ლარი დოლართან მიმართებით გამყარდა და ევროსთან მიმართებით გაუფასურდა - როგორი იყო კვირის დინამიკა
საქართველოს პრემიერ-მინისტრმა ირაკლი კობახიძემ ლარის კურსთან დაკავშირებით ორი დღის წინ განაცხადა, რომ რაიმე არსებითი ინტერვენციის საჭიროება არ ყოფილა, როგორც კი დასტაბილურდა პოლიტიკური ვითარება, მაშინვე ჩამოვიდა ქვემოთ ლარის კურსი.
- მისივე თქმით, ორი ფაქტორი იყო მნიშვნელოვანი ამ მიმართულებით, ერთი, რომ ეროვნული ბანკი მუშაობს ძალიან კარგად და მეორე - საერთო პოლიტიკური ვითარება.
"ეროვნული ბანკი მუშაობს ძალიან კარგად, ეს უნდა აღინიშნოს. ორი ფაქტორი იყო მნიშვნელოვანი, ერთი ის, რომ ეროვნული ბანკი სხვადასხვა ზომებს იღებს, მარტო სავალუტო რეზერვების გაყიდვაზე არ არის საუბარი, იღებს სხვადასხვა ზომებს იმისათვის, რომ იზრუნოს კურსის სტაბილურობაზე და მადლობა კიდევ ერთხელ ეროვნულ ბანკს, პირადად ქალბატონ ნათია თურნავას ძალიან ეფექტიანი და ეფექტური მუშაობისთვის და მეორე, რა თქმა უნდა, ეს არის საერთო პოლიტიკური ვითარება. ჩვენ შეგვიძლია გავიხსენოთ წინა მოვლენები, როგორც კი კოლექტიური „ნაცმოძრაობა“ ცდილობდა ქვეყანაში ვითარების არევას, რა თქმა უნდა, იზრდებოდა ლარის კურსი, თუმცა როგორც კი ეს მცდელობა ჩავარდებოდა, მაშინვე კურსი ჩამოდიოდა ქვემოთ. ანუ ორივე ფაქტორი არის მნიშვნელოვანი. რაიმე არსებითი ინტერვენციის საჭიროება არ ყოფილა, როგორც კი დასტაბილურდა პოლიტიკური ვითარება, მაშინვე ჩამოვიდა ქვემოთ კურსი,“- განაცხადა პრემიერმა.
როგორი იყო კვირის დინამიკა?
მიმდინარე კვირაში ეროვნული ვალუტა დოლართან მიმართებით გამყარდა და ევროსთან მიმართებით გაუფასურდა.
- 2 დეკემბერს 1 აშშ დოლარის ოფიციალური ღირებულება 2.8478 ლარი გახდა. კურსი, რომელიც მანამდე მოქმედებდა 2.7794 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებით 0.0684 ლარი შეადგინა.
რაც შეეხება ევროს, მისი კურსი 2.9967 ლარი გახდა. მანამდე მოქმედი კურსი 2.9348 ლარს შეადგენდა. შესაბამისად, ევროს ცვლილება 0.0619 ლარი იყო.
3 დეკემბერს 1 აშშ დოლარის ოფიციალური ღირებულება 2.8746 ლარი გახდა. შესაბამისად, დოლარის ცვლილებამ ეროვნულ ვალუტასთან მიმართებაში 0.0268 ლარი შეადგინა.
რაც შეეხება ევროს, მისი კურსი 3.0252 ლარია. შესაბამისად, ევროს ცვლილებამ 0.0285 ლარი შეადგინა....განაგრძეთ კითხვა