“ეს იყო ყველაზე მძიმე წელი ჩემს ცხოვრებაში“ - პრინცმა უილიამმა მედიასთან პირად და ოჯახურ დეტალებზე ისაუბრა

სამხრეთ აფრიკაში ვიზიტის დასასრულს, ჟურნალისტებთან საუბრისას, პრინცმა უილიამმა მისი მეუღლის და მამისთვის დასმულ დიაგნოზებზე ისაუბრა და განაცხადა, რომ “გასული წელი მისთვის ყველაზე მძიმე იყო.“

• "საშინელი იყო. ეს ალბათ ყველაზე მძიმე წელი იყო ჩემს ცხოვრებაში. ნამდვილად რთული იყო მცდელობა იმისა, რომ ყველაფერი გადამეტანა", - ასე უპასუხა პრინცმა შეკითხვას იმის შესახებ, თუ როგორი წელი ჰქონდა სამეფო ოჯახს.

ბუკინგემის სასახლემ მიმდინარე წლის თებერვალში გაავრცელა ინფორმაცია, რომ მეფეს კიბოს დიაგნოზი დაუსვეს და მკურნალობას იწყებდა. ექვსი კვირის შემდეგ კი ცნობილი გახდა, რომ სიმსივნის დიაგნოზის გამო, ქიმიოთერაპიის კურსს უელსის პრინცესა.

• ”ვამაყობ ჩემი ცოლით, ვამაყობ მამაჩემით, რომ გაუმკლავდნენ ყველაფერს. თუმცა, პირადი თვალსაზრისით, ეს სასტიკი ბრძოლა იყო”,- თქვა უილიამმა.

მან კიდევ ერთი ოჯახური დეტალი გაამხილა. როგორც აღმოჩნდა, პრინცესა შარლოტას მისი მოშვებული წვერი არ მოსწონს, რომელსაც ზაფხულიდან ატარებს.

”შარლოტას არ მოსწონს, ამიტომ მომიწია გაპარსვა, თუმცა მერე ისევ გავზარდე,”- თქვა უილიამმა.

უელსის პრინცი სამხრეთ აფრიკაში Earthshot-ის დაჯილდოების ცერემონიალზე იმყოფებოდა. მან გარემოსდაცვითი ინოვაციებისთვის ხუთი პროექტი 1 მილიონი ფუნტით დააფინანსა.

წყარო

იხილეთ ასევე:

• უელსის პრინცესა ქიმიოთერაპიის დასრულების შემდეგ საჯაროდ პირველად გამოჩნდა - როგორ გრძნობს თავს ქეითი, რომელსაც ათასობით ადამიანი გულშემატკივრობდა (ფოტოები)
• "მოგმართავთ ყველას, ვინც საკუთარ "კიბოს მოგზაურობას" აგრძელებს: დაე სიბნელეში გამოჩენილმა სინათლემ იკაშკაშოს!" - ქეით მიდლტონი ქიმიოთერაპიის დასრულების შემდეგ ოჯახთან ერთად გამოჩნდა