მნიშვნელოვანი ინფორმაცია
12
მაისიდღის ზოგადი ასტროლოგიური პროგნოზი
ორშაბათი, მთვარის მეთექვსმეტე დღე დაიწყება 21:55-ზე, მთვარე მორიელშია
მშვიდობიანი საქმეები წარმატებით დასრულდება. კაპიტალდაბანდებებს მოერიდეთ.
კარგი დღეა იურიდიული საკითხების მოსაგვარებლად, სასამართლო პროცესების დასაწყებად. კარგი დღეა შემოქმედებითი საქმიანობისთვის. გარშემო მყოფებთან ურთიერთობისას გამოიჩინეთ ტაქტი. უფროსს მნიშვნელოვან საკითხებზე საუბრისთვის ნუ შეხვდებით; წვრილ-წვრილი საკითხები მოაგვარეთ. კარგი დღეა დასვენების, მოგზაურობის, ფიზიკური დატვირთვისა და საოჯახო საქმეების შესრულებისთვის. მოერიდეთ ალკოჰოლის მიღებას, მოწევას. არც იშიმშილოთ და არც კუჭი გადატვირთოთ.
მნიშვნელოვანი ინფორმაცია
მკითხველის რჩევით
კვირის კითხვადი სტატიები
თვის კითხვადი სტატიები
ასევე დაგაინტერესებთ
"რადიკალური დაჯგუფება დამარცხებულია, თუ კი ვინმე გაბედავს კანონსაწინააღმდეგო ნაბიჯების გადადგმას, მოჰყვება მკაცრი რეაგირება" - კალაძე
22:48 / 26-10-2024
თუ კი ვინმე გაბედავს კანონსაწინააღმდეგო ნაბიჯების გადადგმას, სახელმწიფოს მხრიდან ამას მოჰყვება ძალიან მკაცრი რეაგირება, რა თქმა უნდა, კანონის ფარგლებში , - ამის შესახებ თბილისის მერმა, “ქართული ოცნების” გენერალურმა მდივანმა კახა კალაძემ ბრიფინგზე ოპოზიციის მხრიდან მოსალოდნელ გადატრიალებასთან დაკავშირებით დასმულ კითხვაზე უპასუხა.
კალაძის თქმით, იმისთვის, რომ გადატრიალება მოაწყოს, ოპოზიციას საზოგადოების მხარდაჭერა უნდა ჰქონდეს.
"ეს არის ჩვეულებრივი სპეკულაციები, ოპოზიციას არანაირი შესაძლებლობა არ აქვს იმის, რომ ქვეყანაში მოაწყოს გადატრიალება და რევოლუცია. როდესაც შენ აწყობ გადატრიალებას, უნდა გქონდეს საზოგადოებისა და ხალხის მხარდაჭერა. დღეს ოპოზიცია, ეს რადიკალური დაჯგუფება არის დამარცხებული. თუ კი ვინმე გაბედავს კანონსაწინააღმდეგო ნაბიჯების გადადგმას, სახელმწიფოს მხრიდან ამას მოჰყვება ძალიან მკაცრი რეაგირება, რა თქმა უნდა, კანონის ფარგლებში”, - განაცხადა კალაძემ.
როგორც კალაძემ განმარტა, ოპოზიციაზე დიდი წარმოდგენა არ აქვს და არ იცის, როგორ იმოქმედებს საბოლოო შედეგების გამოცხადების შემდეგ.
“არ ვიცი, ოპოზიცია რა გადაწყვეტილებას მიიღებს, თუმცა მის განცხადებას არანაირი არსებითი მნიშვნელობა არ აქვს. ჩვენთვის ყველაზე მთავარია, რომ არჩევნები ჩატარდა თავისუფალ გარემოში, მთელი კამპანიის განმავლობაში. მე 2012 წლიდან მონაწილეობას ვიღებ არჩევნებში. ასეთი მშვიდი საარჩევნო გარემო და კამპანია მე არ მახსოვს 2012 წლის შემდეგ. ყველა პოლიტიკურ პარტიას, ყველა პოლიტიკურ სუბიექტს ჰქონდა შესაძლებლობა იმისა, რომ ჩაეტარებინა მისი კამპანია. რაც შეეხება ცესკო-ს მონაცემების აღიარება-არაღიარებას, სხვათა შორის დღეს, როცა გამოვდიოდი, თქვენი ჟურნალისტებიდან ერთ-ერთმა დამისვა კითხვა, მმართველი გუნდი რას გააკეთებდა, როცა გამოცხადდებოდა ცენტრალური საარჩევნო კომისიის მიერ. რა თქმა უნდა, როგორც პრემიერ-მინისტრმა, ასევე მეც, პირდაპირ განვაცხადეთ, რომ ჩვენ ყველა შედეგს, რა შედეგიც არ უნდა იყოს გამოცხადებული ცესკო-ს მიერ, ამას მივიღებთ და შესაბამისად, ეს მოცემულობა იქნებოდა ჩვენთვის, მაგრამ რას გადაწყვეტს ოპოზიცია, დიდი წარმოდგენა არ მაქვს ოპოზიციაზე, შესაბამისად, გამიჭირდება ამაზე პასუხის გაცემა, თუ როგორ იმოქმედებენ ისინი”, - განაცხადა კალაძემ.
sponsored by
ContentRoom
რუბრიკის სხვა სიახლეები
დღის ვიდეო
00:00 / 00:00
აპლიკაცია გველების შესახებ - რა უნდა ვიცოდეთ
კვირის კითხვადი სტატიები
მნიშვნელოვანი ინფორმაცია
მკითხველის რჩევით
