მნიშვნელოვანი ინფორმაცია
11
მაისიდღის ზოგადი ასტროლოგიური პროგნოზი
კვირა, მთვარის მეთხუთმეტე დღე დაიწყება 20:34-ზე, მთვარე მორიელშია
კრიტიკული დღეა. არ იჩხუბოთ. ეცადეთ, ეს დღე მშვიდად განვლოთ. არ დაიწყოთ ახალი საქმეები; მოერიდეთ მნიშვნელოვანი გადაწყვეტილებების მიღებას; ფინანსური საკითხების მოგვარება სხვა დღისთვის გადადეთ; ვაჭრობისთვის არახელსაყრელი დღეა, უძრავ ქონებასთან დაკავშირებული საკითხები სხვა დღეს მოაგვარეთ. აკონტროლეთ ემოციები. არასასურველია კამათი, ჩხუბი, საქმეების გარჩევა. არ გირჩევთ სამსახურის, საქმიანობის შეცვლას. სხვა დღისთვის გადადეთ მგზავრობა და მივლინება. კარგია შემოქმედებითი საქმიანობა, საოჯახო საქმეების შესრულება. ცუდი დღეა ქორწინებისა და ნიშნობისათვის. მატულობს ვენერიული დაავადებების რისკი. მოსალოდნელია ტრავმები, ქირურგიული ჩარევის ალბათობა.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"როგორ უნდა გაამართლონ, რომ ანდრო ჭიჭინაძე ბინ ლადენია, არ ვიცი..." - ცნობილი მსახიობის დაკავების დეტალები და გამოხმაურება კოლეგებისგან
09:06 / 06-12-2024
დიღმის დროებითი მოთავსების იზოლატორთან, სადაც მსახიობი ანდრო ჭიჭინაძე გადაიყვანეს, სახელოვნებო სფეროს წარმომადგენლებმა წუხელ აქცია გამართეს. .
ადგილზე მისული მსახიობები მის სახელს სკანდირებენ და გულშემატკივრობენ. როგორც მსახიობმა, ირაკლი კვირიკაძემ განაცხადა, მათ წინააღმდეგ ეს არის სისტემის "ბოლო, განწირული მეთოდები".
"ეს არის ახალგაზრდების დაშინება ისე, რომ გარეთ გამოსვლა ვეღარ გაბედონ. ამ შემთხვევაში მაგალითი არის ანდრო, რომ თუ ცნობილი მსახიობი დააკავეს უკვე ახალგაზრდებში შესაძლებელია გაჩნდეს კითხვა: "მაშინ ჩემს შემთხვევაში რა ხდება?". ეს არის სისტემის ბოლო, განწირული მეთოდები ჩვენს წინააღმდეგ. ამით ვერ შეგვაშინებენ და ვერ შეაჩერებენ იმ ხალხს, რომლებიც თავიანთ ქალაქებში გამოდიან და აპროტესტებენ ამ ყველაფრის მკადრებელ მთავრობას" ,- განაცხადა ირაკლი კვირიკაძემ.
ანდრო ჭიჭინაძის დაკავების დეტალებზე მამამ ისაუბრა:
"დაახლოებით 7 საათისთვის მოვიდნენ, იყო ზარი კარზე, რომელიც ანდრომ გააღო და დახვდნენ გარეთ პოლიციის წარმომადგენლები. შემოვიდნენ სახლში. გვითხრეს, რომ ნერვიულობა საჭირო არ არის, შევედით ოთახში და დაიწყეს წარდგენა ბრალდების, ეს არის ჯგუფური ძალადობა. აქციაზე ყოფნისას რაღაც კანონსაწინააღმდეგო დარღვევა იყოო. შეადგინეს დაკავების აქტი, ანდროს წარუდგინეს ბრალეულობა, წარადგინეს სასამართლო განჩინება, დიდხანს იყო საუბარი ანდროსა და პოლიციას შორის. კითხვები იყო იმასთან დაკავშირებით, თუ რა მიზნებს ემსახურება მისი ყოფნა, მოსწონს, თუ არა მას, რომ პოლიციის მიმართ რაღაც საშუალებებია გამოყენებული აქციაზე, რაზეც ანდრო პასუხობდა ძალიან ჩვეულებრივად. თითქოს დაძაბულობის მომენტი არ იყო. თუმცა ბრალეულობის წარდგენის შემდეგ მას დაადეს ბორკილები და წაიყვანეს. მე როგორც მივხვდი, ელოდებოდნენ ტელევიზიის მოსვლას, რომ დაეფიქსირებინათ ანდროს წაყვანა. მე ამოვიყვანე ოპერატორი "იმედის". რადგან ანდრო ცნობადი სახეა, ალბათ თვლიან, რომ უნდა დაისაჯოს. საჩვენებელი დასჯის მომენტია" - აღნიშნა ანდრო ჭიჭინაძის მამა "მთავარ არხთან" საუბრისას.
დაკავების დეტალებზე საუბრობს მსახიობის დედა, ლიკა გუნცაძე. როგორ ის აცხადებს, დაკავების შემდეგ ანდრო ჭიჭინაძეზე ფიზიკური ზეწოლა არ განხორციელებულა.
