"მასწავლებლები სკოლებში "სკიბიდი ტოილეტის" გამოთქმას კრძალავენ" - რა კავშირი აქვს საქართველოსთან ანიმატორს, რომელმაც უცნაური პერსონაჟებით მილიონები გამოიმუშავა

ცოტა ხნის წინ YouTub- სა და TikTok-ზე გამოჩნდა არხები: DaFuq!?Boom! და Blugray, რომელმაც პოპულარობა დღეებში მოიპოვა და საზარელი პერსონაჟები Gen Alpha- თვის საკმაოდ საინტერესოები აღმოჩნდნენ.

საუბარია"სკიბიდი ტოილეტი" - ფრაზას ყველგან გაიგონებთ. სკოლებში, სახლში, ქუჩაში. მოზარდები ერთმანეთს ხშირად ეუბნებიან. ეს ყველაფერი საკმაოდ უცნაური YouTube სერიების დამსახურებაა.

• ვიდეო, სადაც უნიტაზიდან ამოყოფილი მამაკაცის თავი ჩანს და "skibbidy bop bop bee bee skibiddy bop bop beep beep boop"-ს მღერის, ანიმატორმა ალექსეი გერასიმოვმა შექმნა.

მოკლე ვიდეოების სერია 2023 წელს ნამდვილი ინტერნეტ ჰიტი იყო. მამაკაცები ტელევიზორის, სათვალთვალო კამერის და სხვა ტექნიკის თავებით, ნამდვილ ფენომენად იქცა. რიგ შემთხვევებში მათ Marvel-ისა და Star Wars-ის გმირებიც კი ჩაანაცვლეს.

“skibbidy Toilet“-ის ვიდეოები 20 მილიარდზე მეტჯერ იქნა ნანახი. არხს DaFuq!?Boom! კი 32 მილიონზე მეტი გამომწერი ჰყავს.

• საქმე იქამდე მივიდა, რომ აშშ-ში და ევროპაში მასწავლებლებმა მოსწავლეებს ფრაზის გამოყენება აუკრძალეს.

TikTok-ზე გაჩნდა პრეზენტაცია სათაურით - “როდის შეიძლება დაიყვირო "სკიბიდი ტოილეტი?" - სადაც ახსნილია მოსწავლეებისთვის ის შეზღუდვები, როდესაც აღნიშნულის თქმა ეკრძალებათ.

მაგალითად, ფრაზის წარმოთქმა დაუშვებელია დილის 12 საათიდან 9:15 საათამდე საღამოს 4 საათიდან 11:59 საათამდე. როგორც ვიდეოს კომენტარებში წერენ, აღნიშნული შეზღუდვა ნამდვილად საჭიროა, რადგან მოზარდები ამას უკვე ძალიან ხშირად ამბობენ.

• "სკიბიდი ტოილეტის" შემქმნელი საუბრობს შთაგონებაზე, ოცნებებსა და "გიჟურ დასასრულზე" - ამის შესახებ სტატიას forbes- იც აქვეყნებს

“დღევანდელი ბავშვები იზრდებიან ქაოსურ, უსაზღვრო ინტერნეტ კულტურაში; ისინი მიჩვეულნი არიან ნახონ ცნობები, რომლებსაც არ ცნობენ. გერასიმოვი მიიჩნევს, რომ Gen Alpha- მ სწორედ ამიტომ მოიწონა მისი ნამუშევარი. რადგან ის არის ნამდვილი...“ - წერს გამოცემა.

როგორც აღმოჩნდა, საზარელი პერსონაჟი მისი შემქმნელის, გერასიმოვის კოშმარის მსგავსია. სწორედ ამგვარი კოშმარები აწუხებდა მას წლების განმავლობაში.

"გერასიმოვის ანიმაცია მისი ქვეცნობიერის ყველაზე ბნელი კუთხიდან გაჩნდა და მან სიზმარიც ნახა რომელიც მის მომავალ წარმატებას წინასწარმეტყველებდა,“ - წერს forbes.

გერასიმოვი თავის შემოქმედებას აღწერს, როგორც “ქალაქს სურეალისტურ ატმოსფეროში“.

• ვინ არის ალექსეი გერასიმოვი

ალექსეი გერასიმოვი ასევე ცნობილი როგორც DaFuq!?Boom! ან Blugray, არის ანიმატორი, რომელიც შეუერთდა YouTube-ს 2016 წელს. ის დაიბადა რუსეთში, თუმცა საცხოვრებლად საქართველოში 2019 წელს გადმოვიდა. თუმცა ამ ეტაპზე რომელ ქვეყანაშია და საიდან ქმნის ცნობილ ანიმაციებს, ჯერჯერობით უცნობია.

სკანდალური ანიმატორი ცხრა წელია აკეთებს ანიმაციებს. მან ასევე შექმნა Counter Strike მემები, Transformers Memes და სერიალები, რომლებიც მოიცავს Half-Life პერსონაჟებს.

Net Worth Spot-ის ინფორმაციით, 2024 წლის მონაცემებით გერასიმოვი 135.87 მილიონ დოლარს ფლობს.

იხილეთ ასევე:

• Roblox: "სამოთხე პედოფილებისთვის" - რა სკანდალურ ფაქტებს ასაჯაროებს მედია მოზარდების საყვარელ თამაშზე?