის გახდა პირველი მსახიობი, რომელმაც ფილმში როლის შესრულებით 20 მილიონი დოლარი გამოიმუშავა.

ჯიმ ქერი ისევ რჩება ჰოლივუდის გამორჩეულ ვარსკვლავად. თუმცა, მისი შეყვარებულის ტრაგიკულ თვითმკვლელობასთან დაკავშირებული ბრალდებები ჩრდილს აყენებს “გრინჩის“ ვარსკვლავს.

• გარდამტეხი მომენტი 2015 წელს დადგა, როდესაც 30 წლის ირლანდიელმა ვიზაჟისტმა კატრიონა უაითმა თავი მოიკლა და ცნობილი გახდა მათი ურთიერთობის სკანდალური დეტალები. მათ შორის მიმოწერა, სადაც 25 წლით უმცროსი კატრიონა მსახიობს “სექსისა და ნარკოტიკების გარყვნილ ცხოვრებაში“ იძულებით ჩართვაში ადანაშაულებდა.

სანამ ქერი მეგობარი გოგონას დაკრძალვაზე მიფრინავდა, გარდაცვლილის დედამ მას უჩივლა და განაცხადა, რომ მისმა შვილმა თავი მორალური ტანჯვის გამო მოიკლა, რომელიც ვარსკვლავმა მსახიობმა მიაყენა. გამოძიება მალე შეწყდა, ხოლო გარდაცვლილის დედა მედიასთან აღარ გამოჩენილა.

2022 წელს ჯიმ ქერიმ, რომელიც ახლა უკვე 62 წლისაა, განაცხადა, რომ კინოინდუსტრიას ტოვებდა, თუმცა რამდენიმე თვეში მაინც დაბრუნდა. ლონდონში საუბრისას კანადელმა მსახიობმა თქვა, რომ მისი პირადი ქონება, რომელიც ოდესღაც დაახლოებით 120 მილიონ დოლარად იყო შეფასებული, შემცირდა.

მოგვიანებით მედიაში გავრცელდა კატრიონას მიერ, თვითმკვლელობამდე, iPad-ზე დარჩენილი წერილები. იქ გოგონა ჯიმ ქერის ადანაშაულებდა და წერდა, რომ მსახიობმა ის გარკვეული დაავადებებით დააინფიცირა, რამაც ცხოვრება გაუნადგურა.

• ”შენ ბევრი კარგი გააკეთე ჩემთვის, მაგრამ შენთან ურთიერთობამ გამანადგურა როგორც პიროვნება, ჯიმ. ცხოვრება მიყვარდა, ვიყავი თავდაჯერებული, თავს კარგად ვგრძნობდი და ვამაყობდი ჩემ მიერ მიღებული გადაწყვეტილებების უმეტესობით. თუმცა, შენ გამაცანი კოკაინი, მეძავები, ფსიქოლოგიური ძალადობა და დაავადებები,“ - წერდა ის და“ჰერპესის“ ვირუსისა და “პაპილომა“ ვირუსის შესახებაც საუბრობს.

საპასუხოდ, ჯიმ ქერი აცხადებდა რომ გარდაცვლილი მას აშანტაჟებდა და ემუქრებოდა, რომ თუ არ გადაუხდიდა რამდენიმე მილიონ დოლარს, ყველას გააგებინებდა რომ ქერიმ მას სქესობრივი გზით გადამდები დაავადებები გადასდო.

• კრისტინა ბარანსკი

კრისტინა ბარანსკიმ, რომელიც ცნობილია თავისი როლებით ფილმებში "Mama Mia!" და "დიდი აფეთქების თეორია", საშობაო ფილმში მართა მეი ჰოვიერის როლი შეასრულა.

კრისტინა ღიად საუბრობდა, თუ რამდენად რთული იყო მისი მდგომარეობა 2014 წელს მეუღლის გარდაცვალების გამო. მეთიუ კოულსი 69 წლის ასაკში გულის უკმარისობით გარდაიცვალა.

