"გამოგვყარეთ ბარემ ეკლესიებიდან და დაგვხოცეთ! გეყოფათ! ყველას გეხებათ ეს - მთავრობასაც და ოპოზიციასაც" - მამა შალვას მიმართვა აქციაზე მომხდარი დაპირისპირების შემდეგ

ჭავჭავაძის გამზირზე მომხდარი სიტყვიერი დაპირისპირების შემდეგ მამა შალვა კეკელია ვიდეომიმართვას ავრცელებს. მისი თქმით, რაც მოხდა, ძალადობაა.

• სასულიერო პირი ამბობს, რომ ის ერთ-ერთია, რომელიც წინააღმდეგი იყო სულ რუსული პოლიტიკის და რუსეთის ეკლესიის, ამიტომ არ მიიღებს აქციის მონაწილეების ნათქვამს, რომ ის რუსოფილია.

"მე მეძახიან ქვეყნის მოღალატეს, რატომ? რა გავაკეთე ასეთი. ეკლესიას და პატრიარქს აგინებენ. ეკლესიაში მოვარდნენ, კომუნისტების დროს რომ ხდებოდა ზუსტად ის მოხდა. მშვიდობიანი პროტესტი და აქციაო ამბობენ და ამ დროს გივარდებიან ტაძარში. ამით რას აღწევთ? ეკლესიის გმობით და პატრიარქის გმობით? იმ კუბოსთან დაკავშირებით რომ ამბობენ, პირდაპირ წერია იმ საიტზე, რომ ეს ჩინური კიბო არის იესო ქრისტეს გამოსახულებით. მე არ მინდა დავიჯერო რომ ეს შეგნებულად გააკეთეს, თუ ასეა, ეს არის მტრობა. ჩემი ცოლის დაქალებში ბავშვს ხატი რომ დაახევინეს, ადამიანებს უნდათ მიაჩვიონ ასეთ რაღაცებს.

რუსოფილებს გვეძახიან ადამიანებს. ერთადერთი რუსეთის ეკლესიის წინააღმდეგი იყო, სულ მე ვიყავი. რუსოფილები ხართ თქვენ, ვინც ამას მეძახით. ევროპა მივარდნა არ არის. თუ ადამიანი არ გეთანხმება არ შეიძლება ჩაქოლო და გაანადგურო. გამოგვყარეთ ეკლესიებიდან მაშინ და დაგვხოცეთ. მე ამ ქვეყნის შვილი ვარ და ყველაზე მეტად ჩემი საქართველო მიყვარს. დაელაპარაკეთ იმათ, ვისთვისაც ქვეყანა საშოვარია... ყველას გეხებათ, ეს მთავრობასაც და ოპოზიციასაც, ვისაც ქვეყანა პირადი სარგებლობისთვის გაქვთ. გეყოფათ რა! ამ დიდ მარხვაში ქრისტე უნდა დაიბადოს" - ამბობს მამა შალვა.

ნახეთ ასევე:

• "ჩინეთიდან გამოწერილ კუბოზე იყო იესო გამოსახული? რას ატყუებთ ხალხს, თქვენ ხალხის გვერდით უნდა იდგეთ" - დაპირისპირება მამა შალვა კეკელიასა და აქციის მონაწილეებს შორის (ვიდეო)