"5 პროცენტიც ვერ დაარწმუნა ჯაფარიძემ, რომ არჩევნები გაყალბდა და პროტესტი საჭიროა... ახლა ამ ხალხს თავს ესხმის... პოლიტიკური სპექტრი სრულიად გამოჩლუნგდა" - რას წერს ჩერგოლეიშვილი
დღეს დილით ცნობილი გახდა, რომ მელიქიშვილის გამზირზე მიმდინარე ოპოზიციის აქცია დაიშლებოდა იქამდე, სანამ პოლიტიკური გაერთიანებები ახალ გეგმას არ წარადგენდნენ. როგორც "კოალიცია ცვლილებისთვის" ლიდერმა ზურა ჯაფარიძე აცხადებს, ოპოზიცია მორიგ ნაბიჯებთან დაკავშირებით „გადაიგეგმება“ და სამოქმედო გეგმას საზოგადოებას საღამოსთვის გააცნობს.
მოგვიანებით ჯაფარიძემ სოციალურ ქსელში დაწერა:
"იმედი და დრაივი ვისაც გაკლიათ, უნდა გენახათ ახალგაზრდები დილის ექვსზე სახელდახელოდ დანთებული კოცონის გარშემო როგორ კითხულობენ წიგნებს, ერთ საათში იგივე ახალგაზრდები როგორ აწყობენ 10 წუთში ბარიკადებს, და კიდევ 1 საათის შემდეგ როგორ სძინავთ მელიქიშვილის გაყინულ ბორდიურზე ერთმანეთზე მიყუდებულებს, მაგრამ არ ნახეთ. დრაივი ტელევიზორის ყურებას და ‘გეგმა არ არის’ ძახილს არ მოაქვს, დრაივი ცოცხალ, თავისუფალ და გამბედავ ადამიანებშია" - დაწერა ჯაფარიძემ.
მის პოსტს "ფედერალისტების" ერთ-ერთი ლიდერი თამარ ჩერგოლეიშვილი სოციალურ ქსელში გამოეხმაურა.
"220 ათასი მოქალაქის ხმა აიღო ამისმა პარტიამ. ამ ხალხის 5 პროცენტიც კი ვერ შთააგონა და დაარწმუნა ჯაფარიძემ, რომ არჩევნები გაყალბდა და პროტესტი საჭიროა. ახლა ამ ხალხს თავს ესხმის - გამბედავები არ ხართო, ჩმორები ხართო... იგივე კაცი ამტკიცებს, რომ ოპოზიცია რომ ერთმანეთს აკრიტიკებს, "ხალხს იუცხოვებს" და ამიტომ მისი ხელიდან პარტიებს შორის თავისუფალი კონკურენციის და თავისუფალი მედიის სიკვდილს მწვანე აუნთო! არ ვარგა კრიტიკაო! შედეგად, პოლიტიკური სპექტრი სრულიად გამოჩლუნგდა.
ოღონდ პოლიტიკური გვამების კრიტიკა არ ვარგა, თორემ ხალხის ლანძღვა მოსულა! გინდათ გითხრათ დრაივი რას მოაქვს სინამდვილეში? დრაივი მოაქვს ამაღელვებელ პოლიტიკურ შინაარსს! დრაივი მოაქვს თავისუფალ კონკურენციას! დრაივი მოაქვს ინტელექტს! დრაივი მოაქვს გემოვნებას! დრაივი მოაქვს მორალურ უპირატესობას!ამ ყველაფრის სიკვდილს აუნთო ზურა ჯაფარიძემ მწვანე შუქი და ოლიგარქიას დაურასკლადდა.ახლა ხალხს აჯვამს - თქვე გაუბედავებოო.რატომ გიკვირთ რომ ამ ყალბ ლუზერებს მე პატივს არ ვცემ?ვინც სცემთ, თქვენ როგორ სცემთ?" - წერს ჩერგოლეიშვილი.
წაიკითხეთ ასევე: