მნიშვნელოვანი ინფორმაცია
12
მაისიდღის ზოგადი ასტროლოგიური პროგნოზი
ორშაბათი, მთვარის მეთექვსმეტე დღე დაიწყება 21:55-ზე, მთვარე მორიელშია
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ.
კარგი დღეა იურიდიული საკითხების მოსაგვარებლად, სასამართლო პროცესების დასაწყებად. კარგი დღეა შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას. არც იშიმშილოთ და არც კუჭი გადატვირთოთ.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
10 საბავშვო გამოცემა, რომლებიც „თბილისის წიგნის დღეებზე“ ფასდაკლებით აუცილებლად უნდა შეიძინოთ
17:01 / 13-11-2024
წიგნის დღეები, რომლებიც უკვე რამდენიმე წელია, „ექსპო-ჯორჯიაში“ ტარდება, უფროსებთან ერთად პატარა მკითხველების საყვარელ ღონისძიებადაც იქცა. სხვადასხვა მხიარული აქტივობა, განსაკუთრებული ფასდაკლება და საჩუქრები მათ განსაკუთრებით მოსწონთ და ფესტივალზე მისულები უკან დიდი შთაბეჭდილებებით ბრუნდებიან. ბევრ ბავშვსა თუ მოზარდს ბევრი წიგნის ერთდროულად შეძენა და მათი წაკითხვის გეგმის შედგენაც ძალიან ხიბლავს. ეს მათთვის მარათონივითაა და ხშირად ისინი ერთმანეთს ჩელენჯებსაც კი უწესებენ იმაზე, თუ ვინ უფრო სწრაფად წაიკითხავს ან ვინ მეტ წიგნს წაიკითხავს დროის კონკრეტულ პერიოდში.
მაღალი ინტერესიდან გამომდინარე, გაგაცნობთ 10 საბავშვო გამოცემას, რომელთა შეძენასაც „თბილისის წიგნის დღეებზე“ „პალიტრა L-ის“ სტენდთან ფასდაკლებით შეძლებთ.
ბიჭი, რომელიც (შემთხვევით) გახდა ცნობილი - სააქციო ღირებულება 8 ლარი
ბილი სმითი არაფრით გამორჩეული ბავშვია, სახელიც უბრალო და უინტერესო აქვს. მისი ყველა დღე ერთმანეთს ჰგავს, მაგრამ ერთ დღესაც ყველაფერი იცვლება _ შემთხვევით ძალიან პოპულარული ხდება. ერთი შეხედვით, ყველაფერი კარგადაა, მაგრამ მალე ბილი დაეჭვდება _ ნუთუ მართლა უნდა, რომ ყველაზე პოპულარული ბავშვი იყოს? იქნებ „ძველი“ ბილის ცხოვრება უფრო საინტერესოა? ამ კითხვებზე პასუხს დევიდ ბედიელის ამ შესანიშნავ წიგნში ამოიკითხავთ!
ნათიას და თათიას თავგადასავალი - სააქციო ღირებულება 12ლარი
შოთა იათაშვილის ეს პოსტმოდერნისტული მხიარული ზღაპარი დიდებისთვისაცაა - ისინი სტრიქონებს შორის და პერსონაჟებში რუსთაველს, გურამიშვილს, ლინდდრენს, ძმებ გრიმებს, ნიცშეს და კიდევ ბევრ სხვა ავტორს ამოიკითხავენ, პატარები კი ზღაპრის ჯადოსნურ სამყაროში თათიასა და ნათიასთან ერთად იმოგზაურებენ და იმხიარულებენ.
დღე, როცა ყველა ეკრანი გამოირთო - სააქციო ღირებულება 8 ლარი
ერთ პატარა ქალაქში უჩვეულო დღე გათენდა - ყველაფერი გაითიშა: აღარ მუშაობს ტელევიზორები და მობილური ტელეფონები, უსარგებლო გახდა გაჯეტები. ხალხი დაბნეულია - რა ქნან უტელევიზოროდ და, რაც მთავარია, როგორ იცხოვრონ მობილური ტელეფონების გარეშე?! რა ეშველება გოგონა სტელას ბებიას, რომელიც სოფელში ცხოვრობს? ერთი გზა რჩება - სასწრაფოდ მასთან გამგზავრება! გზა ქალაქიდან ბებიას სოფლამდე საინტერესო თავგადასავალი გამოდგა - სტელას ოჯახმა არაერთი საინტერესო ადამიანი გაიცნო და მიხვდა ამქვეყნად უმთავრესს...
უფლისწული და მათხოვარი - სააქციო ღირებულება 8 ლარი
მარკ ტვენი ყველა დროის მოზარდი მკითხველის საყვარელი ავტორია. ამ წიგნში წაიკითხავთ საოცრად შთამბეჭდავ ამბავს უფლისწულსა და მათხოვარზე. ეს ორი ცნობისმოყვარე ბიჭუნა გაჭრილი ვაშლივით ჰგავს ერთმანეთს, თუმცა, განსხვავებული საზოგადოებრივი სტატუსი აქვთ. ერთი მათგანი, ტომ კენტი, ლონდონის ჯურღმულებში მცხოვრები ღარიბი ბიჭია, მეორე, ედვარდ ტიუდორი კი – ტახტის მემკვიდრე.
ვუუ და ემოციების გალაქტიკა - სააქციო ღირებულება 5 ლარი
როგორ გამოიყურება გაოცება? ან როგორ იქცევა ადამიანი, როცა ბრაზი მოერევა? სად უკეთესია ყოფნა - იქ, სადაც ყველა ბედნიერია, თუ იქ, სადაც ყველას რაღაცის ეშინია? და რა ხდება იქ, სადაც ირგვლივ ზიზღი მეფობს? თითქოს მარტივი კითხვებია, არა? მაგრამ, აბა, გადაფურცლე ეს ცოტა უცნაური წიგნი და გაჰყევი ვუუს ასევე ცოტა უცნაურ მოგზაურობაში! წინ მთელი გალაქტიკისა და, რაც მთავარია, ამ გალაქტიკაში საუკეთესო პლანეტის აღმოჩენა გელის.
"საუზმის კლუბის" დეტექტივები მხეცი ღობის იქით - სააქციო ღირებულება 8 ლარი
საუზმის კლუბის ნორჩ დეტექტივებს ერთი ურთულესი საქმე აქვთ გამოსაძიებელი - რა იმალება სკოლის ღობის იქით, მიტოვებულ შენობაში? ბავშვებს მასთან მიახლოებას უკრძალავენ. დეტექტივები დაადგენენ, რომ იქ საშინელი მხეცი ცხოვრობს, რომელიც ბავშვებს ნივთებს ჰპარავს! დეტექტივები სამხილს სამხილზე პოულობენ, მაგრამ მის მოხელთებას ვერ ახერხებენ, თანაც გუნდში ბზარი გაჩნდა. მოახერხებენ ისევ გაერთიანებას მარკუსი და მისი მეგობრები? ახდიან ფარდას ამ საშინელ საიდუმლოს და კვლავაც მეგობრებად დარჩებიან? - ამას ამ ლამაზად დასურათებულ და საშიში თავგადასავლებით სავსე წიგნში შეიტყობთ.
გიო - სააქციო ღირებულება 8 ლარი
ბიჭი გიო ზღვისპირა ქალაქში ცხოვრობს, ამქვეყნად ყველაფერი აინტერესებს და გემის კაპიტნობაზე ოცნებობს. მეზღვაური მამა, მრავლისმნახველი ბაბუ და ბედნიერი გარემო გამუდმებით კვებავს მის ფანტაზიას და ბიჭს დედასავით უყვარს დედასთვალებისფერი, უსაზღვროდ ლურჯი ზღვა.მაგრამ გიოს ყმაწვილურ იდილიაში ნელა და შეუმჩნევლად ერევა ღრუბელი - სულ უფრო ხშირად მოჰყვება ნიავს ცეცხლისა და დენთის სუნი. გარშემო შიშნარევი მოლოდინი ისადგურებს და სულ უფრო მეტი კითხვა რჩება უპასუხოდ: რა ხდება? რატომ ხდება? რატომ მოეკიდნენ ერთმანეთს მტრად გუშინდელი მეგობრები?..ეს შიშის, სიმამაცის, თავგანწირვისა და უზრუნველი ბიჭის ერთ წამში დაკაცების სულისშემძვრელი ამბავია, რომელიც ასობით და ათასობით მის თანატოლს გადახდა. გიოს ამბავი ყველას ამბავია, ვინც გამოცადა ომის ელდა, უძვირფასესი ადამიანების დაკარგვა და მშობლიური სახლიდან გამოძევება; ყველას ამბავია, ვინც იმედიან თვალს არ აშორებს მომავალს და ჯიუტად ამბობს: „მე დავბრუნდები“.
ჯაყოს ხიზნები - სააქციო ღირებულება 15 ლარი
ეს გახლავთ „ჯაყოს ხიზნების“ ახალი, ილუსტრირებულ გამოცემა, რომელიც ქართულ კლასიკურ ტექსტს ახალი თვალით დაგანახებთ. რომანში რეალისტური ხერხებით არის დახატული ის ფონი, სადაც სამოქმედოდ გამოჩნდება თეიმურაზ ხევისთავი. ის ცდილობს ცხოვრებასთან დიალოგის გაბმას, ვერ ხედავს აწმყოს რეალურ სურათს თავისი დაღლილი, „ბეცი თვალებით“, რასაც ობიექტური მიზეზებიც აქვს და სუბიექტურიც, კარგავს ყველაფერს და ღატაკი, უპოვარი, ხიზანი საკუთარ მამულში, აღმოაჩენს მარადიულ, წარუვალ, გაძარცვულ მშვენიერებას, რომლის ერთადერთი პატრონი თავად არის.
6000 საოცარი ფაქტი რომელიც აუცილებლად უნდა იცოდე - სააქციო ღირებულება 15 ლარი
"ამ უნიკალურ ენციკლოპედიაში ექვსი მნიშვნელოვანი თემა 6000 საინტერესო ამბად არის გაშლილი - თითო თემა წარმოდგენილია ათასი სრულყოფილი ფაქტით! ამას ემატება ვიზუალური ეფექტიც - შთამბეჭდავი ნახატები და ფოტოები. საინტერესო ამბები გადმოცემულია მოკლედ და ლაკონიურად..."
გოდერძი ჩოხელის მოთხრობები ტაბლიაშვილის ილუსტრაციებით - სააქციო ღირებულება 12 ლარი
ჩვენი დროის ერთ-ერთი გამორჩეული, თვალსაჩინო მწერლისა და რეჟისორის, გოდერძი ჩოხელის მოთხრობების კრებულში თავმოყრილი 11 არაჩვეულებრივი მოთხრობა გაჟღენთილია სიკეთით, ზნეობით, ჰუმანურობისა და მიმტევებლობის განცდით და, რაც მწერლის შემოქმედების უმთავრესი მოტივია, უსაზღვრო და უკიდეგანო სიყვარულით, რომელიც „დამტკიცებას არ საჭიროებს, იგი თვითონ მტკიცდება იქ, სადაც ფეხს დაადგამს!“ შესულია: საზიარო ყვავი; ღმერთის შვილები; გაცოცხლებული მიცვალებული; პაპა ჩაღმას სიზმარი; სწორი თეთრი ხაზი; ბერდედა; ლუკას სახარება; მართა; თევზის წერილები; წერილი ნაძვებს; ხუჭუჭულა.
R
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
დღეს, 9 მაისს, მეორე მსოფლიო ომში ფაშიზმზე გამარჯვებიდან 80 წელი შესრულდა
კვირის კითხვადი სტატიები
მნიშვნელოვანი ინფორმაცია
მკითხველის რჩევით
