ხეები მარსზე, მთვარეზე და წარმოება ღია კოსმოსში - ორბიტაზე პირველი ხის სატელიტი გაუშვეს: რას ცვლის და რატომ არის მნიშვნელოვანი?

მეცნიერებმა ისტორიაში პირველად, კოსმოსში მსოფლიოს სატელიტი გაუშვეს, რომელიც ხის პანელებისგან არის აგებული.

თანამგზავრის მისიაა გამოცადოს ხე-ტყის, როგორც განახლებადი სამშენებლო მასალის ვარგისიანობა ღია კოსმოსის პირობებში. კერძოდ იმისთვის, რომ გაიგონ, გამოსადეგი იქნება თუ არა აღნიშნული მასალა მთვარეზე და მარსზე სამშენებლო საქმიანობისთვის.

• იაპონელი მკვლევრების მიერ შექმნილი პატარა თანამგზავრი, რომლის წონა სულ რაღაც 900 გრამია, საერთაშორისო კოსმოსური სადგურისკენ SpaceX-ის მისიით წავიდა. სატელიტის- LignoSat-ის პანელები დამზადებულია მაგნოლიის ხისგან, ტრადიციული ტექნიკის გამოყენებით, ხრახნებისა და წებოს გარეშე.

კიოტოს უნივერსიტეტის მკვლევრები იმედოვნებენ, რომ მომავალში შესაძლებელი იქნება კოსმოსის შესწავლის დროს გამოყენებული ზოგიერთი ლითონის ხით ჩანაცვლება.

“კოსმოსში ხე უფრო გამძლეა, ვიდრე დედამიწაზე, რადგან იქ არ არსებობს წყალი ან ჟანგბადი, რომელიც ალპობს მას. 1900-იანი წლების დასაწყისის თვითმფრინავები ხისგან იყო დამზადებული. ამიტომ, შესაძლებელია, რომ სატელიტიც ხის იყოს“, - განუცხადა Reuters-ს კიოტოს უნივერსიტეტის სატყეო მეცნიერების პროფესორმა კოჯი მურატამ.

მკვლევრები იმედოვნებენ, რომ მოვა დრო, როდესაც მარსზე ან მთვარეზე ხეების დარგვა იქნება შესაძლებელი. შესაძლებელია მოხდეს წარმოების გაზრდაც.

აღსანიშნავია, რომ გარდა ხის პანელებისა, LignoSat-ს აქვს ალუმინის კონსტრუქციები და ელექტრონულ კომპონენტებს. მოწყობილობას ბორტზე აქვს სენსორები, რომლებიც აკონტროლებენ, თუ როგორ რეაგირებს ხე კოსმოსის ექსტრემალურ გარემოზე.

კვლევა 6 თვის განმავლობაში გაგრძელდება.

წყარო

იხილეთ ასევე:

• არის თუ არა მზის სისტემაში კიდევ ერთი პლანეტა? - ასტრონომები აცხადებენ, რომ მის აღმოჩენასთან ახლოს არიან
• იაპონელს დღეში მხოლოდ 30 წუთი სძინავს და ამბობს, რომ ეს სიცოცხლის გახანგრძლივებაში ეხმარება - რას ამბობენ მედიკოსები უცნაურ მეთოდზე?