“სასტიკად სცემეს, სავარაუდოდ გატეხილი აქვს ცხვირი, წაართვეს კამერები“ - “პუბლიკას“ ინფორმაციით, საპროტესტო აქციაზე ჟურნალისტი, ალექსანდრე ქეშელაშვილი დააკავეს
“პუბლიკას“ ინფორმაციით, რუსთაველის გამზირზე, საპროტესტო აქციის მიმდინარეობისას პროფესიული მოვალეობის შესრულების დროს “პუბლიკას” ჟურნალისტი, ალექსანდრე ქეშელაშვილი დააკავეს.
როგორც მათ ინფორმაციაშია აღნიშნული, ალექსანდრე ქეშელაშვილი ხელწერილის საფუძველზე გაათავისუფლეს.
“ალექსანდრე ქეშელაშვილმა, ჩვენმა ჟურნალისტმა, რამდენიმე წუთის წინ დამირეკა - დააკავეს, სასტიკად სცემეს, სავარაუდოდ გატეხილი აქვს ცხვირი, წაართვეს კამერები,“ - გაავრცელა ინფორმაცია ზურა ვარდიაშვილმა.
დაშავებულ პირებს შორის არიან სხვადასხვა მედიასაშუალებების ჟურნალისტები, მათ შორის, “ტვ პირველის“ ჟურნალისტები და ოპერატორები, ასევე “აჭარის“ ერთ-ერთი ჟურნალისტი.