მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
მორიგი დაშლა, დაკავებები, ნაცემი ხალხი, დაპირისპირებები - რა ხდებოდა თბილისსა და ბათუმში წუხელ (ფოტოები)
08:05 / 30-11-2024
- ფოტოები: ინტერპრესიუსი
ამ დროისთვის რუსთაველის გამზირზე “თბილსერვისის” თანამშრომლები ტერიტორიის დასუფთავებას იწყებენ.
- საპოლიციო ძალებმა რუსთაველის გამზირი მომიტინგეებისგან სრულად გაათავისუფლეს. ამჟამად მთელ პერიმეტრს სამართალდამცველები აკონტროლებენ. ამასთან, სამართალდამცველებმა რუსთაველის თეატრიდან გამოიყვანა მომიტინგეთა ის ნაწილი, რომელიც მანამდე შენობას აფარებდა თავს.
ტერიტორიიდან გაყვანილია წყლის ჭავლის მანქანები, სპეცაღჭურვილობა და სპეცდანიშნულების რაზმები. გამთენიისას, საპოლიციო ძალები ბესიკის ქუჩიდან, მეტრო - "რუსთაველიდან" და "თავისუფლების მოედნიდან" ერთდროულად დაიძრნენ და მომიტინგეები ალყაში მოაქციეს. ტერიტორიის გასუფთავება დაკავებების ფონზე მიმდინარეობდა. არსებული ინფორმაციით, დაშავდა რამდენიმე ადამიანი, მათ შორის ჟურნალისტი მარიამ გაფრინდაშვილი, რომელიც კლინიკაში გადაიყვანეს.
რა ხდებოდა მთელი ღამე:
შეგახსენებთ, 29 ნოემბერს, საპროტესტო აქცია რუსთაველის გამზირზე, პარლამენტის წინ 19:00 საათზე დაიწყო. ადგილზე ვითარება არაერთხელ დაიძაბა პროტესტის მონაწილეებსა და სამართალდამცველებს შორის. მომიტინგეების დაშლა სპეცრაზმმა დაახლოებით, ღამის, 12:00 საათისთვის დაიწყო. დემონსტრანტების წინააღმდეგ არაერთხელ გამოიყენეს წყლის ჭავლი და სპეციალური საშუალებები. თავის მხრივ დემონსტრანტები საპოლიციო ძალების მისამართით პიროტექნიკას და სხვადასხვა საგნებს ისროდნენ, მომიტინგეები ცდილობდნენ სხვადასხვა კონსტრუქციით ბარიკადების აღმართვასაც, რათა სპეცრაზმისთვის გზა ჩაეხერგათ. სამართალდამცველები აქციის მიმდინარეობისას პერიოდულად აკავებდნენ მომიტინგეებს, არიან დაშავებულებიც, თუმცა მათი რაოდენობა ჯერჯერობით უცნობია.
მძიმე ღამე იყო ბათუმისთვისაც, სადაც წუთით არ გაჩერებულ ღამით პროტესტი. ბათუმში აჭარის მთავრობის სახლთან სამართალდამცავებმა რვა პირი დააკავეს. “ინტერპრესნიუსის” ინფორმაციით, აქციის მონაწილეები ადმინისტრაციული სამართალდარღვევის ფაქტზე არიან დაკავებულები.
- აჭარის მთავრობის სახლთან საპროტესტო აქციაზე სამართალდამცავებსა და აქციის მონაწილეთა შორის ფიზიკური დაპირისპირება რამდენჯერმე მოხდა. აჭარის მთავრობის სახლთან სამართალდამცავები და სპეცრაზმის თანამშრომლები მთელი ღამის განმავლობაში იმყოფებოდნენ.
საპროტესტო აქციის მონაწილეებმა ჭავჭავაძის ქუჩა გადაკეტეს. ამის შემდეგ ისინი პროტესტის ნიშნად აქცია-მსვლელობით, პოლიციის მთავარ სამმართველოსკენ გაემართნენ.
