მნიშვნელოვანი ინფორმაცია
26
მარტიდღის ზოგადი ასტროლოგიური პროგნოზი
ოთხშაბათი, მთვარის ოცდამეშვიდე დღე დაიწყება 06:43-ზე, მთვარე თევზებში გადავა 23:28-ზე
კარგი დღეა ახალი საქმეების დასაწყებად. შანსი მოგეცემათ მოაგვაროთ ძველი პრობლემები. კარგი დღეა ბიზნესისა და სავაჭრო საქმეებისთვის; უფროს თაობასთან ურთიერთობისთვის, მათგან რჩევის მიღება. ურთიერთობის, საქმეების გარჩევას არ გირჩევთ. კარგი დღეა საქმიანობის, სამუშაო ადგილის შესაცვლელად. კარგია მოგზაურობის დაწყება. მცირე ფიზიკური დატვირთვა არ გაწყენთ, კარგი დღეა საოჯახო საქმეების შესასრულებლად. მოერიდეთ დიდი რაოდენობით სითხის, განსაკუთრებით ალკოჰოლის მიღებას. გაუფრთხილდით ფეხებს.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
რა ხდება სამხრეთ აფრიკის "არალეგალურ" ოქროს მაღაროებში, რომელსაც კრიმინალური ბანდები აკონტროლებენ - “ბევრი ვერ ახერხებს ცოცხლად დარჩენას, შეიძლება იქ ჩონჩხებიც შეგხვდეთ“
11:04 / 24-11-2024
“ნდუმისო, დაახლოებით 600 სხვა მამაკაცთან ერთად, ცხოვრობს და მუშაობს პატარა ბანდების მიერ კონტროლირებად "ქალაქ - დასახლებაში", რომელიც სამხრეთ აფრიკაში ოქროს მიტოვებული მაღაროს ადგილზე დაფუძნდა და ვითარდება“,- ასე იწყებს BBC თავს სპეციალურ რეპორტაჟს აფრიკიდან, სადაც ოქროს მაღაროები ადგილობრივი კრიმინალების მიერ კონტროლირდება.
იქაური მუშების ყოფა საგანგაშოა. დასახლებებს შეიარაღებული “ბანდები“ აკონტროლებენ.
როგორც ნდუმისომ BBC-ს განუცხადა, მას შემდეგ მსხვილმა კომპანიამ სამსახურიდან გაათავისუფლა, გადაწყვიტა ბანდას დაექვემდებაროს და გახდეს "ზამა-ზამა" - იგივე არალეგალური მაღაროელი.
ის ძვირფას ლითონს შავ ბაზარზე ყიდის და აღნიშნავს, რომ იმაზე მეტს გამოიმუშავებს, ვიდრე ოდესმე. თუმცა რისკები გაცილებით მაღალია.
“მიწისქვეშა ცხოვრება დაუნდობელია. ბევრი ვერ ახერხებს ცოცხლად დარჩენას. მაღაროში შეიძლება შეგხვდეთ გარდაცვლილები და ჩონჩხები. ჩვენ მას “ზამა-ზამას“ სასაფლაოს ვუწოდებთ“, - აცხადებს გამოცემასთან 52 წლის მაღაროელი, რომელიც ინტერვიუს მხოლოდ იმ შემთხვევაში დასთანხმდა, თუ ანონიმურად დარჩებოდა.
დამღლელი დღეების შემდეგ ქვიშის ტომრებზე სძინავს. თუმცა არალეგალურად მოპოვებულ ოქროს დიდ რისკებთან ერთად, დიდი მოგებაც ახლავს და ამაყობს, რომ მისი ოჯახი იოჰანესბურგში, ახალ ბინაში ცხოვრობს, რომელიც თავად იყიდა.
“მან თქვა, რომ ერთოთახიან სახლში 130,000 რუბლი (დაახლოებით 7,000 აშშ დოლარი) ნაღდი ფულით გადაიხადა. ახლა კიდევ სამ საძინებელს ამატებს,“ - წერს BBC.
ნდუმისო დაახლოებით რვა წელია უკანონო მაღაროში მუშაობს. ამ დროის განმავლობას შეძლო სამი შვილის სწავლა დაეფინანსებინა. ერთ-ერთი ახლა უნივერსიტეტში სწავლობს.
“მე უნდა გავუფრთხილდე ჩემს მეუღლეს და შვილებს და ეს ერთადერთი გზაა, რაც ვიცი,“ - თქვა მან.
ის ამჟამად პატარა ქალაქ სტილფონტეინთან მდებარე მაღაროში მუშაობს, რომელიც მსოფლიოს ყურადღების ცენტრში მოექცა მას შემდეგ, რაც ერთ-ერთმა მინისტრმა განაცხადა, რომ არალეგალურად მომუშავე მაღაროელები “კრიმინალები არიან და უნდა დაისაჯონ“.
სამხრეთ აფრიკის “ბენჩმარკის ფონდის“ მკვლევარმა დევიდ ვან უაიკმა, რომელიც ინდუსტრიას სწავლობს, განაცხადა, რომ ქვეყანაში დაახლოებით 6000 მიტოვებული მაღაროა. ხოლო 10 ათასობით არალეგალური მაღაროელი.
“ზამა-ზამები ხშირად ატარებენ თვეებს მიწის ქვეშ, ზედაპირზე არ გამოდიან და ძალიან არიან დამოკიდებულნი გარე მხარდაჭერაზე - რომ ვინმემ საკვები და სხვა აუცილებელი ნივთები მიაწოდოს. ეს მძიმე და საშიში სამუშაოა. ზოგიერთს აქვს პისტოლეტები, თოფი და ნახევრად ავტომატური იარაღები, რათა დაიცვან თავი კონკურენტი ბანდებისაგან“, - ნათქვამია ჯგუფის - “გლობალური ინიციატივა ტრანსნაციონალური ორგანიზებული დანაშაულის“ წინააღმდეგ მოხსენებაში.
ნდუმისოს თქმით, თავდაცვისთვის იარაღი მასაც ჰქონდა. თუმცა, ადგილობრივ კრიმინალურ ბანდას "დაცვის გადასახადს", ყოველთვიურად 8 დოლარს მაინც უხდიდა. როგორც ის აღწერს, ის ჩვეულებრივ მიწის ქვეშ თვეების განმავლობაში რჩებოდა. მან გაიხსენა, როგორ ერთ დღეს, როცა ზედაპირ ავიდა, “მზის შუქმა ისე დააბრმავა, რომ ეგონა დაშავდა.“
მისი საშუალო წლიური შემოსავალი 15,500 -დან 22,000 დოლარამდე მერყეობს - ეს ბევრად მეტია, ვიდრე ლეგალური მეშახტეობით მიღებული 2,700 დოლარი.
იხილეთ ასევე:
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
სალომე ზურაბიშვილი საზოგადოებას 31 მარტს დაანონსებულ აქციაზე მისვლისკენ მოუწოდებს - რა პასუხი აქვს "ქართულ ოცნებას"
კვირის კითხვადი სტატიები
მნიშვნელოვანი ინფორმაცია
მკითხველის რჩევით
