”ვირთხებივით ვიყავით ხაფანგში..." - ესპანეთში წყალდიდობის შედეგად დაღუპულთა რიცხვი 158-მდე გაიზარდა: როგორ აღწერენ ადგილობრივები სტიქიას
ესპანეთში წყალდიდობის შედეგად დაღუპულთა რაოდენობა 158-მდე გაიზარდა, - ინფორმაციას BBC-ი ავრცელებს.
- გამოცემის ცნობით, მინიმუმ 155 ადამიანის დაღუპვა ვალენსიაში დაფიქსირდა, ორი ადამიანი კასტილა-ლა მანჩაში დაიღუპა, ერთი კი ანდალუზიაში. ოფიციალური პირები უგზო-უკვლოდ დაკარგულთა ზუსტ რაოდენობას არ ასახელებენ, მაგრამ აცხადებენ, რომ ბევრი დაკარგულია.
სამაშველო სამუშაოები გრძელდება და ხელისუფლებამ გუშინ სამაშველო მისიაში 1 200-ზე მეტი თანამშრომელი ჩართო, რომლებიც დრონების დახმარებით მოქმედებენ.
”ამჟამად ყველაზე მნიშვნელოვანი რამ არის რაც შეიძლება მეტი ადამიანის გადარჩენა”, - განაცხადა პრემიერ-მინისტრმა, პედრო სანჩესმა.
უტიელის პროვინციის მერი, რიკარდო გაბალდონი მედიასთან სტიქიას და ამ დროს ადამიანების მდგომარეობას აღწერს:
”ჩვენ ვირთხებივით ვიყავით ხაფანგში, ქუჩებში წყალს მანქანები და ნაგვის კონტეინერები მოჰქონდა. წყალი 3 მეტრის სიმაღლეზე აღწევდა", - ამბობს
- ესპანეთში გუშინ სამდღიანი გლოვა დაიწყო, სამთავრობო შენობებზე დროშები დაშვებულია.
ნახეთ ასევე: