მნიშვნელოვანი ინფორმაცია
10
მაისიდღის ზოგადი ასტროლოგიური პროგნოზი
შაბათი, მთვარის მეთოთხმეტე დღე დაიწყება 19:15-ზე, მთვარე მორიელში იქნება 23:58-დან
დაგეგმეთ მნიშვნელოვანი საქმეები, შეხვედრები. მოაგვარეთ ფინანსური დოკუმენტები, საკითხები. კარგია ახალი საქმეების დაწყება. უძრავ ქონებასთან დაკავშირებული საკითხების მოგვარება. ცუდი დღეა სასამართლო საქმეებისთვისა და განქორწინებისთვის. მოერიდეთ კონფლიქტს. უფრო მეტი, გაამყარეთ ურთიერთობა ნათესავებთან. კარგი დღეა უფროსთან საქმეების განსახილველად, სამსახურის, საქმიანობის შესაცვლელად. ამ დღეს დაწყებული მოგზაურობა ან მივლინება საინტერესოდ ჩაივლის. არასასურველია ქორწინება და ნიშნობა. არ გადატვირთოთ კუჭი. შეამცირეთ ალკოჰოლის დოზა და სიგარეტის რაოდენობა. დაუშვებელია ქირურგიული ოპერაციის ჩატარება სასქესო ორგანოებზე, მსხვილ ნაწლავზე, შარდის ბუშტზე. მოიმატებს სტრესული და სარისკო ქმედებების რაოდენობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"თუ მსახიობების დიდი ნაწილი ჩუმადაა, არ ნიშნავს, რომ "ოცნების" მომხრეები არიან... მათ კომუნისტური შეხედულებები აქვთ" - დიმიტრი ტატიშვილი კოლეგების დუმილსა და მიმდინარე პროტესტზე
14:32 / 06-12-2024
"იმიტომ გავიფიცე, რომ ახლა სპექტაკლების დრო არ არის. ხალხი, ვისი დაფინანსებითაც ჩვენ, სახელმწიფო თეატრები ვცხოვრობთ, დღეს ქუჩაშია და უკანონო, არალეგიტიმურ მთავრობას აპროტესტებს. მთავრობას, რომელსაც არც ქვეყნის შიგნით და გარეთ არ აღიარებენ... მოსახლეობასთან მათგან ასეთ უხეშ მოქცევას მოველოდი. ეს ტრაგიკული ამბავია და ამას არავითარი გამართლება არ აქვს. როცა ასე საშინლად ექცევიან ადამიანებს, ახლა თეატრის სცენაზე გასვლის დრო არ არის და ამიტომ გავიფიცე, თორემ თეატრი ძალიან მიყვარს და მიმაჩნია, რომ ის ადგილია, სადაც უნდა ვიყო" - გვეუბნება მსახიობი დიმიტრი ტატიშვილი, რომელიც გაფიცულ მსახიობებს შორისაა.
AMBEBI.GE-სთნ საუბარში ის ქვეყანაში მიმდინარე პროცესებს ასე ხსნის:
"რა პროცესებიც ახლა ჩვენს ქვეყანაში მიმდინარეობს, არის საქართველოს რუსეთისთვის გადაცემის ბოლო სტადია, მათი გათვლებით და მათი გეგმებით. ჩვენ თუ ამას დავუშვებთ, მაშინ საქართველოს სახელმწიფოებრიობა აღარ იარსებებს. ამიტომ ამას არ დავუშვებთ, არავითარ შემთხვევაში. რუსეთი თითქმის უკვე სამი საუკუნეა, ცდილობს, საქართველო გაარუსოს და არ გამოსდის. თუ რატომ არ გამოსდის, ამაზე პასუხი მარტივია - ქართველებს და რუსებს, საერთო არაფერი გვაქვს - არც მენტალობაში და არაფერში. ვიღაცები, ვინც მოერგნენ რუსეთს და ნაწილობრივ გარუსდნენ, მაგრამ ეს არის მასობრივი ამბავი, უბრალოდ ვიღაც თავის გაგებით, კომფორტის ზონაში ასე შევიდა. ქართველი ერის გარუსება არ გამოვა...