მათი განცხადებით, აჭარის მთავრობის სახლთან სამართალდამცავებმა მშვიდობიანი მოქალაქეები დააკავეს.
“მშვიდობიანი მოქალაქეები დააკავეს, ვითხოვთ მათ გათავისუფლებას. ქვეყანაში საჭიროა ხელახალი სამართლიანი არჩევნები. “ქართულმა ოცნებამ” არჩევნები მოიპარა და ქვეყანას რუსეთისკენ მიათრევენ" ,- აცხადებდნენ აქციის მონაწილეები.
ბათუმში მოქალაქეებმა საპროტესტო აქცია აჭარის უმაღლეს საბჭოსთან დაასრულეს მათი განცხადებით, რეგიონის საკანონმდებლო ორგანო არალეგიტიმურია და “ქართულმა ოცნებამ” არჩევნები მოიპარა.
მკითხველის კომენტარები /
20 /
თარიღის მიხედვით
მოწონების მიხედვით
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
მაგ სიმართლით გაძელით თქვენ,რაც არავის უცემია აგრესიული ნაც.ჟურნალისტი და მომიტინგეების ნასროლი ქვა მოხვდა.კიდევ კარგი,კადრები არსებობს,მაგრამ თქვენნაირი ბრმები და ყურები მაინც არაფერს დაინახავთ
1. რაც შეეხება 26 ოქტომბერს ჩატარებულ არჩევნებს:
უამრავი ადგილობრივი და საერთაშორისო ორაგანიზაციები აკვირდებოდა ჩატარებულ არჩევნებს, მათ შორის ყველაზე ავტორიტეტული ეუთო/ოდირის სადამკვირვებლო მისია...
მათი დასკვნით მიუხედავად არსებული რიგი ხარვეზებისა და ნაკლოვანებებისა არჩევნები ჩატარდა კონკურენტულ გარემოში.
მათ წინასწარ ანგარიშში ერთი სიტყვაც არ თქმულა, რომ არჩევნები გაყალბდა და თანაც ტოტალურად...
ეს ცრუ ნარატივი მოიგონა რადიკალურმა ოპოზიციამ, რომელიც დღედაღამ იტყუილება, რომ რამენაირად ააგოროს ქაოსი და დესტაბილიზაცია ამ ქვეყანაში...
მათი შიზოიდი ბელადის წაქეზებით ერთი სული აქვთ, რომ აქაც მოხდეს 2014 წელში მომხდარი კიევის მაედნის მსგავსი პროცესები...
2. რაც შეეხება პრემიერ-მინისტრის საჯარო გამოსვლას:
მმართველმა გუნდმა და ქვეყნის პრემიერ-მინისტრმა ორიოდე დღის უკან განცხადებით ევროკავშირში გაწევრიანების 2028 წლამდე შეჩერების შესახებ აშკარად ზედმეტი აიღო თავის თავზე...
ეს საკითხი მსჯელობისა და დებატების საგნად უნდა ქცეულიყო პარლამენტში...
3. რაც შეეხება ბოლო დღეებში აგორებულ საპროტესტო აქციებს:
ერთმნიშვნელოვნად, ეს ხელისუფლების და პირველ რიგში კობახიძის არაგონივრული და პროვოკაციული განცხადების შედეგია!
რადიკალურმა ოპოზიციამ უმალვე თავის სასარგებლოდ გამოიყენა პრემიერ-მინისტრის მიერ დაშვებული ეს კატასტროფული შეცდომა!...
4. გამოსავალი რა არის?
გამომდინარე ჩვენი სამშობლოს უზენაესი ინტერესებიდან პოზიციამ და ოპოზიციამ ერთობლივად უნდა გამონახონ ურთიერთ მისაღები გადაწყვეტილებები, რომელიც გამოიყვანს ქვეყანას ამ უკიდურესად დაძაბული ჩიხიდან!!!
ალბათ ახალი არჩევნების დანიშვნა თუ დააწყნარებს ამ დაძაბულ სიტუაციას....
პ.ს. უფალმა დაიფაროს უბედურებებისაგან საქართველო და მისი მოსახლეობა!!!