"თოვლის საფარი 1 მეტრს აჭარბებს" - რა ვითარებაა ხულოში, სადაც  დიდთოვლობამ პრობლემები შექმნა

ხულოს მუნიციპალიტეტში დიდთოვლობის გამო პრობლემები შეიქმნა. მაღალმთიან სოფლებში თოვლის საფარი მეტრს აჭარბებს.

ხულოს მერიის ინფორმაციით, დიდთოვლობის გამო, მუნიციპალიტეტში, რეკომენდებულია მაღალი გამავლობის ავტომობილებით გადაადგილება.

“ხულოში, აქტიურად მიმდინარეობს დიდთოვლობის შედეგად გამოწვეული პრობლემების სალიკვიდაციო სამუშაოები

• ქარბუქისა და ცუდი ხილვადობის მიუხედავად, მთელი დღის განმავლობაში უწყვეტ რეჟიმში მიმდინარეობდა თოვლის გაწმენდითი სამუშაოები. ამ ეტაპზე იწმინდება ადმინისტრაციულ ცენტრებთან მისასვლელი გზები.

დღის განმავლობაში, აღდგენითი სამუშაოების ჩატარების შედეგად 4 000-მდე აბონენტს, აღუდგა ელექტროენერგიის მიწოდება.

ამ ეტაპზე, მუნიციპალიტეტში კვლავ ინტენსიურად თოვს. თოვლის საფარი დაბალ ზონაში 50 სმ-ია, ხოლო მაღალი ზონის სოფლებში 1 მეტრს აჭარბებს. დიდთოვლობის გამო, მუნიციპალიტეტში, რეკომენდებულია მაღალი გამავლობის ავტომობილებით გადაადგილება.

მუნიციპალიტეტის მერიასთან არსებული საგანგებო სიტუაციების მართვის შტაბი, აგრძელებს საგანგებო რეჟიმში მუშაობას”,- აცხადებენ მერიაში.

წაიკითხეთ ასევე:

• "გამოიჩინეთ მაქსიმალური ყურადღება" - რა ხდებოდა მთელი ღამე რიკოთზე და როგორია ახლა მდგომარეობა: ფოტოები და მოქალაქეების კომენტარები
• მოსალოდნელია ძლიერი ყინვა, ქარბუქი, თოვლი და შტორმი - როგორია უახლოესი დღეების პროგნოზი: სვეტლანა ნიორაძის კომენტარი