მნიშვნელოვანი ინფორმაცია
10
მაისიდღის ზოგადი ასტროლოგიური პროგნოზი
შაბათი, მთვარის მეთოთხმეტე დღე დაიწყება 19:15-ზე, მთვარე მორიელში იქნება 23:58-დან
დაგეგმეთ მნიშვნელოვანი საქმეები, შეხვედრები. მოაგვარეთ ფინანსური დოკუმენტები, საკითხები. კარგია ახალი საქმეების დაწყება. უძრავ ქონებასთან დაკავშირებული საკითხების მოგვარება. ცუდი დღეა სასამართლო საქმეებისთვისა და განქორწინებისთვის. მოერიდეთ კონფლიქტს. უფრო მეტი, გაამყარეთ ურთიერთობა ნათესავებთან. კარგი დღეა უფროსთან საქმეების განსახილველად, სამსახურის, საქმიანობის შესაცვლელად. ამ დღეს დაწყებული მოგზაურობა ან მივლინება საინტერესოდ ჩაივლის. არასასურველია ქორწინება და ნიშნობა. არ გადატვირთოთ კუჭი. შეამცირეთ ალკოჰოლის დოზა და სიგარეტის რაოდენობა. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე. მოიმატებს სტრესული და სარისკო ქმედებების რაოდენობა.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
ხელისუფლება 528 000 - ზე მეტის დახარჯვას აპირებს, თუმცა საახალწლო კონცერტები გაიმართება თუ არა, უცნობია: მონაწილეობაზე ვინ პროტესტის გამო თქვა უარი, ვინ კიდევ გაურკვევლობაშია
13:32 / 18-12-2024
გავრცელებული ინფორმაციით, ხელისუფლებამ 13 ქალაქში საახალწლო სოფლის მოწყობის, ნაძვის ხის ანთებისა და საზეიმო კონცერტებისთვის მომსახურების შესაძენად გამარტივებული შესყიდვები უკვე გამოცხადდა.
ამ ინფორმაციის თანახმად: ღონისძიებები ჩატარდება ხობში, თელავში, ფოთში, ბოლნისში, წყალტუბოში, ახალციხეში, რუსთავში, ბორჯომში, ქუთაისში, საგარეჯოში, ლაგოდეხში, ზუგდიდსა და სამტრედიაში.
ჯამში დაგეგმილ ღონისძიებებზე ბიუჯეტიდან 528 ათას ლარზე მეტი დაიხარჯება.
მომღერლების სია, რომლებიც დაანონსებულ კონცერტებში მონაწილეობენ ვრცელია. მათ შორის არიან: ნუცა ბუზალაძე, სალომე ბაკურაძე, ჯგუფი "მიქსტურა“, "ღამის შოუს ბენდი“, გია ნიკოლაძე, მირზა მოდებაძე, ქეთი გაბისიანი, "ფორტე“, "იბერია“, "რეგიონი“ და სხვები. მათგან ნაწილმა ქვეყანაში შექმნილი ვითარების გამო უკვე თქვა, რომ არ აპირებს კონცერტებში მონაწილეობას.
გია ნიკოლაძე ჩვენთან საუბარში ამბობს, რომ არ იცის ამ ეტაპზე კონცერტზე გამოვა თუ არა, ინფორმაცია არ აქვს ასევე ჯგუფ "მიქსტურას“, როგორც გვითხრეს, ამის შესახებ უახლოეს დღეებში გაირკვევა.
"არცერთ საახალწლო კონცერტზე არ ვიღებ მონაწილეობას!!! ცრუ ინფორმაცია გავრცელდა და ვაზუსტებ მაინც“, - წერს სოციალურ ქსელში ქეთი გაბისიანი.
მირზა მოდებაძემ ჩვენს ზარებს არ უპასუხა, ასევე არ გვიპასუხა, მოკლე ტექსტურ შეტყობინებაზე.
ქრისტინე იმედაძე სოციალურ ქსელში წერს, რომ ერთი კვირის წინ, საერთო შეთანხმებით რამდენიმე კონცერტი გაუქმდა, დანარჩენებზე კი თავად თქვა უარი.
