"სააკაშვილია "მთავარ არხთან" შუაში და არა ბიძინა... ის ურევს "მთავარს" და ეს იცის არხის ყველა ჟურნალისტმა" - რას წერს ჩერგოლეიშვილი
"ფედერალისტების" ლიდერი თამარ ჩერგოლეიშვილი "მთავარი" არხის გარშემო განვითარებულ მოვლენებზე წერს და ამბობს, რომ ტელეკომპანიაში სიტუაციას მიხეილ სააკაშვილი ურევს.
"მთავარს" ურევს სააკაშვილი, ოქუაშვილს იყენებს. ეს იცის "მთავარის" ყველა ჟურნალისტმა. სააკაშვილი რომ შუაში არ იყოს და ბიძინაზე ეჭვი ჰქონდეს, დაწერდა 67 პოსტს და ოქუაშვილს ამოთხვრიდა ტალახში. მაგრამ მან "დამფუძნებლებს შორის კამათისგან" თავი შორს დაიჭირა.
სააკაშვილია "მთავარ არხთან" შუაში და არა ბიძინა. აკეთებს იგივეს, რაც თავის დროზე გვარამიას ხელით ტაბულა ტვ-ს გაუკეთა.უბრალოდ, ყალბი მონოლოგები ქართული მედიის ტრეიდმარკია -ისინი ხომ მაყურებელს ბრიყვად თვლიან" - წერს ჩერგოლეიშვილი.
ცნობისთვის, 11 დეკემბერს არხის გენდირექტორმა გიორგი გაბუნიამ ბრიფინგზე აღნიშნა, რომ ზაზა ოქუაშვილმა გადაწყვიტა, დახუროს “მთავარი არხი“.
"ამას ოქუაშვილი აკეთებს რამდენიმე თვის წინ, მის მიერ დანიშნული დირექტორის და მისი დავალებების მორჩილი შემსრულებლის, გოგი ქურდაძის ხელით" - აღნიშნა გაბუნიამ. გიორგი გაბუნიას თქმით, ქურდაძე სპეციალურად დაინიშნა კომპანიაში ოქუაშვილის წარდგინებით ერთადერთი ამოცანით - რომ ხსენებულ დამფუძნებელს ჰქონოდა არხზე ქმედითი ბერკეტი პირადი მიზნების მისაღწევად.
წაიკითხეთ ასევე: