მნიშვნელოვანი ინფორმაცია
12
მაისიდღის ზოგადი ასტროლოგიური პროგნოზი
ორშაბათი, მთვარის მეთექვსმეტე დღე დაიწყება 21:55-ზე, მთვარე მორიელშია
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ.
კარგი დღეა იურიდიული საკითხების მოსაგვარებლად, სასამართლო პროცესების დასაწყებად. კარგი დღეა შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას. არც იშიმშილოთ და არც კუჭი გადატვირთოთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"დააშინე, გატეხე და დაჩაგრე", არის სტრატეგია, რომელიც ამ დაჯგუფებამ აირჩია - დაახლოებით იგივეა, რაც როდიონოვმა 1989 წლის 9 აპრილს გამოიყენა“ - გიორგი მარგველაშვილი
06:54 / 05-12-2024
“შორს არ მგონია მომენტი, როდესაც შეიძლება აღმოაჩინონ, რომ "სანტა-კლაუსი" რომელიღაც ოფისში იმალება. ალბათ, ის იქნება დასავლეთის და ომის პარტიის აგენტი. აი, ეს ვითარებაა“, - ამის შესახებ “ძლიერი საქართველოს“ ერთ-ერთმა ლიდერმა, გიორგი მარგველაშვილმა განაცხადა, რითაც ოპოზიციური პარტიების ოფისებში ჩხრეკის ფაქტებს და ქვეყანაში ბოლო დღეებში განვითარებული მოვლენები შეაფასა.
როგორც მან “პალიტრანიუსის“ გადაცემაში “360 გრადუსი“ განაცხადა, “ქართული ოცნება“ მარცხისკენ მიმართულ ტაქტიკას იყენებს, ხოლო მის მოქმედებას თან სდევს კომიკურობა, რაც აჩვენებს, რომ მისი ხელისუფლებაში ყოფნა ფარსია.
“ ერთი იდეოლოგიური ქარგია და შინაარსი შემდეგია: დააშინე, გატეხე და დაჩაგრე! - ეს არის ერთ-ერთი ვერსია, სტრატეგია, რომელიც ამ დაჯგუფებამ, ძალადობრივმა ჯგუფმა აირჩია. მათ შეეძლოთ სხვა სტრატეგია აერჩიათ, არის ბევრი სხვადასხვა ვარიანტი: “გათიშე და იბატონე“, “გაწელე“ და ა.შ. ჩვენდა საბედნიეროდ მობილურობა, ლავირულობა, ინტუიცია, ჩვენს მოწინააღმდეგეს არ ჰყოფნის. "დაჩაგრე და გატეხე" - ეს გამოიხატება ყველაზე ნათლად იმ ძალადობრივი ქმედებების დროს, როდესაც აქტივისტების წამება ხდება. ამ წამების შინაარსი არის შემდეგი, რომ ისინი დაჩაგრულები უნდა იყვნენ და ისინი უკან არ მოვიდნენ. დარბევის ფორმაც იგივეა. მიტინგის განდევნას რამდენიმე სხვადასხვა ტექნოლოგია გააჩნია. ეს ტექნოლოგია, რომელიც აქ არის გამოყენებული, დაახლოებით იგივე, რაც როდიონოვმა 1989 წლის 9 აპრილს გამოიყენა, ანუ ალყა შემოარტყი და შენს მოსახლეობას, რომლის დარბევასაც აპირებ, მოექეცი როგორც მტერს.
ზუსტად იგივე ქარგის გაგრძელებაა, როდესაც ოპოზიციურ ლიდერებს იჭერენ და პიროტექნიკას ართმევენ. მე უკვე შორი არ მგონია, ის მომენტი, როდესაც შეიძლება აღმოაჩინონ, რომ სანტა-კლაუსი იმალება რომელიღაც ოფისში. ალბათ, ის იქნება დასავლეთის და ომის პარტიის აგენტი. აი, ეს ვითარება.
მე ძალიან მომწონს, ჩვენი მოწინააღმდეგის ასეთი მარცხისკენ მიმართული ტაქტიკა... ასეთი მასშტაბურობა პოლიტიკური პროცესის ჩვენ არ გვქონია. მინდა მადლობა ვუთხრა, რომ ისინი აღრმავებენ ამ პროცესს, რითაც გამარჯვებას გვიადვილებენ.
ნებისმიერი ქვეყნის პრემიერ-მინისტრმა გამოსვლაში [რომ თქვას] მათ დაარბიეს ოპოზიციური პარტიების შტაბ-ბინა იმიტომ, რომ იქ იყო გირლანდები და პიროტექნიკა, თქვენ რა რეაქცია გექნებოდათ? - ამას რომ უყურებდეთ ინგლისში, დანიაში, ბანგკოკში, ან ავსტრალიაში? - არ იქნებოდა ეს კომიკური? პრემიერ-მინისტრი გამოდის და ამბობს, რომ სერიოზული საპოლიციო ძალები იქნა მობილიზებული იმისთვის, რომ ამოეღოთ გირლანდები და პიროტექნიკა. ალბათ, დაიჭირეს სანტა-კლაუსი, როგორც ომის პარტიის აგენტი. ეს არის კომიკური. კომიკურობა თანმდევია ფარსის, ფარსი არის ის, რომ ისინი არიან ხელისუფლებაში. ისინი არ არიან ხელისუფლება, მათ უბრალოდ, ჰყავთ შეიარაღებული ძალა, რომლითაც აკონტროლებენ რამდენიმე ქუჩას ქალაქში. ეს არის პოლიტიკური ვითარება.
სახელმწიფოსთან კავშირი ამ შეიარაღებულმა დაჯგუფებამ ბოლომდე დაკარგა. მათ ასევე დაკარგეს საზოგადოებასთან, საერთაშორისო პარტნიორებთან კავშირი. ისინი არიან შეიარაღებული ძალა, რომელიც აკონტროლებს ქალაქის რამდენიმე შენობას, ისინი ვერ აკონტროლებენ ქალაქს, რაიონებს, მუდმივად ხდება მათთვის ზურგის შექცევა, ეს არის პოლიტიკური რეალობა“, - განაცხადა მარგველაშვილმა.
00:00 / 00:00
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
აპლიკაცია გველების შესახებ - რა უნდა ვიცოდეთ
კვირის კითხვადი სტატიები
მნიშვნელოვანი ინფორმაცია
მკითხველის რჩევით