"არც მიფიქრია, რომ ეს უნდა დამეწერა. მაგალითად, ერთი კვირის წინ ამ მეტი. რბილად რომ ვთქვათ, დიდი ინტერესი დავინახე ამასთან მიმართებაში, ამიტომ ვწერ ახლა. ქვეყანაში არსებული მდგომარეობის გამო, გარკვეული კონცერტები საერთო შეთანხმებით გაუქმდა და დანარჩენზე მე თვითონ ვთქვი უარი დიდი ხანია. ყველამ ვიცით, რომ მუსიკოსების, მომღერლების, ძირითადი სამუშაო პერიოდი ახალი წელია. მაგრამ როცა ქვეყანაში ასეთი ვითარებაა ჩემი მეგობრებო, ნაცნობები ან სულაც უცხო ადამიანები უსამართლოდ დაკავებულები ან სასტიკად ნაცემები არიან, ცხადია, რომ კონცერტისა და ზეიმის დრო არ არის.“
საახალწლო კონცერტებში მონაწილეობაზე ასევე უარი თქვეს ანრი ჯოხაძემ და ნინი ბადურაშვილმაც.
"არცერთ საახალწლო ღონისძიებაში არ ვიღებ მონაწილეობას! ცრუ ინფორმაციას ნუ ავრცელებთ! ყველა კონცერტი გაუქმებულია! ბოლო ინფორმაცია, რაც დიდო, არის სიცრუე", - დაწერა სოციალურ ქსელში ნინი ბადურაშვილმა.
სტეფანე მღებრიშვილი წერს, რომ 11 კორპორაციული და ახალი წლის ღონისძიებაც გააუქმა.
"11 კორპორაციული და ახალი წლის ღონისძიებაც გავაუქმეთ.ჩემს გარდა ბენდში 11 მუსიკოსია, ხმის რეჟისორი და მენეჯერები.მთავარია ჩვენი ქვეყანა იყოს კარგად და მერე ჩავატარებთ ბევრს", - წერს მუსიკოსი სოციალურ ქსელში.
პროტესტს უერთდება ასევეგიორგი სუხიტაშვილი, ის დაგეგმილ ღონისძიებებს აუქმებს.
"წუწუნს არ დავიწყებ უბრალოდ მოგიყვებით და დასკვნა თქვენ გააკეთეთ. მთელი 2024 წლის განმავლობაში უამრავი ღონისძიება მქონდა დაგეგმილი, ამ ღონისძიებების 60-70% ოქტომბერზე, ნოემბერზე და დეკემბერზე მოდის. ამ შემოდგომაზე ერთი ხელის თითებიც ზედმეტია იმის დასათვლელად რამდენი ღონისძიება მქონდა.
ჩემი შემოსავლის 90% უკავშირდება ჩემს პროფესიას (ის 10%-ც იმიტომ დავიტოვე ვინმე ინტრიგანმა არ წამომაძახოს სადმე რამე)დიდი ხანია ვისმენ ცილისწამებას, ვითომ ჩემს მოსაზრებებში მიხდიან, მომისყიდეს და კიდევ 1000 სიგიჟე".
ამ მოცემულობით, შედგება თუ არა კონცერტები რეგიონებში უცნობია, ღონისძიებები 21 დეკემბრიდან უნდა დაიწყოს.
ჩვენ ასევე დავინტერესდით, რა ხდება თბილისში 31 დეკემბრის გრანდიოზულ კონცერტთან დაკავშირებით. ცნობილია, რომ აქციის მონაწილეების ახალი წლის აღნიშვნას რუსთაველის გამზირზე აპირებენ.
თბილისის მერის განცხადებით, "საახალწლო სოფელი“ 21 დეკემბერს გაიხსნება და 7 იანვრის ჩათვლით იფუნქციონირებს.
"ახალი წელი მოდის და დედაქალაქიც ემზადება საახალწლოდ, რათა მოსახლეობას და ჩამოსულ სტუმრებს ვაჩუქოთ ლამაზი დღეები. ორი დღის წინ თბილისი საახალწლოდ განათდა, ჩაირთო ილუმინაციები, აინთო ნაძვის ხე. ჩვენი დედაქალაქი ჯადოსნურად მორთულია, 21 დეკემბრიდან კი "საახალწლო სოფელი გაიხსნება“. ყველაფერს ვაკეთებთ იმისთვის, რომ შევქმნათ საახალწლო განწყობა. იცით, რომ ტრადიცია, რომელიც 2017 წლიდან შემოვიტანეთ "საახალწლო სოფლის“ სახით, ძალიან დიდი პოპულარობით სარგებლობს, უამრავი ადამიანი სტუმრობს, როგორც ადგილობრივი, ისე ჩამოსული სტუმრები.
რაც შეეხება გრანდიოზულ კონცერტის ჩატარებას, თბილისის მერიაში ამ დროისთვის არ აკონკრეტებენ შედგება თუ არა ტრადიციული კონცერტი.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
