ისრაელი “ჰეზბოლას“ მთავარი პრესსპიკერის ლიკვიდაციას ადასტურებს - რა წერია IDF-ის ანგარიშში

ისრაელის თავდაცვის ძალები ადასტურებს, რომ ბეირუთში განხორციელებული ავიაიერიშის დროს “ჰეზბოლას“ მთავარი პრესსპიკერის, მუჰამედ აფიფის ლიკვიდაცია განახორციელეს. ინფორმაციას გამოცემა The Times of Israel-ი ავრცელებს.

თავდაცვის ძალების მტკიცებით, აფიფი "კონტაქტში იყო მაღალჩინოსნებთან და უშუალოდ მონაწილეობდა ისრაელის წინააღმდეგ" “ჰეზბოლას“ ტერორისტული მოქმედებების წინსვლასა და განხორციელებაში".

“აფიფის მიერ ლიბანური მედიისთვის გადაცემული შეტყობინებები ადიდებდა და წაახალისებდა ტერორისტულ ქმედებებს ისრაელის სახელმწიფოს წინააღმდეგ და ის პასუხისმგებელი იყო ისრაელის საზოგადოების წინააღმდეგ მრავალ ფსიქოლოგიურ ტერორისტულ ოპერაციაზე“, - აცხადებენ ისრაელის თავდაცვის ძალებში.

IDF-ის ინფორმაციით, აფიფი ჰეზბოლას 1980-იან წლებში შეუერთდა და "მნიშვნელოვანი გავლენა ჰქონდა ჰეზბოლას სამხედრო ოპერაციებზე".

იხილეთ ასევე:

• ისრაელელთა რეიდი "ჰეზბოლას" სამალავში და მათი ერთ-ერთი ლიდერი საცვლებით - როგორ ჩაბარდნენ ორგანიზაციის წევრები და რა კადრები ვრცელდება
• "ჰეზბოლას" მორიგი ლიდერი ნაიმ ქასემი გახდა - ისრაელი მისი ლიკვიდაციითაც იმუქრება