ლავის მდინარეები და სრულად ევაკუირებული სოფელი - რა ფოტოები ვრცელდება ისლანდიიდან, ვულკანის ამოფრქვევის შემდეგ

ისლანდიის ტურისტული ცხელი წერტილიდან, ვულკანის ამოფრქვევის გამო ასობით ადამიანის ევაკუაცია განხორციელდა. ამოფრქვევა, პოპულარულ ცისფერი ლაგუნის თერმულ აბაზანებთან ახლოს, კუნძულის სამხრეთ-აღმოსავლეთით მოხდა.

ისლანდიის მეტეოროლოგიური სამსახურის (IMO) ცნობით, ვულკანური აქტივობა სოფელ გრინდავიკის მახლობლად მდებარე სუნდნუკაგიგარის ნაპრალზე ოთხშაბათს, ღამით ადგილობრივი დროით 23:14 საათზე დაიწყო.

• ევაკუირებული იქნა პატარა მეთევზეთა სოფელი, რომელიც რეიკიანესის ნახევარკუნძულზე, ცისფერი ლაგუნიდან სულ რაღაც სამი მილის მანძილზე მდებარეობს.

სურათებზე ჩანს, რომ ლავა მდინარეებად მოედინება.

IMO-ს სპეციალისტმა ბენედიქტ ოფეიგსონმა საზოგადოებრივ რადიო RAS2-ს განუცხადა, რომ ამჟამად ინფრასტრუქტურას არანაირი საფრთხე არ ემუქრება. თუმცა უსაფრთხოების მიზნით, გრინდავიკიდან დაახლოებით 200 ადამიანი იქნა ევაკუირებული.

აღსანიშნავია, რომ ვულკანი 2021 წელს გააქტიურდა. მაშინ სფეროს ექსპერტებმა ადგილობრივი მოსახლეობა გააფრთხილეს, რომ ვულკანური აქტივობა ახალ ეპოქაში შევიდა და შესაძლოა მოფრქვევა ხშირად მომხდარიყო.

• ყოველწლიურად ცნობილ თერმული აბაზანებს დაახლოებით 700 000-ზე მეტი ვიზიტორი სტუმრობს. ეს რიცხვი თითქმის ორჯერ აღემატება პატარა კუნძულოვანი ქვეყნის მთელ მოსახლეობას.

ისლანდიაში არის 33 აქტიური ვულკანური სისტემა.

წყარო

იხილეთ ასევე:

• რა შეიცვალა მას შემდეგ, რაც ისლანდიამ კვირაში ოთხდღიანი სამუშაო გრაფიკი შემოიღო - ექსპერიმენტის გასაოცარი შედეგები