ბებიაჩემი მიყვებოდა, გიმნაზიაში რომ სწავლობდა, ქართულის გაკვეთილი კვირაში ერთხელ ჰქონდათ, სხვა საგნებს სულ რუსულად სწავლობდნენ. მიუხედავად ამისა, საქართველო მაინც ვერ გაარუსეს. ახლაც ვერ გაარუსებენ იმის მერე, რაც რუსეთმა თავისი ნამდვილი სახე გამოავლინა…მაგათ გათვლა აქვთ, როგორც ბელორუსს მოექცნენ, ისე მოექცნენ ჩვენს ქვეყანას, - არ გამოვა. შეიძლება, თვითონ ისევე მოიქცნენ როგორც ბელორუსში, მაგრამ ჩვენგან სხვანაირი პასუხი ექნებათ“ - აღნიშნავს დიმიტრი ტატიშვილი.
- თეატრალური საზოგადოების დიდი ნაწილი ჩართულია საპროტესტო აქციებში, თუმცა ამ საზოგადოების ასევე დიდი ნაწილი დუმს და ხმას არ აიღებს. რას იტყვით როგორც რიგითი მოქალაქე და ასევე მსახიობი, რომლისთვისაც თეატრი მნიშვნელოვანი ადგილია...
- მსახიობები განსაკუთრებული ადამიანები არ არიან. ისინი ჯერ ქვეყნის მოქალაქეები არიან და მერე მსახიობები, ისევე როგორც სხვა პროფესიის ადამიანები. თუ მსახიობების დიდი ნაწილი ახლა ჩუმადაა, ეს არ ნიშნავს, რომ ისინი „ოცნების“ მომხრეები არიან. მათ ამ ყველაფერზე ცოტა მოძველებული შეხედულება აქვთ - რადგან სახელმწიფო თეატრში მუშაობენ, თითქოს ეს რაღაცნაირად ავალდებულებთ, რომ მმართველი ძალის მიმართ ლმობიერად იყვნენ განწყობილი. ეს ასე არ არის. სახელმწიფო თეატრი არ არის რომელიღაც ორგანიზაციის კუთვნილება. სახელმწიფო თეატრი ნიშნავს ხალხის თეატრს. სახელმწიფო ვინ არის, თუ არა ხალხი?! ამიტომ ცოტა მოძველებული, კომუნისტური შეხედულებები აქვთ. კი, სახელმწიფო არის ხალხი და ჩვენი თანამოქალაქეები.
- "ახალი თეატრის" მსახიობებიდან ზოგი დაიჭირეს, ზოგი ნაცემია... რას ფიქრობთ ამაზე?
- ყველას ვიცნობ, კარგი ბიჭები არიან, როგორ შეიძლება, მათ სახელმწიფო გადატრიალება დაბრალდეთ?! კიდევ ერთხელ ვიტყვი, რასაც არალეგიტიმური მთავრობა ლაპარაკობს, 90% თუ 100% არა, ტყუილია. ეს არის რუსული ტიპის პროპაგანდა და რეალობასთან არ არის კავშირში.
- გამოსავალს რაში ხედავთ?
- გამოსავალი მარტივია. ესენი უნდა წავიდნენ, ხალხმა უნდა აირჩიოს ის ადამიანები, ვინც მიაჩნია, რომ ქვეყანა უნდა მართოს. უნდა წავიდნენ, უნდა დაინიშნოს ახალი არჩევნები, რა თქმა უნდა, ნორმალური საარჩევნო ადმინისტრაციის პირობებში... რუსეთის დავალებით ქართველები ქართველებს ატყუებენ, ატერორებენ. ეს ტრაგედიაა. ამას წერტილი უნდა დაესვას!
წაიკითხეთ ასევე;
- "გვინდა, საყოველთაო დაუმორჩილებლობა გადამდები გახდეს... დღე და ღამეს ვასწორებთ ქუჩაში" - ბაჩო ქაჯაია მასობრივ გაფიცვაზე და მიმართვა თეატრალურ საზოგადოებას
- მიმართვა მსახიობებს - "ან ახლა იტყვით, რომ ემიჯნებით ძალადობას, ან ყველა დღე სირცხვილში გაატარებთ"
- "საიდან გაიზარდა ასეთი ხალხი? პოლიციის აკადემიაში თუ ასეთ სიმხეცეს ასწავლიან, დაიხუროს ის აკადემია" - ლეო ანთაძე სპეცრაზმსა და მიმდინარე მოვლენებზე
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
