"გამოიძიეთ ყველა იმ პირის ვინაობა, ვინც სისასტიკითა და ძალადობით დაესხა თავს მოქალაქეებსა და ჟურნალისტებს" - რას წერს ქეთო თოფურიძე
მომღერალ ნინი ბადურაშვილის და, ინფლუენსერი ქეთო თოფურიძე ეხმიანება საქართველოში მიმდინარე მოვლენებს. ის "ინსტაგრამის" სთორიში "ტვ პირველის" ოპერატორზე თავდასხმის ვიდეოს აქვეყნებს და წერს:
"გამოიძიეთ ყველა იმ პირის ვინაობა, ვინც სისასტიკითა და ძალადობით დაესხა თავს მოქალაქეებსა და ჟურნალისტებს და უზრუნველყავით მათი კანონის შესაბამისად დასჯა, აღკვეთეთ ყველანაირი ძალის გადამეტება!", - წერს ქეთო თოფურიძე.
ცნობისთვის, საქართველოს მასშტაბით საპროტესტო აქციები 28 ნოემბრის შემდეგ მიმდინარეობს. სწორედ ამ დღეს პრემიერ-მინისტრმა ირაკლი კობახიძემ განაცხადა, რომ ხელისუფლება აჩერებს ევროინტეგრაციის მოლაპარაკებების პროცესს 2028 წლამდე. აღნიშნულ განცხადებას საზოგადოების მხრიდან მწვავე პროტესტი მოჰყვა. აქციები იმართება როგორც თბილისში, ასევე საქართველოს რეგიონებში. აქციები ხშირად სრულდება სპეცრაზმის მიერ დარბევით. ამ დროის განმავლობაში დააკავეს ათობით ადამიანი, ასევე ნაცემია ათობით მოქალაქე. ნიღბიანი, უცნობი პირები 7 დეკემბერს თავს დაესხნენ "ტვ პირველის" გადამღებ ჯგუფს და ფიზიკურად სასტიკად გაუსწორდნენ.