"მინდა დაგარწმუნოთ, კარგად ვარ და ფიზიკური ზიანი არ მიმიღია" - რას წერს გიორგი მიქაუტაძე, რომელიც გაძარცვეს

"გუშინდელი შემთხვევის შემდეგ მინდა დაგარწმუნოთ კარგად ვარ და ფიზიკური ზიანი არ მიმიღია“, - წერს ფეხბურთელი გიორგი მიქაუტაძე სოციალურ ქსელში.

შეგახსენებთ, რომ საქართველოს ნაკრებისა და ფრანგული "ლიონის" ფორვარდი, 1 დეკემბერს, ლიონი-ნიცას მატჩის დასრულების შემდეგ, საკუთარ სახლში გაძარცვეს. ინფორმაცია ფრანგულმა მედიამ გაავრცელა. მიქაუტაძეს სახლთან ორი შეიარაღებული მამაკაცი დახვდა, რომლებმაც აიძულეს სახლში შეეშვათ და ძვირფასი ნივთები მოითხოვეს. მოპარული ნივთების ღირებულება 200 000 ევრომდეა შეფასებული.

მძარცველებმა პოლიციის მოსვლამდე გაქცევა მოახერხეს. სამართალდამცველები მათ ძებნას ამ დრომდე აგრძელებენ.

"გამარჯობა ყველას. გუშინდელი შემთხვევის შემდეგ, მინდა დაგარწმუნოთ, კარგად ვარ და ფიზიკური ზიანი არ მიმიღია. დიდი მადლობა თქვენ, მხარდამჭერი შეტყობინებებისთვის. ეს ჩემთვის ძალიან მნიშვნელოვანია. ვრჩები ჩემს მიზნებზე კონცენტრირებული და ძალიან მალე კვლავ შევხვდებით. მშვიდობიან დღეს გისურვებთ და გაუფრთხილდით ერთმანეთს“ - წერს მიქაუტაძე.