ესპანეთს მორიგი წყალდიდობა დაატყდა თავს - "30 მანქანა წყლის ნაკადმა ზღვისპირა ქალაქ კადაკესში გამორიყა"
ვალენსიაში მომხდარი დამანგრეველი წყალდიდობიდან ერთი კვირის შემდეგ, უამინდობამ ესპანეთის ჩრდილო-აღმოსავლეთ ნაწილში მიაღწია.
- კატალონიის სახანძრო სამსახურმა გაავრცელა 30 მანქანის ფოტო, რომლებიც წყლის ნაკადმა ზღვისპირა ქალაქ კადაკესში გამორიყა. მათივე თქმით, შემთხვევის შედეგად არავინ დაშავებულა. ადგილობრივი მედია იტყობინება, რომ წვიმის ინტენსივობა შემცირდა.
ერთ-ერთმა მცხოვრებმა დაწერა: "ძალიან მძიმე ვითარებაა კადაკებში, ათობით მანქანა წაიღო ნაკადმა და ხიდი გადაკეტა. მსგავსი რამ მრავალი წელია არ მომხდარა“.
ესპანეთის მეტეოროლოგიური სამსახურის თანახმად, ქალაქ ჩივაში, ვალენსიის პროვინციის დასავლეთით, დაფიქსირდა 491 მმ წვიმა - მეტი, ვიდრე ბოლო 20 თვის განმავლობაში.
გასულ კვირას ძლიერი წყალდიდობის შედეგად 219 ადამიანი დაიღუპა, მათგან 211 მხოლოდ ვალენსიის რეგიონში. კიდევ შვიდი ადამიანი დაიღუპა მეზობელ კასტილა-ლა მანჩაში და ერთი სამხრეთ ანდალუზიაში.