• “მეთიუს გარდაცვალებიდან რამდენიმე თვეში მომიწია კამერის წინ დავმდგარიყავი. კარგი იყო სამსახურში დაბრუნება. თუმცა პირველი თვის განმავლობაში სრულ გაურკვევლობაში ვიყავი. ს

ძნელია, როდესაც 30 წელია დაქორწინებული ხარ, ყოველ დილით ამ ადამიანის პირისპირ ზიხარ, ყავას სვამ და უცბად ეს ყველაფერი ქრება", - განაცხადა კრისტინამ 2017 წელს.

მსახიობს ბრწყინვალე კარიერა ჰქონდა თეატრში, ტელევიზიასა და კინოში, მაგრამ განსაკუთრებული წარმატება მოუტანა ტანიას როლმა ფილმში Mama Mia!

• ჯოშუა რაიან ევანსი

ჯოშუა რაიან ევანსი, რომელიც ფილმში ახალგაზრდა გრინჩის როლს ასრულებდა, ტრაგიკულად გარდაიცვალა 2002 წელს.

ის 18 წლის იყო, როდესაც 2000 წელს საშობაო ბესტსელერში ითამაშა. ფილმის გამოსვლიდან 2 წლის შემდეგ კი გარდაიცვალა.

აქონდროპლაზიის დიაგნოზის გამო, ჯოშუა თავის ასაკზე ბევრად ახალგაზრდად გამოიყურებოდა. CBS-ის ცნობით, ჯოშუა 2002 წლის ივლისში, 20 წლის ასაკში, სან დიეგოს საავადმყოფოში სამედიცინო პროცედურის დროს გარდაიცვალა. გავრცელებული ინფორმაციით, მას გულის თანდაყოლილი დეფექტის გამო ოპერაცია უტარდებოდა.

• ჯეფრი ტემბორი

კინოსა და ტელევიზიის ლეგენდარულმა მსახიობმა ჯეფრი ტემბორმა საშობაო ფილმში მერი ავგუსტუსის როლი შეასრულა.

• თუმცა მას შემდეგ, რაც ფილმში მონაწილეობა მიიღო, 80 წლის მსახიობი სკანდალში აღმოჩნდა. ის სექსუალურ შევიწროებაში დაადანაშაულეს.

Emmy-ს ჯილდოს მფლობელი მსახიობი დაჟინებით ამტკიცებდა, რომ არასოდეს შეუვიწროებია ქალები, რომლებიც მას უჩიოდნენ. The Hollywood Reporter-თან ინტერვიუს დროს, ვარსკვლავმა თქვა, რომ მას ყოველთვის უჭირდა თავისი ფეთქებადი ხასიათის კონტროლი და ზოგჯერ იყო აგრესიული.

ტემბორის თქმით, ერთხელ, გადასაღებ მოედანზე Transparent-ის აღმასრულებელ პროდიუსერს ბრიჯიტ ბედარდს უყვირა. ერთ-ერთი ბრალმდებელი ამტკიცებდა, რომ მსახიობმა მას “უკანალზე დაარტყა“ და აიძულა ეყურებინა "მისი პორნოსთვის".

საპასუხოდ ტემბორმა გამოაქვეყნა განცხადება, რომელშიც ბარნსს უწოდა “უმადურ ყოფილს თანაშემწეს", რომელსაც უსაფუძვლო ბრალდებები ჰქონდა.

წყარო

იხილეთ ასევე:

• პოლიციამ დააკავა “სანტა კლაუსი“ და “გრინჩი“, რომლებმაც ერთმანეთს ფულის გამო სცემეს - უცნაური შემთხვევა მექსიკაში (ვიდეო)
• რა თანხა გადაიხადა ჯიმ ქერიმ წყალტუბოს ფოტოს NFT-ში? - "კრეატიულობის ჩემპიონმა რაღაც კავშირი დაინახა ამ ნამუშევართან"