"რა კარგია, რომ ერთმანეთთან ჩხუბი არ მოგვიწევს, სასწაული ძალა აქვს, ტრაქტორივითაა" - რას ამბობს მერაბ დვალიშვილი ილია თოფურიას ძმაზე
UFC-ის ქართველმა მებრძოლმა, ილია თოფურიამ ჩემპიონის ქამარი დაიცვა და მაქს ჰოლოუეი ნოკაუტით დაამარცხა. ბრძოლა 26 ოქტომბერს, აბუ დაბიში გაიმართა. ილიას არაერთი ქართველი უშუალოდ ადგილიდან გულშემატკივრობდა.
თოფურიას საგულშემატკივროდ აბუ დაბიში იყო UFC-ის კიდევ ერთი ქართველი ჩემპიონი, მერაბ დვალიშვილი, რომელმაც თოფურიას ბრძოლამდე რამდენიმე საათით ადრე ილიას ძმასთან, ალექსანდრესთან ერთად ვარჯიშის შემდეგ გადაღებული ვიდეო "ინსტაგრამზე" გამოაქვეყნა.
- "ახლა დავამთავრეთ ვარჯიში, ალექს თოფურია, მგელი კაცი, რა კარგია რომ ერთმანეთთან ჩხუბი არ მოგვიწევს, ქართველები ვართ. სასწაული ძალა აქვს, ტრაქტორივითაა, შენ ვარჯიში რად გინდა, ჩემო ძმაო“, - თქვა მერაბმა.
თავის მხრივ ალქსანდრემაც შეაქო დვალიშვილი და თქვა: "ჩემპიონი ლაპარაკობს“.
ცნობისთვის, ალექსანდრე თოფურიაც UFC-ის მებრძოლია, თუმცა ჯერჯერობით მას ბრძოლა არ გაუმართავს.
- ნახეთ ასევე:
- ილია თოფურიამ ჰოლოუეი დაანოკაუტა და ტიტული დაიცვა - მერაბ დვალიშვილის, სერხიო რამოსის, ოჯახის წევრების და ჯორჯინას ემოციები ისტორიული გამარჯვების შემდეგ
- "როცა სახეში მოვარტყი, მაქსმა რამდენიმე ნაბიჯით უკან დაიხია, ეს იშვიათად ხდება... ამ დროს ჩემმა ძმამ დამიძახა" - თოფურიას პირველი კომენტარი გამარჯვების შემდეგ
- "ვინ მოიყვანა ეს აქ, ვინ ხარ ბიჭო შენ" - როგორ უპასუხა ილია თოფურიამ რუსი ჟურნალისტის პროვოკაციულ კითხვას (ვიდეო)