13
მაისიდღის ზოგადი ასტროლოგიური პროგნოზი
ისტორია ხშირად გვიყვება შემთხვევებზე, როდესაც სოციალური და ოჯახური სტატუსი ყოველთვის არ განსაზღვრავს ადამიანების ბედსა და ურთიერთობებს. ერთ-ერთი ასეთი ტრაგიკული ისტორია თავად გრიგოლ გრუზინსკიზე მოგვითხრობს, რომლის ცხოვრებაც მორალური და სოციალური ღალატის სახეა. მეუღლის, ოლგას ღალატის გამო, თავადს ცხოვრება დაენგრა. შემთხვევა გასულ საუკუნეში მოხდა.
- ბაგრატიონების დინასტიის მემკვიდრე1833 წელს ცნობილ და შეძლებულ ოჯახში დაიბადა. მამა, ელიზბარ (ილია) ბაგრატიონი, ქართველი სამეფო ოჯახის წევრი და ცნობილი დინასტიის წარმომადგენელი იყო. ოჯახი მოსკოვში ცხოვრობდა და ცამეტ შვილს ზრდიდნენ, ყველა მათგანი თავადის ტიტულს ატარებდა.
მემკვიდრეობის წყალობით გრიგოლი ლამაზად ცხოვრობდა. თუმცა, მისი ცხოვრება რადიკალურად შეიცვალა, როდესაც შეხვდა ქალს, რომელიც მისთვის ტრაგიკული აღმოჩნდა.
საბედისწერო შეხვედრა
მოსკოვში, მოდურ კაფეტერიაში 32 წლის გრიგოლის ყურადღება მიმზიდველმა ოლგა ფროლოვა მიიქცია, რომელიც იქ მიმტანად მუშაობდა. 21 წლის ოლგა ვერ დაიკვეხნიდა დიდგვაროვნებით, მაგრამ მისი ხალისიანობა და კეკლუცობა თავადისთვის შეუმჩნეველი დარჩენილა. თავადი მონუსხული იყო ქალის სილამაზით. გადაწყვიტა ოლგას თავისთან წაეყვანა და ქორწინებაზეც ფიქრობდა, თუმცა სასტიკი წინააღმდეგი აღმოჩნდა გრიგოლის დედა.
1866 წელს ოლგასა და გრიგოლს პირველი ვაჟი, ალექსანდრე, შეეძინათ. თავადი ამაყობდა, რომ მისი პირველი შვილი ბიჭი დაიბადა. ამ დროისთვის ოლგა უკვე დიდ გავლენას ახდენდა თავადზე, რომელიც მასზე სიგიჟემდე შეყვარებული იყო. ბავშვის დაბადებიდან მალევე გრიგოლმა იმპერატორ ალექსანდრე II-ს წერილით მიმართა, სადაც სთხოვა ნება მიეცა, ვაჟი შვილად აეყვანა და თავისი გვარი მიეცა. იმპერატორმა წყვილი დალოცა, რის შემდეგაც, მიუხედავად ოჯახის პროტესტისა თავადმა ქალზე იქორწინა. 1867 წელს ქორწილი შედგა, რის შემდეგაც მათ მეორე ვაჟი შეეძინათ.
შმიდტის გამოჩენა მათ ცხოვრებაში
თავადი შვილების მიმართ ძალიან ყურადღებიანი იყო და მათ აღზრდას დიდ დროს უთმობდა. როცა უფროსი შვილები წამოიზარდნენ, არისტოკრატული ტრადიციების მიხედვით, სახლში მასწავლებელი უქირავა. ერიხ შმიდტი, წარმოშობით გერმანელი, თავადი ოლღასთვის ვნების ობიექტად იქცა. ოლღა, ამ დროს 36 წლის იყო. ოჯახურ ცხოვრებაში მძაფრი შეგრძნებები აკლდა და ახალგაზრდა მასწავლებელი შეუყვარდა.
შემოდგომაზე თავადმა თავისი უფროსი ვაჟი სანქტ-პეტერბურგში სასწავლებლად გაგზავნა და თავადაც გაჰყვა. იქ ექვსი თვე გაატარა, რადგან ციებ-ცხელებას ებრძოდა. როდესაც გაზაფხულზე ქალაქში ოლღა შვილებთან და გუვერნიორთან ერთად ჩავიდა, თავადის ჯანმრთელობა ჯადოსნურად გაუმჯობესდა.
