"ჩემს გამარჯვებას ვუძღვნი ჩემს ქვეყანას" - რა თქვა საბავშვო "ევროვიზიის" გამარჯვებულმა, რომელსაც გამარჯვება პრემიერმა ვიდეო ზარით მიულოცა

ანდრია ფუტკარაძემ საქართველოს საბავშვო "ევროვიზიაზე", რომელიც ესპანეთის დედაქალაქ მადრიდში გაიმართა, მორიგი - მე-4 გამარჯვება მოუტანა. ამ შედეგით საქართველო ამ კონკურსის რეკორდსმენია.

ანდრიამ 12 ქულა მიიღო იტალიისგან, ესტონეთისგან, ალბანეთისგან, სომხეთისგან, კვიპროსისგან, ესპანეთისგან, ნიდერლანდებისგან, სან მარინოსგან, უკრაინისგან, პორტუგალიისგან, ისლანდიისგან, მალტისგან.

• ანდრიას გამარჯვება პრემიერ-მინისტრმა ირაკლი კობახიძემ ვიდეოზარის საშუალებით პირადად მიულოცა.

"გილოცავ, მაგარი ბიჭი ხარ, მაგრად იმღერე, ბევრი წარმატება, დარწმუნებული ვარ, რომ კიდევ ძალიან ბევრი წარმატება გექნება მომავალში“, - უთხრა კობახიძემ ანდრია.

"მადლობა ბატონო პრემიერ-მინისტრო, ჩემს გამარჯვებას ვუძღვნი ჩემს ქვეყანას, მადლობა საქართველოს", - თქვა საბავშვო "ევროვიზიის" გამარჯვებულმა.

ნახეთ ასევე:

• საქართველო საბავშვო "ევროვიზია 2024"-ის გამარჯვებულია - ამჯერად ჩვენი ქვეყანა ანდრია ფუტკარაძემ ასახელა