"მივიღეთ გადაწყვეტილება, რომ გადავდოთ საახალწლო ნაძვის ხის ანთება, საზეიმო ღონისძიება" - კალაძის საგანგებო განცხადება

• ფოტოები: გიორგი ნიკოლიშვილი, ინტერპრესნიუსი

თბილისის მერიამ ნაძვის ხის ანთების საზეიმო ღონისძიება გადადო. ამის შესახებ დედაქალაქის მერმა საგანგებო ბრიფინგზე განაცხადა.

• როგორც კახა კალაძემ აღნიშნა, ადგილზე უკვე ჰქონდა ადგილი პროვოკაცია, რის გამოც მოქალაქეების უსაფრთხოების მიზნით, აღნიშნული გადაწყვეტილება მიიღო.

"როგორც მოგეხსნებათ, დღეს 19:00 საათისთვის დავაანონსეთ საახალწლო ნაძვის ხის ანთება. ეს არის საზეიმო ღონისძიება, რომელიც პირველ რიგი ეკუთვნის ჩვენს პატარებს, ბავშვებს, თუმცა რადიკალურმა ოპოზიციამ აქაც კი იკადრა უკადრებელი და ნაძვის ხის წინ ბავშვების ადგილი დაიკავა. რუსთაველის გამზირზე შეკრებილი არიან აგრესიული მომიტინგეები, რომლებმაც უკვე მოაწყვეს რამდენიმე პროვოკაცია, მათ შორის, შუშის ბოთლები ისროლეს სცენის მიმართულებით.

ჩვენ მოვისმინეთ განცხადებები, რომ ისინი ემზადებოდნენ პროვოკაციების მოწყობისთვის და არ მისცემდნენ პატარებს საახალწლო ზეიმის გამართვის შესაძლებლობას. ამ ფონზე ჩვენ გვინდა მოვუწოდოთ, ვინც მოდიოდა, აღნიშნულ თანამოქალაქეებს, რომლებიც ახლა შეკრებილები არიან პატარებთან ერთად საკრებულოს შენობასთან, არ მივცემთ საშუალებას წავიდნენ რუსთაველის გამზირის მიმართულებით და მინდა მათ მოვუწოდო დაშლისკენ“, - განაცხადა კალაძემ.

ცნობისთვის, რუსთაველის გამზირზე დილიდან საპროტესტო აქცია მიმდინარეობდა. ადგილზე დიდი რაოდენობით პოლიციაა მობილიზებული.