ერთ საღამოს, გრიგოლმა მეუღლე შმიდტის მკლავებში დაინახა. ღალატისგან მიღებული შოკი იმდენად ძლიერი იყო, რომ გონება დაკარგა და ცივ იატაკზე უგონოდ დაეცა, სადაც დილამდე დარჩა. რადგან მეუღლემ და მასწავლებელმა სირცხვილის გამო მისი დახმარება ვერ გაბედეს. შემდეგ მოვლენები მოულოდნელად განვითარდა. თავადი, რომელიც ღალატის პატიებას ვერ ახერხებდა, მასწავლებელი გაათავისუფლა. მეუღლეს კი საყვარელზე უარის თქმა და ოჯახში დაბრუნება სთხოვა, თუმცა უშედეგოდ. ოლგამ გრიგოლი მიატოვა. თავადი შვიდ შვილთან ერთად მარტო დარჩა.
მიტოვებული თავადის ისტორია
ოლგა საყვარლის გვერდით ცხოვრებას აგრძელებდა. არ აინტერესებდა რას ფიქრობდნენ მასზე მსახურები და საზოგადოება. მათი ურთიერთობა შეურაცხმყოფელი იყო გარშემომყოფებისთვის. ერთ-ერთი სტუმრობისას ოლგამ თან წაიყვანა ორი შვილი - თამარი და ლიზა, რომლებიც 8 და 9 წლის იყვნენ. თავადს ყოფილი ცოლი არ შეუჩერებია.
ამის შემდეგ ოლგამ გრიგოლისგან შვილების გამოსაკვებად თვიური ფინანსური დახმარება მოითხოვა, მაგრამ თავადმა პირველად მტკიცედ უარი უთხრა. გუბერნიაში მათი ურთიერთობის დრამა ფართოდ განიხილებოდა და მდგომარეობა დღითიდღე იძაბებოდა.
1882 წლის ოქტომბერში თავადმა შეიტყო, რომ მისმა ცოლმა ოლგამ შმიდტი მიატოვა და ორი პატარა გოგონა მასწავლებელთან დატოვა. ამ ამბავმა თავადი შეძრა და მაშინვე გაგზავნა ეტლი ბავშვების სახლში დასაბრუნებლად. შმიდტმა თავდაპირველად გოგონების გაშვება არ მოისურვა, თუმცა ბოლოს მაინც დათანხმდა, მაგრამ მათ ნივთების წაღება აუკრძალა. ამ მომენტიდან დაიწყო კონფლიქტი.
მეორე დღეს, როდესაც თავადი გოგონებთან ერთად ეკლესიაში აპირებდა წასვლას, მათ შესაფერისი სამოსი არ აღმოაჩნდათ. გრიგოლი შმიდტთან წავიდა, რომ ბავშვისთვის ტანსაცმელი წამოეღო, მაგრამ მასწავლებელი იარაღით დახვდა. გრიგოლმა თავადაც ესროლა, როდესაც შმიდტი შენობაში დაინახა, თუმცა ჭრილობა მძიმე არ აღმოჩნდა და შმიდტი გაიქცა. თავადმა ისევ ესროლა მასწავლებელს და შმიდტი საბოლოოდ მძიმედ დაიჭრა.
სასამართლო პროცესი საზოგადოების ყურადღების ცენტრში აღმოჩნდა, რადგან საქმე არისტოკრატს ეხებოდა. თავდაპირველად ინციდენტი განიხილეს როგორც განზრახ მკვლელობა. თუმცა გრიგოლის ადვოკატმა ყველაფერი გააკეთა, რომ საქმის მსვლელობა შეეცვალა.
პროცესი, რომელსაც უამრავი მაყურებელი ჰყავდა, საბოლოოდ თავადის სასარგებლოდ დასრულდა. ნაფიცმა მსაჯულებმა გაამართლეს.
სასამართლოს დასრულების შემდეგ თავადი გრიგოლი ცოლს ოფიციალურად დაშორდა და შვილების მოვლა საკუთარ თავზე აიღო. იგი აღარ დაქორწინებულა და მთელი თავისი ძალები შვილების აღზრდას მიუძღვნა.
ეგეც თქვენი რუსი ქალები ))))))
მაინ რას ნიშნავს ქართული სისხლი,აი ნაღდი ბაგრატიონი,დარჩა შვილების ერთგული