„მე სანდრო დავტოვე სახლში, რაღაც პროექტზე მუშაობდა. ჩემს საქმეებს რომ მოვრჩი, ძალიან ბევრი ადამიანის გამოტოვებული ზარი ვნახე. შემდეგ მითხრეს, რომ სანდრო დაიჭირეს. შემოვედი ეზოში თუ არა, ვნახე, ალბათ, 60 პოლიციელი. ამასობაში ხელბორკილებით გამოიყვანეს ანდროც. ბოლოს იყო, რომ მითხრა „დედა არ ინერვიულოო“. მერე სამმა პოლიციელმა შემიყვანა სადარბაზოში და მითხრა, რომ ახლავე აგიხსნით, რატომ ვაკავებთო, თუმცა არაფერი ამიხსნეს და გავიდნენ სადარბაზოს უკანა გასასვლელიდან. როგორც ჩემმა მეუღლემ მითხრა, ზარი ვიღაც გოგომ დარეკაო, ანდრომ გააღო კარიო და გარეთ ბევრი პოლიციელი იყოო. არ იყვნენ აგრესიულებიო. უთხრეს, რომ გედება ბრალი ორგანიზებაშიო. რომელი თავდამსხმელი ანდროა? დიახ, დგას მიტინგზე! დიახ, მეც ვდგავარ მიტინგზე! ჩემი ოჯახის ყველა წევრი... რომც არ წავიდეს ანდრო მიტინგზე, ვეტყვი, რომ წავიდეს! მე უფრო აქტიური ვარ, ვიდრე ანდრო. მე ჩემზე უფრო მქონდა მოლოდინი, ვიდრე ანდროზე. ვიცი, რომ არის მხნედ, არ არის ნაცემი. მინდა ჩემი შვილი მალე ვნახო“, - განაცხადა ანდრო ჭიჭინაძის დედა ლიკა გუნცაძემ „ტვ პირველთან“ საუბარში.
რეჟისორი, დავით დოიაშვილი მსახიობ ანდრო ჭიჭინაძის დაკავებაზე წერს:
"მოვლენები ისე შეიცვალა, რომ მართლა არ ვიცი, რა კომენტარი უნდა გავაკეთო. ჩემთვისაც ეს არის აბსოლუტურად გამაოგნებელი ამბავი. ცუდ სიზმარშიც არ დამესიზმრება, ალბათ, სკორსეზეც ვერ მისცემდა მაგ როლს ჭიჭინაძეს, რომ ეგ გაემართლებინა და ამათმა როგორ უნდა გაამართლონ, რომ ანდრო ჭიჭინაძე ბინ ლადენია, არ ვიცი, ვერ გეტყვით, რანაირად შეიძლება ეს მოხდეს, მართლა არ ვიცი, მგონია, რომ ცუდი სიზმარია. აბსურდის თეატრია ჯერჯერობით. ვერ აღვიქვამ ამ რეალობას სერიოზულად.
ნუ გვაჯერებთ იმ რეალობას, რომელიც დაუჯერებელია. მხოლოდ და მხოლოდ იმის გამო, რომ არ შეგვიძლია დაგეთანხმოთ იმ რეალობაში, რომელსაც თქვენ გვთავაზობთ, არ შეიძლება ამის გამო მე გამომაცხადოთ ტერორისტად ან ჩემი ყველა მსახიობი. თუ ანდრო ჭიჭინაძე ტერორისტია, მაშინ ჩათვალეთ, რომ პირველ რიგში მთელი თეატრი ტერორისტები ვართ. სხვანაირად არ ვიცი რა განცხადება უნდა გავაკეთო, მართლა არ ვიცი. ეს როგორ უნდა გამართლდეს, არ ვიცი. ამიტომ მგონია, რომ აბსურდია ეს ყველაფერი"- წერს დავით დოიაშვილი.
შეგახსენებთ, მსახიობი ანდრო ჭიჭინაძე დღეს დააკავეს. მედიაში გავრცელებული ცნობით, თავდაპირველად, ანდრო ჭიჭინაძის საცხოვრებელ სახლში ჩხრეკა ჩატარდა, რის შემდეგაც სამართალდამცველებმა ის საკუთარ სახლშივე დააკავეს. ამ ეტაპზე უცნობია, რა მუხლით არის მსახიობი დაკავებული.
მკითხველის კომენტარები /
12 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
ვახო სანაიას მანქანას რომ წავებოდნენ და იქით დააკავეს დამხმარეები,ეგ საქმე როგორ იყო?
როდის უნდა დასრულდეს ამ ქვეყანაში ,, ვითომ "ცნობილი ადამიანების განსხვავებულობას სხვა ადამიანებისგან,და საერთოდ არ ცხვენიათ იმ ვაი მსახიობებს რობერტ სტურუას რომ აგინებენ...ეს სახელი და გვარი პირველად გავიგეთ და რობერტ სტურუას უტოლებენ და უფრო მეტიც..........