მნიშვნელოვანი ინფორმაცია
21
მარტიდღის ზოგადი ასტროლოგიური პროგნოზი
შაბათი, მთვარის ოცდამესამე დღე დაიწყება 04:51-ზე, მთვარე მშვილდოსანშია
კარგი დღეა ძველი საქმეების დასასრულებლად. ახლებს ნუ წამოიწყებთ. ნუ განახორციელებთ სერიოზულ ფინანსურ ოპერაციებს. სწავლისთვის ნეიტრალური დღეა, მაგრამ გამოცდა სხვა დროისთვის გადადეთ. უმჯობესია ეს დღე განმარტოებით, ბუნებაში გაატაროთ. მაქსიმალურად შეამცირეთ კონტაქტები, გულითადი საუბრები. მოერიდეთ ხელმძღვანელობასთან კონფლიქტს. სამსახურის, საქმიანობის შეცვლას. გათავისუფლდით უსარგებლო ნივთებისგან. არასასურველი დღეა ქორწინებისა და ნიშნობისთვის. მოერიდეთ ხორციან კერძებს. გაუფრთხილდით ღვიძლს. მოერიდეთ ღვიძლისა და ნაღვლის ბუშტის ოპერაციას.
მნიშვნელოვანი ინფორმაცია
მკითხველის რჩევით
ასევე დაგაინტერესებთ
არის თუ არა მზის სისტემაში კიდევ ერთი პლანეტა? - ასტრონომები აცხადებენ, რომ მის აღმოჩენასთან ახლოს არიან
13:40 / 06-11-2024
მზის სისტემაში ადრე ცხრა პლანეტა იყო. ასტრონომი მაიკ ბრაუნი, ასევე ცნობილი როგორც “ადამიანი, რომელმაც პლუტონი მოკლა“, აცხადებს, რომ მას შემდეგ, რაც მისმა ცნობილმა აღმოჩენამ სისტემაში არსებული პლანეტების რაოდენობა შეცვალა, ბავშვებისგან სიძულვილით სავსე წერილებს და უცენზურო ზარებს წლების განმავლობაში იღებდა.
2005 წელს, პლანეტარული ასტრონომიის პროფესორმა ბრაუნმა, ყინულოვანი ობიექტების უზარმაზარ რგოლში ნეპტუნის ორბიტის მიღმა, “ერისი კოიპერის სარტყელში“ (მეცხრე პლანეტის ყოფილი სამეზობლო) კიდევ ერთი პატარა სამყარო აღმოაჩინა.
ასტრონომებს მიაჩნიათ, რომ “ერისი კოიპერის სარტყელი“, რომელიც შექმნილია მზის სისტემის ნარჩენებისგან, არის მზიდან 50-ჯერ უფრო შორს, ვიდრე დედამიწა. პლუტონი კი, რომელიც ახლა კლასიფიცირებულია როგორც ჯუჯა პლანეტა, არ დომინირებს საკუთარ ორბიტაზე და ამიტომაც, საერთაშორისო ასტრონომიული კავშირის თანახმად, მას არ შეუძლია ისეთივე პოზიცია ჰქონდეს, როგორც დანარჩენ რვა პლანეტას.
მაგრამ ახლა, ასტრონომები მიიჩნევენ, რომ "კოიპერის სარტყელს შეუძლია კიდევ ერთი პლანეტა დაუბრუნოს სისტემას.
როგორ აიხსნება თეორია?
იმის გამო, რომ “კოიპერის სარტყელში“ არსებული ობიექტები მზისგან ძალიან შორს არიან, მათი დანახვა ძნელია. ათ წელზე მეტი ხნის განმავლობაში, ასტრონომები ამ არეალს ფარული პლანეტის მოსაძებნად აკვირდებიან. თუმცა, ახლომდებარე ობიექტების ქცევის შესწავლის შედეგად უკვე დარწმუნებულები არიან, რომ ფარული პლანეტა არსებობს და მას ხშირად პლანეტა X-ს ან მეცხრე პლანეტა ეწოდება.
