“სიმართლის თქმა მოუწევს - ყველაფრისთვის მზად ვარ“ - რას აცხადებს გიორგი ბაჩიაშვილი ბიძინა ივანიშვილზე
“მას პასუხი არ აქვს და ვერც ექნება, რადგან სიმართლის თქმა მოუწევს, პასუხი ამიტომ არ გასცა“, - ასე გამოეხმაურა თანაინვესტირების ფონდის ყოფილი ხელმძღვანელი გიორგი ბაჩიაშვილი ბიძინა ივანიშვილის მხრიდან მის ინტერვიუზე გაკეთებულ მოკლე შეფასებას.
როგორც ბაჩიაშვილმა ჟურნალისტებთან საუბრისას აღნიშნა, “ბიძინა ივანიშვილს პასუხი ქართველი ხალხისთვის უნდა ჰქონდეს და ამ პასუხის გაცემა ძალიან მალე მოუწევს“.
“სიმართლე არის ის, რომ ამ ქვეყანას სჭირდება ცვლილება და ეს ცვლილება დღეს აუცილებლად მოხდება“,- განაცხადა ბაჩიაშვილმა.
- კითხვაზე, აქვს თუ არა მოლოდინი, რომ დააკავებენ, ბაჩიაშვილი ამბობს, რომ ყველაფრისთვის მზადაა.
“არაფერს ველოდები, მაგრამ ყველაფრისთვის მზად ვარ“,- აღნიშნა ბაჩიაშვილმა.
“დღეს, ყველა ქართველმა, ყველა პატრიოტმა ჩვენი შვილებისთვის საქართველოს ევროპულ არჩევანს უნდა მისცეს ხმა. ჩვენი ადგილი ევროპაშია და დღეს ამას ქართველი ხალხი ნამდვილად დაამტკიცებს“,- განაცხადა გიორგი ბაჩიაშვილმა.
ცნობისთვის, თანაინვესტირების ფონდის ყოფილი ხელმძღვანელის გიორგი ბაჩიაშვილის გუშინდელ ინტერვიუს, სადაც მან ბიძინა ივანიშვილის შესახებ ვრცლად ისაუბრა, ივანიშვილი დღეს მოკლე კომენტარით გამოეხმაურა. “ქართული ოცნების“ საპატიო თავმჯდომარემ განაცხადა, რომ ბაჩიაშვილს “პასუხი არ სჭირდება!“.
“თუ მისი ინტერვიუ ნახეთ, იქ უკვე ყველაფერი იკითხება!”,- აღნიშნა ივანიშვილმა.
იხილეთ ასევე:
- რას ამბობს ბიძინა ივანიშვილი ბაჩიაშვილის გუშინდელ ინტერვიუზე - "მასზე რომ საუბრობთ, ელემენტარული კრიტიკული აზროვნება არა გაქვთ!"
- "თუ მისთვის ცნობილი იყო ბიძინა ივანიშვილის მიერ სახელმწიფო თანხების მითვისების ფაქტი, რატომ აცხადებს ამას მხოლოდ ახლა?" - თანაინვესტირების ფონდის გენდირექტორი გიორგი ბაჩიაშვილის ინტერვიუს ეხმაურება