აპოკალიფსური კადრები ოკლაჰომიდან - შტატს თავს ძლიერი შტორმი და ტორნადოები დაატყდა თავს: ზარალი უზარმაზარია, 11 დაშავებული საავადმყოფოშია გადაყვანილი (ფოტო/ვიდეო)
ძლიერმა შტორმებმა და რამდენიმე ტორნადომ ოკლაჰომას შტატში მასშტაბური პრობლემები შექმნა.
სტიქიამ შტატში ათიათასობით სახლი გაანადგურა. რეგიონები ელექტროენერგიის გარეშე დარჩა. დაზიანდა ასობით ავტომობილი. 11 ადამიანს ჰოსპიტალიზაცია დასჭირდა. მსხვერპლის შესახებ ინფორმაცია არ ვრცელდება.
მოსალოდნელი ტორნადოს შესახებ ოკლაჰომას მოსახლეობა რამდენიმე დღით ადრე იყო გაფრთხილებული. ამასთან, ძლიერმა წვიმამ ზოგიერთ რაიონში წყალდიდობა გამოიწვია და რამდენიმე საცხოვრებელ სახლს ხანძარი გაუჩნდა.
ამინდის ეროვნული სამსახურის ქარიშხლის პროგნოზირების ცენტრის უფროსის, რიჩარდ ტომპსონის თქმით, შტატს ექვსმა ან მეტმა ტორნადომ დაარტყა.
სინოპტიკოსებმა მოსახლეობას მოუწოდეს, მოემზადონ უფრო ძლიერი წვიმისთვის.
“ელექტრო ხაზები ყველგან დაზიანებულია. გზები მოგლეჯილმა ხეებმა და ნანგრევებმა ჩახერგა,“ - განუცხადა Associated Press-ს ქალაქის მერმა ჩად ალკოქსმა.
ამ დროისთვის გაწმენდითი სამუშაოები მიმდინარეობს. მაშველები სახლებს ამოწმებენ, ნანგრევებიდან 2 ადამიანი ამოყვანეს.
იხილეთ ასევე:
- ძლიერი წვიმის შედეგად ბარსელონაში აეროპორტი დაიტბორა - რა კადრები ვრცელდება მედიაში (ვიდეო)
- ”ვირთხებივით ვიყავით ხაფანგში..." - ესპანეთში წყალდიდობის შედეგად დაღუპულთა რიცხვი 158-მდე გაიზარდა: როგორ აღწერენ ადგილობრივები სტიქიას