ღამით რუსეთმა უკრაინის ორი ოლქი დაბომბა - საცხოვრებელი სახლის ნგრევას ბავშვები ემსხვერპლნენ (ფოტოები)

ღამის განმავლობაში რუსეთმა უკრაინის ორ ოლქს საჰაერო სივრციდან შეუტია. უკრაინული მედიის ინფორმაციით, რუსულმა მხარემ ზაპოროჟიე დაბომბა.

ადგილობრივი ხელისუფლების ცნობით, დაიღუპა ერთი ადამიანი, დაშავდა 21. დაშავებულებს შორის არიან 4, 16 და 17 წლის ბიჭები და 2 არასრულწლოვანი გოგონა.

ზაპოროჟიე

აფეთქებამ გაანადგურა ორსართულიანი საცხოვრებელი კორპუსი, დააზიანა საერთო საცხოვრებელი და ავტოსალონის შენობა.

• თავდასხმა განხორციელდა ნიკოლაევზეც.

რუსული დრონებით შეტევისას 5 ადამიანი დაიღუპა. ინფორმაციას უკრაინული მედია ნიკოლაევის საოლქო-სამხედრო ადმინისტრაციის ხელმძღვანელზე, ვიტალი კიმზე და ნიკოლაევის მერზე, ალექსანდრ სენკევიჩზე დაყრდნობით ავრცელებს.

მათივე ინფორმაციით, თავდასხმის შედეგად სხვადასხვა რაიონში დაზიანდა საცხოვრებელი სახლები და ასევე არასაცხოვრებელი შენობები. არიან დაშავებულებიც.

ამ დროისთვის სამძებრო სამუშაოები დასრულებულია.