“თუ სხვა პლანეტას ვიპოვით, ეს მართლაც დიდი საქმეა. აღმოჩენას შეუძლია მთლიანად შეცვალოს ჩვენი გაგება მზის სისტემისა და სხვა პლანეტარული სისტემების შესახებ. არსებობს უდიდესი პოტენციალი, რომ სამყაროს შესახებ უზარმაზარი ინფორმაცია მივიღოთ", - განაცხადა იელის უნივერსიტეტის ასტრონომიის ასისტენტმა პროფესორმა მალენა რაისმა.
- თუმცა, უდიდეს აღფრთოვანებას თან ახლავს გარკვეული დაპირისპირებაც - ზოგიერთი მკვლევარს ეს ვერსია სარწმუნოდ არ მიაჩნიათ.
სიმართლე ძალიან მალე იქნება ცნობილი - 2025 წლის ბოლოს ასტრონომები ელიან ახალი ტელესკოპის გამოშვებას, რომელსაც აქამდე შეუცნობელი დეტალების დათვალიერება შეეძლება.
მეცნიერებმა პლანეტის ძიება სულ ახლახან დაიწყეს, მაგრამ მისი არსებობის შესახებ მსჯელობა 175 წელზე მეტი ხანია მიმდინარეობს.
“მას შემდეგ, რაც ნეპტუნი იქნა აღმოჩენილი 1846 წელს, სულ მცირე 30 ასტრონომმა გამოთქვა წინადადება რომ შესაძლებელია არსებობდეს სხვადასხვა ტიპის ტრანს-ნეპტუნური პლანეტები. ვერასდროს წარმოვიდგენდი, რომ ვისაუბრებდი ამაზე, მაგრამ მჯერა, რომ წინა შემთხვევებისგან განსხვავებით, ამ შემთხვევაში ჩვენ მართლები ვართ“, - აცხადებს პლანეტარული მეცნიერების პროფესორი კონსტანტინე ბატიგინი.
ნებისმიერი სხეული, რომელიც მზის გარშემო ბრუნავს ნეპტუნის ორბიტის მიღმა, ასტრონომების მიერ განსაზღვრულია, როგორც "ტრანს-ნეპტუნი".
ბატიგინი და ბრაუნი 2014 წლიდან აქტიურად მუშაობენ ფარული პლანეტის აღმოჩენაზე. დუეტი წლებია ამტკიცებს, რომ უხილავი პლანეტა - დედამიწაზე რამდენჯერმე დიდია.
“ვიზუალურად ყველაზე გასაოცარი მტკიცებულებაა ის, რომ ნეპტუნის მიღმა ყველაზე შორეულ ობიექტ(ებ)ს აქვს ორბიტები, რომლებიც მიმართულია ერთი მიმართულებით. ეს შესაძლოა ფარული პლანეტის არსებობას ადასტურებდეს“, - თქვა ბრაუნმა.
კვლევა გამოქვეყნებულია The Astrophysical Journal Letters-ში. ვარაუდის თანხმად, ფარული პლანეტა დაახლოებით ხუთ-შვიდჯერ აღემატება ჩვენს პლანეტას და მისი ორბიტალური პერიოდი 10000- დან 20000 წლამდეა.
იხილეთ ასევე:
- გადაშენებული ბიბლიური მცენარე, 1000 წლის წინანდელი თესლიდან აღადგინეს - რა სამკურნალო თვისებები აქვს უძველეს ტექსტებში მოხსენიებულ ხეს
- მკვლევრებმა მექსიკის ჯუნგლებში შემთხვევით დაკარგული ქალაქი აღმოაჩინეს - რა საიდუმლოს მალავს მაიას ტომის მეგა საცხოვრებელი კომპლექსი
გააკეთეთ კომენტარი
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
შსს ფარულ ჩანაწერებს აქვეყნებს - დაკავებულია 3 პირი: კადრებში ჩანს, როგორ ყიდიან ნარკოტიკს
კვირის კითხვადი სტატიები
მნიშვნელოვანი ინფორმაცია
მკითხველის რჩევით
