"აქ შევხვდები ახალ წელსაც" - რას ამბობს საპროტესტო აქციაზე მყოფი მსახიობი ირაკლი კვირიკაძე?
საქართველოში პროტესტის 22-ე დღეა - დედაქალაქის მთავარ გამზირი კვლავ გადაკეტილია.
დღეს, მოქალაქეები სხვადასხვა ლოკაციაზე შეიკრიბნენ, საიდანაც მარშით რუსთაველის გამზირზე მივიდნენ.
"მამების მარში“, კალათბურთელებისა და კალათბურთის მოყვარულების მარში, სამედიცინო სფეროს წარმომადგენელთა მარში - ეს ის მსვლელობა, რომლებიც დღის მეორე-ნახევარში სხვადასხვა ლოკაციაზე შეიკრიბა, რის შემდეგაც რუსთაველის გამზირზე გადაინაცვლეს.
გარდა ამისა, დღეს მთელი დღის განმავლობაში იმართებოდა სხვადასხვა ტიპის მსვლელობებიო. კერძოდ, განათლების სამინისტროსთან - "გააგონე მშობლებს ხმის" წარმომადგენლები შეიკრიბნენ. თბილისის სახელმწიფო უნივერსიტეტთან - სტუდენტური ჯგუფის - თავისუფალი აუდიტორიის მარში. ევროპის მოედნიდან საქართველოს პარლამენტამდე გურულების მარში.
ამ დროისთვის რუსთაველის გამზირზე საავტომობილო მოძრაობა შეზღუდულია.
-
"მე ვერ გავრისკავდი, რომ ეს ახალი წელი სახლში გავატარო. მინდა, რომ ვიყო აქ"
ამ წუთებში პარლამენტთან დგანან ცნობილი ადამიანებიც, მათ შორს მსახიობი ირაკლი კვირიკაძე იმყოფება, რომელიც "ტვ პირველთან" აცხადებს, რომ ახალი წლის შეხვედრას სწორედ რუსთაველის გამზირზე აპირებს.
"რა თქმა უნდა, რომ აქ შევხვდები ახალ წელსაც, იმედია ჩემს თანამოაზრეებთან ერთად. ჩემი მეგობრები აქ აპირებენ შეხვედრას, რადგან ვართ თანამებრძოლები და მგონია, რომ მართლა განსაკუთრებული ახალი წელი იქნება ეს. მე ვერ გავრისკავდი, რომ ეს ახალი წელი სახლში გავატარო. მინდა, რომ ვიყო აქ", - ამბობს ირაკლი კვირიკაძე.ცნობისთვის, საქართველოში პროტესტის ტალღამ მას შემდეგ იფეთქა, რაც პრემიერ ირაკლი კობახიძემ 28 ნოემბერს განაცხადა, რომ "ქართულმა ოცნებამ" მიიღო გადაწყვეტილება, "2028 წლის ბოლომდე დღის წესრიგში არ დააყენოს ევროკავშირთან მოლაპარაკებების გახსნის საკითხი და ასევე, 2028 წლის ბოლომდე უარი თქვას ყოველგვარ საბიუჯეტო გრანტზე ევროკავშირის მხრიდან".
ცნობისთვის, მასშტაბური აქციები "ქართული ოცნების“ 28 ნოემბრის გადაწყვეტილებამ გამოიწვია, რომლის თანახმად, საქართველო 2028 წლის ბოლომდე ევროკავშირთან მოლაპარაკებების გახსნის საკითხს დღის წესრიგში არ დააყენებს.
იხილეთ ასევე: