ზომბი სოკომ, რომელიც ორგანიზმებს “მოსიარულე მკვდრებად“ აქცევს, შესაძლოა ადამიანების სიცოცხლე გადაარჩინოს: კვლევის დეტალები
პარაზიტულმა სოკომ - Zombie Caterpillar-მა, რომელიც ჭიაყელებში და სხვა ცოცხალ ორგანიზმებში მოხვედრის შემდეგ მათ “მოსიარულე მკვდრებად“ აქცევს, შესაძლოა არც მეტი, არც ნაკლები, ადამიანების სიცოცხლე გადაარჩინოს.
გაერთიანებული სამეფოს “ნოტინგემის“ უნივერსიტეტის მკვლევრებმა დაასკვნეს, რომ სოკო “ზომბიფიცირებით“ წარმოქმნის ისეთ ქიმიკატს, რომელიც გარკვეული სიმსივნეების დაბლოკვას იწვევს და ზრდას უშლის ხელს.
სამეცნიერო ტექნიკის მიღწევებმა მკვლევრებს საშუალება მისცა შეესწავლათ გენის ექსპრესია, უჯრედის სასიგნალო გზები და ცილის წარმოება უჯრედებში.
-
ადამიანის ქსოვილზე განხორციელებული ლაბორატორიული ექსპერიმენტების და გენეტიკური ანალიზის მეშვეობით, ჯგუფმა დაადგინა, რომ პარაზიტ სოკოში შემავალი ქიმიური ნივთიერება გარდაიქმნება აქტიურ ნაერთად, სახელწოდებით - კორდიცეპინის ტრიფოსფატი. ის ბლოკავს ორ ცალკეულ სასიგნალო გზას, რომლებსაც კიბოს უჯრედები ადამიანის ორგანიზმში გასაზრდელად იყენებენ.
მიუხედავად იმისა, რომ ყველაფერი ჯერ ბოლომდე არ არის დადასტურებული, გუნდი თვლის, რომ ქიმიური ნივთიერება შესაძლოა ძალიან ეფექტური აღმოჩნდეს კიბოს წინააღმდეგ.
“შემდგომი კვლევაა საჭირო, რათა აღმოჩენები კიბოს ახალ სამკურნალო გზად გადაიქცეს. მაგრამ იმის გაგებამ, თუ როგორ მოქმედებს მოლეკულა უჯრედების ზრდაზე, შეიძლება საფუძველი ჩაუყაროს კიბოს წამლების ახალ ტიპებს.
კორდიცეპინის ტრიფოსფატის მოქმედების სიზუსტეს შეუძლია კიბოს უჯრედების დაბლოკვა ჯანსაღი ქსოვილისთვის ზედმეტი ზიანის მიყენების გარეშე,“ - წერს sciencealert.
აღსანიშნავია, რომ სახეობა ტრადიციულ ჩინურ მედიცინაში დიდი ხანია სხვადასხვა გზით გამოიყენება და გვხვდება მრავალ თანამედროვე მედიკამენტშიც.
იხილეთ ასევე:
- მეცნიერებმა ბუზის ტვინის შესწავლაში ნამდვილი გარღვევა მოახდინეს - ამით შესაძლოა ამოიხსნას, თუ როგორ მუშაობს ადამიანის გონება: კვლევის დეტალები
- წყვილი “ბიოჰაკინგით“ ცხოვრებას 150 წლამდე გეგმავს - როგორია მათი ყოველდღიური რუტინა?