ჯილ ბაიდენმა “ჰელოუინზე“ პანდის ფორმა მოირგო და აშშ-ის პრეზიდენტთან ერთად სტუმრებს თეთრ სახლში უმასპინძლა (ვიდეო)

თეთრ სახლში გამართულ ჰელოუინზე, აშშ-ის მოქმედმა პრეზიდენტმა ჯო ბაიდენმა, სტუმრებს ცოლთან, პირველ ლედისთან, ჯილ ბაიდენთან ერთად უმასპინძლა. პირველი ლედი გიგანტური პანდის ფორმაში გამოეწყო და მთელი საღამოს განმავლობაში, სწორედ ასე მასპინძლობდა ბავშვებსა და მოზარდებს.

თეთრი სახლის ეზოში სხვადასხვა გასართობი პროგრამა იყო სტუმრებისთვის, ასევე მათ ტკბილეულითაც უმასპინძლეს.

• “ამ წლის დასაწყისში პირველმა ლედიმ მიიღო ცნობა ეროვნული ზოოპარკიდან, სადაც აღნიშნული იყო, რომ პანდებს ვაშინგტონში დააბრუნებდნენ. ჯილ ბაიდენმა პანდას კოსტიუმი შეარჩია, როგორც "მისასალმებელი ჟესტი", - აცხადებენ თეთრ სახლში.

კითხვის წახალისებისთვის, ჯილ ბაიდენმა ღონისძიებას სიმბოლური სახელი - "Hallo-Read" შეურჩია. აშშ-ის პირველი ლედი უკვე 40 წელია მასწავლებელია. ის მუდმივად გეგმავს წამახალისებელ ღონისძიებებს ბავშვებში, რომ მათში წიგნებისადმი სიყვარული კიდევ უფრო გააძლიეროს.

დღის განმავლობაში თეთრ სახლს 8000-მდე ადამიანი ეწვია.

აღსანიშნავია, რომ ეს წყვილისთვის თეთრ სახლში გატარებული ბოლო “ჰელოუინი“ იყო. ჯო ბაიდენმა უარი თქვა საპრეზიდენტო არჩევნებში მონაწილეობაზე, ის თანამდებობას იანვარში ტოვებს.

წყარო

იხილეთ ასევე:

• გამარჯვებები, პირადი ტრაგედიები, შეცდომები... - ჯო ბაიდენის გრძელი გზა და 50-წლიანი პოლიტიკური კარიერის მოახლოებული დასასრული