"გვიწევს გაცნობოთ სამწუხარო ამბავი, გარდაიცვალა მარიამ მაჭავარიანი.... განსაკუთრებით ვუსამძიმრებთ მის დედას, რომელიც ერთგულად ემსახურებოდა ჩვენს სკოლას" - ზალდასტანიშვილის აკადემია

ტრაგედია დატრიალდა უშიშროების საბჭოს მდივნის ყოფილი მოადგილის ვანო მაჭავარიანის ოჯახში. პოლიტოლოგის 24 წლის ქალიშვილი გარდაიცვალა. უბედური შემთხვევა გუშინ მოხდა.

• “გივი ზალდასატანიშვილის ამერიკული აკადემია მარიამის ოჯახის წევრებს და ახლობლებს სამძიმარს უცხადებს.

“გვიწევს გაცნობოთ ძალიან სამწუხარო ამბავი: ჩვენი სკოლის საზოგადოებამ უდროოდ დაკარგა კიდევ ერთი გამორჩეული, მრავალი ღირსებით შემკული ადამიანი-გარდაიცვალა მარიამ მაჭავარიანი, აკადემიის 2018 წლის კურსდამთავრებული.

გულითად სამძიმარს ვუცხადებთ მარიამის მშობლებსა და ძმას, ალექსანდრეს. განსაკუთრებით ვუსამძიმრებთ მის დედას, ლესლი როჯერსს, რომელიც მრავალი წლის განმავლობაში ერთგულად ემსახურებოდა ჩვენს სკოლას, აკადემიის მშობელთა საბჭოს წევრის სტატუსით.

მარიამის მშობლებს ვუსურვებთ გამძლეობასა და ძალას ამ ენით აღუწერელი ტრაგედიის ტვირთვისთვის.

მარიამი სამუდამოდ დაიმკვიდრებს ადგილს ჩვენს გულებში, სხვა უდროოდ წასულ, ჩვენთვის ძვირფას მოსწავლეებთან ერთად.

ფოტო: აკადემიის არქივი. მარიამი ასეთი გავიცანით 2014 წელს,“ - აღნიშნულია განცხადებაში.

იხილეთ ასევე:

• "დიდი უბედურება დაგვატყდა თავს, აღარ გვყავს ჩვენი მარიამი" - ტრაგედია ვანო მაჭავარიანის ოჯახში: პოლიტოლოგის ქალიშვილი გარდაიცვალა