“გააზრების პროცესი დამთავრებულია - მიხვდნენ რომ არჩევნებს აგებენ და მაქსიმალურად ცდილობენ არეულობა შეიტანონ“ - როინ ქოჩორაშვილი ამომრჩეველს აქტიურობისკენ მოუწოდებს
პარტია “გახარია - საქართველოსთვის” წევრი, როინ ქოჩორაშვილი ამომრჩევლებს მეტი აქტიურობისკენ მოუწოდებს.
როგორც მან “ტელეკომპანია პირველთან“ ჩართვაში განაცხადა, “ქართულ ოცნებას“ არჩევნები ფაქტობრივად უკვე წაგებული აქვს და ახლა ცდილობენ სხვადასხვა საარჩევნო უბნებზე არეულობა მოაწყონ.
“ერთი და იგივე დარღვევებია ყველა უბანზე. ჩვენ მაქსიმალურად, ქალაქის მასშტაბით ვმოძრაობთ, ყველა უბანთან ზონდერ ჯგუფები ჰყავთ მობილიზებული. მოდი ასე ვთქვათ - “მეტადონის“ პროგრამაზე მყოფი ხალხი. სირცხვილია, უბრალოდ.
სრული აგონია აქვთ. მინდა იმ ხალხს მოვუწოდო, ვინც ჯერ კიდევ არ მისულა საარჩევნო უბნებთან და ხმა არ მიუცია. “ქართულ ოცნებას“ წაგებული აქვს დღევანდელი არჩევნები და სრულ აგონიაში არიან. გააზრების პროცესი უკვე დამთავრებულია - მიხვდნენ რომ არჩევნებს აგებენ და მაქსიმალურად, ყველა უბანზე ცდილობენ რომ არეულობა შეიტანონ.
რაც მოხდა მარნეულში, ეგ ერთ-ერთი მაგალითია. იგივე, თქვენს ოპერატორს თავს დაესხნენ კახეთში... ეს არის აგონიის შედეგი.
ჩემო თბილისელებო, ქართველებო - გამოდით ვისაც ხმა არ მიგიციათ. მობრძანდით, დააფიქსირეთ თქვენი აზრი, იმიტომ რომ ამათი ამბავი დამთავრებულია,“ - განაცხადა როინ ქოჩორაშვილმა.
იხილეთ ასევე: