16
მარტიდღის ზოგადი ასტროლოგიური პროგნოზი
ოკუპირებულ აფხაზეთში გვიან 11 ნოემბრის გვიან ღამიდან ამ დრომდე არეულობაა. ოკუპირებული რეგიონის ე.წ. ოპოზიცია რუსული საინვესტიციო პროექტების შესახებ შეთანხმებას აპროტესტებს და მის გაუქმებას მოითხოვს.
ცნობისთვის აღნიშნულ შეთანხმება ოკუპირებულ აფხაზეთსა და რუსეთს შორის ახლახან გაფორმდა.
"ოპოზიციამ" მხარდამჭერებთან ერთად ხიდები გადაკეტა. იყო დაპირისპირება აქციის მონაწილეებსა და ე.წ. სამართალდამცველების შორის. ფიზიკური დაპირისპირება მოხდა კოდორის ხიდზე.
- საპროტესტო აქციები გამწვავდა მას შემდეგ, რაც "ოპოზიციის" რამდენიმე წარმომადგენელი დააკავეს. მომიტინგეებმა სოხუმის სამივე ხიდი გადაკეტეს. საუბარია ქვემო და ზემო გუმისთასა და კოდორის ხიდებზე. ე.წ. პრეზიდენტმა, ასლან ბჟანიამ შექმნილ ვითარებასთან დაკავშირებით, "უშიშროების საბჭოს“ საგანგებო სხდომა გამართა, რომელზედაც "უშიშროების ძალების“ ხელმძღვანელებმა “უკანონო ქმედებების თავიდან აცილების მიზნით გატარებულ ღონისძიებებზე ისაუბრეს".
"ხელისუფლების წარმომადგენლებმა გარანტიები მოგვცეს, რომ დაკავებულ პოლიტიკურ აქტივისტებს საათნახევარში გაათავისუფლებდნენ, ამიტომ კოდორის ხიდი დროებით განიბლოკა", - ამის შესახებ ოკუპირებული აფხაზეთის ე.წ. ოპოზიციის ერთ-ერთმა ლიდერმა, ადგურ არძინბამ რუსულ მედიას განუცხადა.
მისი თქმით, თუ ხელისუფლება დანაპირებს არ შეასრულებს, ხიდს კვლავ გადაკეტავენ.
- "თუ დაპირება არ შესრულდება, სოფელ აძიუბჟას მაცხოვრებლები მის დაბლოკვას კვლავ აპირებენ“, - აღნიშნა არძინბამ.
ხიდის განბლოკვის შესახებ ინფორმაცია ოკუპირებული აფხაზეთის ე.წ. უშიშროების საბჭოს მდივანმა, რაულ ლოლუამაც დაადასტურა.
"კოდორის ხიდი განბლოკილია, მასზე მოძრაობა აღდგენილია გამგეობის ხელმძღვანელსა და აქციის მონაწილეებს შორის მოლაპარაკების შემდეგ“, - განაცხადა ლოლუამ მედიასთან საუბრისას.
ამ დრომდე გადაკეტილი რჩება ორი ხიდი - ზემო გუმისთისა და ქვემო გუმისთის ხიდები.
