“ერთადერთი ადგილი, სადაც კონფლიქტი არ არის, სასაფლაოა, მე არ მეჩქარება იქ“ - რას ამბობს ფრანგი პარლამენტარი პაპუაშვილის უარზე

“ერთადერთი ადგილი, სადაც კონფლიქტი არ არის სასაფლაოა - ჩემთვის გასაოცარია, როდესაც მე როგორც პარლამენტარს, პარლამენტის წევრი მეუბნება, “არ შეგხვდები, იმიტომ, რომ შენ არ მეთანხმები მე“, - ამის შესახებ საფრანგეთის ეროვნული ასამბლეის ევროპულ საქმეთა კომიტეტის ვიცე-პრეზიდენტმა, ფრედერიკ პეტმა საქართველოს პრეზიდენტთან გამართული შეხვედრის შემდეგ განაცხადა, რითაც შეაფასა ის ფაქტი, რომ “ქართულმა ოცნებამ“ ევროკავშირის 8 ქვეყნის საგარეო ურთიერთობათა კომიტეტის თავმჯდომარეების დელეგაციასთან შეხვედრაზე უარი თქვა.

• მისი თქმით, აღნიშნული “ძალზე გულდასაწყვეტია“.

“გვინდა ვთქვათ, რომ ევროპა არის ოჯახი. ევროკავშირი გახლავთ კონფლიქტების მართვის ინსტრუმენტი. ზოგჯერ ვერ ვთანხმდებით. ევროპაში ჩვენ ზოგჯერ გვაქვს უთანხმოება, მაგრამ ვმუშაობთ ერთად. ჩემთვის გასაოცარია, რომ როგორც პარლამენტარი, პარლამენტის წევრი მეუბნება, რომ "მე არ შეგხვდები, იმიტომ, რომ შენ არ მეთანხმები მე". ჩემთვის სრული უარყოფაა იმისა, თუ რასაც დემოკრატია გულისხმობს. ერთადერთი ადგილი, სადაც არ არის კონფლიქტი არის სასაფლაო. მე არ მეჩქარება იქ,“ - განაცხადა პეტმა.

შეგახსენებთ,

საქართველოს პარლამენტის თავმჯდომარემ შალვა პაპუაშვილმა ევროკავშირის 8 ქვეყნის საგარეო ურთიერთობათა კომიტეტის თავმჯდომარეების დელეგაციასთან შეხვედრაზე უარი უთხრა.

იხილეთ ასევე:

• "ჩვენ მტრები არ ვართ..." - ევროკავშირის ქვეყნების დელეგაციის წევრთა და სალომე ზურაბიშვილის პირველი კომენტარები პრეზიდენტთან შეხვედრის შემდეგ
• ევროკავშირის 8 ქვეყნის საგარეო კომიტეტების თავმჯდომარეები თბილისში არიან: მათ პარლამენტის თავმჯდომარე არ შეხვდება - რას აცხადებს შალვა პაპუაშვილი?